logo

маориф

Тоҷикистон ба фазои таҳсилоти ҷаҳонӣ ҳамроҳ мешавад

Гузаштан ба низоми нави таҳсилоти умумии 12-сола, ки дар Паёми навбатии Президенти ҷумҳурӣ ба Маҷлиси Олӣ вазифадор карда шуда буд, сабаби баҳси навбатӣ дар расонаҳои хабарӣ гашт. Доир ба ин мавзӯъ то имрӯз назару андешаҳои гуногун мавҷуд аст.
Мавриди зикр аст, ки низоми таҳсилоти 12-сола дар давлатҳои пешрафтае чун ИМА, Канада, Ҷопон, Фаронса, Испаниё, Лаҳистон ҷорӣ аст. Дар Олмон, Шветсия, Чехия, Италия, Ҳоланд бошад, низоми таҳсилоти 13 ва  14-сола амал мекунад. Аз кишварҳои собиқи шӯравӣ то ҳол ҷумҳуриҳои назди Балтика, Молдова, Украина, Арманистон, Гурҷистон ва Ӯзбекистон ба таҳсилоти 12-сола гузаштаанд.
Роҷеъ ба ин мавзӯъ бо иштироки Абдуҷаббор Раҳмонов, вазири маорифи ҷумҳурӣ,  нишасти матбуотӣ доир гашт. Вазир зикр кард, ки  «Консепсияи гузариш ба низоми нави таҳсилоти миёнаи умумӣ дар Ҷумҳурии Тоҷикистон» дар Ҳукумати ҷумҳурӣ ва Маҷлиси намояндагони Маҷлиси Олӣ баррасӣ ва қабул гардида,  дар асоси он «Барномаи қадам ба қадам гузаштан ба низоми нави таҳсилот»  таҳия шудааст. Вобаста ба ин аз соли хониши 2014-2015 хонандагони синфи 1 аз синни 6-солагӣ  интихоб мешаванд. Таҳсилоти умумии асосӣ бошад, соли хониши 2011-2012  10-сола хоҳад шуд. Дар назар аст, ки соли таҳсили 2016-2017 низоми таҳсилоти 12-сола ҷорӣ карда мешавад. Дар ин давра баъди гузаронидани курсҳои такмили ихтисос ва муайян кардани соатҳои иловагӣ барои хонандагони синфи сеюм, давраи ҷаҳиш ба вуҷуд меояд. Хонандагони синфҳои ду, ки аз ҳафтсолагӣ хонишро оғоз кардаанд, баъди хатм  ба синфи 4 гузаронида мешаванд. Хонандагони дигар синфҳо  як синф ҷаҳиш мекунанд ва худи ҳамон сол аввалин муҳассилин синфи 12-ро хатм менамоянд. Абдуҷаббор Раҳмонов зарурати ҷорӣ намудани таҳсилоти ҳатмии 10-сола ва низоми нави таҳсилоти 12-соларо вобаста ба ворид шудан ба фазои таҳсилоти ҷаҳонӣ арзёбӣ намуд ва гуфт, ки ин раванд  имконият медиҳад, ки кӯдакон аз синни шашсолагӣ пурра ба таҳсил фаро гирифта шаванд. Барномаву нақшаҳои таълимӣ бо назардошти ин таҷрибаи ҷаҳонӣ таҳия мегарданд.
Мушкилоти муҳиме, ки дар ин маврид пеш меояд, нарасидани ҷойи нишаст, кадрҳои омӯзгорӣ ва мактабҳо мебошад, ки айни замон боиси сару садоҳои зиёд низ гаштааст. Зеро эҳтиёҷот ба кадрҳои омӯзгорӣ дар ин ҳол ба 17400 нафар мерасад. Вазир доир ба ин масъала гуфт, ки бо назардошти дурнамои рушди соҳа дар назар дошта шудааст, ки солҳои 2011-2016 1050 мактаб, 1460 синфхона, ки дар маҷмӯъ 157 ҳазор ҷойи нишастро ташкил медиҳад, сохта шуда, 37700 нафар мутахассиси соҳаи омӯзгорӣ тайёр карда мешавад.
Гузариш ба таҳсилоти ҳатмии 10- сола ва низоми нави таҳсилоти 12-сола, ки дар аксар кишварҳои пешрафтаи ҷаҳон роиҷ аст, ба хонандагон бештар имкони интихоби дурусти касбро фароҳам месозад. Ҳамчунин  таҳсилоти касбиро бо назардошти қобилияташон ба роҳ мемонанд ва баъдан дар муассисаҳои таҳсилоти олии мамлакат ва дигар кишварҳои пешрафта таҳсилро идома медиҳанд.                                     
                                                                                                          

Фарзонаи Файзалӣ,  «Ҷумҳурият»


Баёни ақида (0)    Санаи нашр:    №:    Мутолиа карданд: 619

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед