logo

иқтисод

САНОАТИКУНОНӢ. ҲАМОҲАНГӢ БО ТЕХНОЛОГИЯИ НАВИН МАСЪАЛАИ МЕҲВАРИСТ

Бо назардошти аҳамияти бузурги соҳаи саноат, ки пешрафти давлат ва ҷомеа ба он пайванди ногусастанӣ  дорад, боз ҳам бо ибтикори Сарвари давлат солҳои 2022 - 2026 - Солҳои рушди саноат эълон карда шуд. Дар заминаи ин иқдом Пешвои миллат дастур доданд, ки то Ҷашни 35-солагии Истиқлоли давлатӣ вобаста ба ин самт дар мамлакат зиёда аз 870 корхонаи нави саноатӣ таъсис дода, ҳаҷми истеҳсоли маҳсулоти саноатӣ бояд ба 95 миллиард сомонӣ расонда шавад. Ҳиссаи саноат дар Маҷмуи маҳсулоти дохилӣ то  26 дарсад ва  содироти он 2 маротиба зиёд гардад.
 
Бо мақсади иҷрои вазифаҳои гузошташуда, ҳамчунин, Барномаи давлатии саноатикунонии босуръати Ҷумҳурии Тоҷикистон барои солҳои 2020 - 2025  таҳия шудааст, ки аз тадбирҳои бунёдӣ дар ин самт мебошад.  Дар ин ҷода яке аз масъалаҳои меҳварии соҳаи саноат – омодасозии мутахассисони замонавӣ ҳамеша аз ҷониби  Пешвои миллат таъкид мегардад, зеро барои зиёд намудани корхонаҳои саноатӣ ва ба ин васила таъмини шуғли аҳолӣ сохтори саноатии мамлакат  ба мутахассисони кордону болаёқати муосир ниёз дорад. Иқтисодиёт дар ҳамон вақт ба пешрафт ноил мешавад, ки дар истеҳсолот кормандони ихтисосманду дорои малакаи замонавӣ фаъолият кунанд. 
Барои омода намудани мутахассисони ҷавобгӯ ба талабот ворид сохтани донишҳои нави технологӣ ба раванди таълим дар ин соҳа ниҳоят зарур аст. Пеш аз ҳама, ҷиҳати ҳамоҳангсозии касбомӯзии мутахассисони ҷавон ба равандҳои рушди техникаю технология баланд бардоштани тафаккури техникии онҳо  муҳимтарин ҳадафи масъулони соҳаи маориф дар ҳоли имрӯз ба ҳисоб меравад. Айни замон,  тавлид ва татбиқи техникаву технологияҳои  нав дар самтҳои технологии корхонаҳои саноатӣ омили тавсеадиҳандаи иқтидори истеҳсолӣ ва пешрафти кишвар мебошад. 
Барои ноил шудан ба ин мақсад аз тарафи доираҳои илмӣ, олимон ва мутахассисони кишвар як қатор лоиҳаҳо коркард ва чорабиниҳои илмӣ - таҷрибавии васеъ гузаронда мешаванд, вале боз ҳам чораҳои муайяни натиҷабахш бояд роҳандозӣ гарданд.  
Чаро татбиқи технологияи нав  ва омодасозии  мутахассисон бо назардошти он масъалаи меҳварист? 
Имрӯзҳо мо дар давраи татбиқи натиҷаҳои технологияҳои инноватсионӣ дар соҳаҳои гуногун қарор дорем, ки зинаи 3-юми мукаммалгардонии низоми истеҳсолот ва равандҳои технологӣ ба шумор меравад. Зеро ду зинаи аввал - механикунонӣ ва автоматикунонии равишҳову ҷараёнҳои истеҳсолӣ буда, аллакай, дар замони мо қариб, ки мавқеи худро аз даст дода истодаанд. Ҳоло татбиқи технологияҳои муассири инноватсионӣ дар истеҳсолот мавриди таваҷҷуҳ аст. 
Самаранокии корҳои илмию истеҳсолӣ бо назардошти технологияи нав дар доираи Солҳои рушди саноат  ва омодасозии мутахассисон дар ҳамоҳангӣ бо он, воқеан, сабаби таъсиси ҷойҳои нави кор, ғанӣ гардондани буҷети давлат, коҳиши маҳсулоти воридотӣ, афзоиши иқтидори содиротӣ ва, дар маҷмуъ, равнақи иқтисодиёти миллӣ мегардад. Таҷриба собит менамояд, ки роҳандозии технологияи муосири истеҳсолӣ истифодаи ашёи хомро сарфа намуда, самараи истеҳсолро даҳчанд баланд мебардорад. 
Амалисозии чунин ҳадафҳо дар роҳи истифодаи  ашёи хоми ватанӣ чӣ дар саноати маъданҳои кӯҳӣ ва чӣ саноати сабук, ки  ба  дастрасии аҳолӣ ба маҳсулоти арзони дохилӣ ва ташкили ҷойҳои нави кор мусоидат мекунад, аз масъулони соҳа барои ҳамоҳангии таълиму ковишҳои илмӣ бо ин технология чораҳои мушаххаси дастгирикунандаро тақозо менамояд.   Баробари ин, баланд бардоштани самаранокии истеҳсолот аз ҳисоби мукаммалгардонии технология, таҷҳизоти маҳсулнокиаш баланд, сарфаи ашёи хом ва  навсозии техникаи фарсудашудаи корхонаҳои саноатӣ дар доираи Барномаи зикргардида беш аз пеш зарурат пайдо кардааст.   
 
Ардамеҳр ТОАТОВ,
донишҷӯи  Донишгоҳи техникии Тоҷикистон 
ба номи академик М. С. Осимӣ


Баёни ақида (0)    Санаи нашр: 26.09.2022    №: 184    Мутолиа карданд: 1073
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед