logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ МАОРИФ»

 
Моддаи 1. Ба Қонуни Ҷумҳурии Тоҷикистон «Дар бораи маориф»  аз 22 июли соли 2013 (Ахбори Маҷлиси Олии Ҷумҳурии Тоҷикистон, с. 2013, №7, мод. 532; с. 2014,  №3, мод.156, №7, қ. 2, мод. 422; с. 2016, №3, мод. 148, №7, мод. 624; с. 2017, №№7-9, мод. 581; с. 2018, №5, мод. 278; с. 2020, №12, мод. 912; с. 2021, №12, қ. 2, мод. 706) тағйиру иловаҳои зерин ворид карда шаванд:
1. Дар моддаи 1: 
- дар сархати бисту чорум калимаи «офияти» ба калимаи «тавонбахшии» иваз карда шавад;
- дар сархати  бисту панҷум калимаҳои «муассисаҳои томактабӣ» ба калимаҳои «муассисаҳои таълимии томактабӣ» иваз карда шаванд;
- ба сархати чилум пеш аз калимаи «томактабӣ» калимаи «таълимии» илова карда шавад.
2. Ба сархати сеюми моддаи 5 пас аз калимаҳои «идоракунии давлатӣ» аломат ва калимаҳои «, мақомоти худидоракунии шаҳрак ва деҳот» илова карда шаванд.
3. Ба қисми 2 моддаи 6 ҷумлаи дуюм бо мазмуни зерин илова карда шавад:
«Гирифтани таҳсилоти ройгон дар муассисаҳои таълимии ғайридавлатии таҳсилоти касбӣ метавонад тибқи оинномаи муассиса ё қарори муассиси (муассисони) онҳо сурат гирад.».
4. Дар қисми 8 моддаи 11, сархати сеюми моддаи 35, сархати ҳафтуми моддаи 36,  сархати якуми моддаи 37, қисми 3 моддаи 39, қисми 9 моддаи 55 ва қисми 4 моддаи 64 калимаҳои «Муассисаҳои томактабӣ», «муассисаҳои томактабӣ» ба калимаҳои «Муассисаҳои таълимии томактабӣ» ва «муассисаҳои таълимии томактабӣ» иваз карда шаванд.
5. Ба моддаи 12 қисми 5 бо мазмуни зерин илова карда шавад:
«5. Муассисаҳои таълимӣ фаъолияти худро тибқи тартиби муайяннамудаи санадҳои меъёрии ҳуқуқӣ, оинномаи муассиса ва қарори муассис (муассисон) амалӣ менамоянд.».
6. Дар моддаи 13:
- сархати якуми қисми 1 дар таҳрири зерин ифода карда шавад:
- «- мақомоти давлатӣ, мақомоти худидоракунии шаҳрак ва деҳот;»;
- қисми 2 дар таҳрири зерин ифода карда шавад:
«2. Субъектони дар қисми 1 моддаи мазкур пешбинишуда метавонанд муассисаи таълимии муштарак таъсис диҳанд.».  
7. Дар моддаи 14:
- дар қисми 1:
- аз сархати чорум калимаҳои «маълумот оид ба» хориҷ карда шаванд;
- дар сархати ҳаштум пас аз калимаи «ташаккули» калимаи «моликият» ба калимаҳои «молу мулк» иваз карда шавад;
- дар сархати ёздаҳум аломати нуқта ба аломати нуқта вергул «;» иваз карда шавад;
- сархати дувоздаҳум бо мазмуни зерин илова карда шавад:
- «- дигар маълумотеро, ки қонунгузории Ҷумҳурии Тоҷикистон муайян намудааст;»;
- аз қисми 3 калимаҳои «муассиса таҳия намуда, онро» хориҷ карда шаванд.
8. Дар моддаи 15:
- дар қисмҳои 2, 3, 4, 5  ва  6  пас  аз калимаи «муассисаҳои» калимаи «таълимии» илова карда шавад;
- дар қисми  4 калимаи «модар» ба калимаи «модари» иваз карда шуда, пеш аз калимаҳои «тибқи қонунгузории» калимаи «тарбиягирандагон» илова карда шавад.
9. Дар қисми 18 моддаи 16 пас аз калимаи «Тайёрии» калимаи «ибтидоии» илова карда шавад.
10. Ба қисми 3 моддаи 17 пас аз калимаҳои «таҳсилоти касбӣ»  калимаҳои «ва марказҳои таълимии калонсолон» илова карда шаванд.
11. Дар моддаи 19:
- ба қисми 1 ҷумлаи сеюм бо мазмуни зерин илова карда шавад:
«Тартиби қабул ба муассисаҳои таълимии таҳсилоти олии касбӣ, доираи (категорияи)  шаҳрвандоне, ки барои қабул шудан ба муассисаҳои мазкур имтиёз доранд, қонунгузории Ҷумҳурии Тоҷикистон муайян менамояд.»;
- қисми 4 дар таҳрири зерин ифода карда шавад:
«4. Таҳсили шаҳрвандон дар муассисаҳои таълимии таҳсилоти олии касбии давлатӣ мувофиқи фармоиши давлатӣ ройгон мебошад. Таҳсили шаҳрвандон дар муассисаҳои мазкур илова ба фармоиши давлатӣ пулакӣ аст.».
12. Қисми 9 моддаи 21 хориҷ карда шавад.
13. Дар қисмҳои 1, 3 ва 6 моддаи 22 калимаи «офияти» ба калимаи «тавонбахшии» иваз карда шавад.
14. Ба қисми 4 моддаи 24 пас аз калимаҳои «мутахассисони ҷавон» калимаҳои «, ки аз ҳисоби буҷети давлатӣ ё тибқи фармоиши давлатӣ муассисаҳои таълимии таҳсилоти касбиро хатм кардаанд,» илова карда шаванд.
15. Ба қисми 9 моддаи 25 пас аз калимаи «новобаста» аломат ва калимаҳои «, ба истиснои ҳолатҳое, ки санадҳои қонунгузории Ҷумҳурии Тоҷикистон пешбинӣ намудааст,» илова карда шаванд.
16. Аз моддаи 31 қисмҳои 3 ва 4  хориҷ карда шаванд.
17. Ба сархати ёздаҳуми моддаи 32 пас аз калимаи «шакли» калимаҳои «фосилавӣ ва» илова карда шаванд.
18. Дар моддаи 33:
- дар сархати шонздаҳум калимаи «аввал» ба калимаи «якум» иваз карда шавад;
- ба сархати бисту якум пас аз калимаҳои «ба муассисаҳои» ва «таълимӣ» мувофиқан калимаҳои «таълимии» ва «, Кодекси одоби корманди соҳаи маориф, намуна ва қоидаҳои пӯшидани сарулибоси расмии хонандагон, донишҷӯён, шунавандагон ва омӯзгорони муассисаҳои таълимӣ, ба истиснои муассисаҳои таълимии тобеи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати корҳои дохилии Ҷумҳурии Тоҷикистон, вазорату идораҳое, ки дар онҳо хизмати ҳарбӣ пешбинӣ шудааст» илова карда шаванд;
19. Дар қисми 2 моддаи 38:
- дар сархати даҳум калимаҳои «молиявию пулӣ» ба калимаҳои «моддӣ-техникӣ ва молиявӣ» иваз карда шаванд;
- сархати бисту якум хориҷ карда шавад.
20. Аз қисми 8 моддаи 44 калимаҳои «таълим ва» хориҷ карда шаванд.
21. Дар қисми 2 моддаи 46:
- дар сархати чорум аломати нуқта ба аломати нуқта вергул  «;» иваз карда шавад;
- сархати панҷум  бо мазмуни зерин илова карда шавад;
- «- талаботи Қонуни Ҷумҳурии Тоҷикистонро «Дар бораи масъулияти падару модар дар таълиму тарбияи фарзанд» риоя ва иҷро намоянд.».
22. Ба сархати якуми моддаи 47 пас аз калимаҳои «касби омӯзгорӣ» калимаҳои «ва одоби омӯзгор» илова карда шаванд.
23. Ба моддаи 48 қисми 9 бо мазмуни зерин илова карда шавад:
«9. Шахсоне, ки барои содир кардани ҷиноят нисбат ба ноболиғон якумра аз ҳуқуқи ишғоли мансабҳои муайян ва ё машғул шудан бо фаъолияти муайян маҳрум шудаанд, ба муассисаҳои таълимиву тарбиявӣ ба кор қабул карда намешаванд.». 
24. Дар сархати чоруми моддаи 49 калимаҳои «аломатҳои ҷинсӣ, мансубияти этникӣ» ба калимаҳои «мансубияти ҷинсӣ, этникӣ» иваз карда шаванд.
25. Сархати якуми қисми 1 моддаи 53 дар таҳрири зерин ифода карда шавад:
«- тибқи тартиби муайяннамудаи қонунгузории Ҷумҳурии Тоҷикистон ба таъхир гузоштани  муҳлати даъват ба хизмати ҳарбӣ;».
26. Дар қисми 4 моддаи 54 калимаи «лабораторӣ» ба калимаи «озмоишӣ» иваз карда шавад.
27. Аз қисми 3 моддаи 66 калимаҳои «бо ҳуқуқи моликият ба онҳо тааллуқ доранд ё» хориҷ карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.
 
Президенти Ҷумҳурии Тоҷикистон               Эмомалӣ РАҲМОН
ш. Душанбе, 19 июли соли 2022, № 1905
 
ҚАРОРИ МАҶЛИСИ НАМОЯНДАГОНИ
МАҶЛИСИ ОЛИИ ҶУМҲУРИИ ТОҶИКИСТОН
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» қабул карда шавад.
 
Раиси Маҷлиси намояндагони
Маҷлиси Олии Ҷумҳурии Тоҷикистон М. ЗОКИРЗОДА
ш. Душанбе, 22 июни соли 2022, № 781 
 
ҚАРОРИ МАҶЛИСИ МИЛЛИИ МАҶЛИСИ ОЛИИ
ҶУМҲУРИИ ТОҶИКИСТОН
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф»
Мутобиқи моддаи 60 Конститутсияи Ҷумҳурии Тоҷикистон ва моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф»-ро баррасӣ намуда, қарор мекунад: 
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» ҷонибдорӣ карда шавад.
 
Раиси Маҷлиси миллии 
Маҷлиси Олии Ҷумҳурии Тоҷикистон Рустами ЭМОМАЛӢ
ш. Душанбе, 15 июли соли 2022, № 300


Баёни ақида (0)    Санаи нашр: 25.07.2022    №: 142 - 143    Мутолиа карданд: 1765
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед