logo

энергетика

Нерӯгоҳҳои хурди обӣ кӯҳистонро чароғон месозанд

Нерӯгоҳҳои хурди обӣ яке аз сарчашмаҳои асосӣ барои таъмини аҳолӣ бо барқ дар деҳоти дурдасти кӯҳистон ба ҳисоб мераванд. Сохтусози НБО-и хурд чандон сармояи калонро талаб намекунад ва он зуд ҷуброн мешавад. Ғайри ин нерӯгоҳҳои хурд муҳити атрофро ифлос накарда, барои зисти мавҷудоти обӣ камтар осеб мерасонанд. Ҳавзҳое, ки бо сохтмони нерӯгоҳҳо ба вуҷуд меоянд, барои захираи об ва обёрии заминҳои кишт муфид хоҳанд буд.
-Муассисаи давлатии «Маркази идораи лоиҳаҳои бахши электроэнергетика» (МИЛБЭ) бо қарори Ҳукумати ҷумҳурӣ аз 3 июли соли 2006, № 283 ташкил шудааст. Вазифаҳои марказ истифодаи ҳадафманд ва самараноки қарзу грантҳое мебошанд, ки аз сӯи Ҳукумати ҷумҳурӣ барои татбиқи лоиҳаҳои мавриди назар, ҳамоҳангсозии корҳо, муҳайё намудани шароит барои таҳаққуқи лоиҳаҳо, назорат бар амалигардии лоиҳаҳо ва монанди инҳо пешниҳод мегарданд, -гуфт Салоҳиддин Мирзоев, роҳбари МД «МИЛБЭ».
Мувофиқи дархости мақомоти иҷроияи маҳаллии ҳокимияти давлатии шаҳру ноҳияҳои кишвар зиёда аз 80 мавзеи имконпазири бунёди НБО-и хурд дар ҷумҳурӣ аз ҷониби мутахассисони марказ мавриди баррасӣ қарор гирифт ва лоиҳаи 50 нерӯгоҳи хурди барқи обии аз нигоҳи техникию иқтисодӣ асоснокгардида таҳия шуд.
Бо ибтикори Вазорати энергетика ва саноати ҷумҳурӣ якҷо бо МД «МИЛБЭ» то имрӯз дар кишвар зиёда аз 120 НБО-и хурд фаъолият дорад, ки аксари онҳоро соҳибкорон бунёд кардаанд. Аз ҷумла бо ташаббуси Усмон Сабзов дар деҳаи Лолагии ноҳияи Ҳисор, Саидҷон Мирзоалиев дар деҳаи Обирӯшани ноҳияи Ховалинг, Мирзо Қосимов дар деҳаи Сиполинги ноҳияи Рашт ва Зиёвиддин Қосимов дар деҳаи Роғи ноҳияи Варзоб нерӯгоҳҳо сохта, рустоҳоро чароғон кардаанд.
Ба саволи магар имкон надорад, ки дар ҷумҳурӣ истеҳсоли дастгоҳҳои барқиро ба роҳ монем, роҳбари МД «МИЛБЭ» ҷавоб дод, ки мо бо заводи «Тоҷиктекстилмаш»-и шаҳри Душанбе ҳамкорӣ дорем ва муассиса истеҳсоли таҷҳизоти заруриро барои нерӯгоҳи хурди дорои иқтидори 30 кВт оғоз кардааст ва худи ҳамин сол ду адад дар деҳаи Харангони ноҳияи Варзоб насб хоҳад шуд. Дар сурати фаъолияти муваффақи он нерӯгоҳҳои хурдро метавон дар дигар мавзеъҳо бунёд кард. То имрӯз 16 нерӯгоҳи обии хурд аз ҳисоби созмонҳои ватанию хориҷӣ бунёд шуд ва мавриди истифода қарор гирифт. Боз сохтмони 25 иншооти дигар бо ҷалби сармояи хориҷию дохилӣ идома дорад.
Салоҳиддин Мирзоев хотирнишон кард, ки шаҳрвандони зиёде ба марказ барои сохтусози нерӯгоҳҳои хурди обӣ муроҷиат менамоянд. Аз ҷумла Абдуллохон Шарифов аз деҳаи Сурхоби ноҳияи Фархор, Боймуҳаммад Қурбонов аз деҳаи Алмосии ноҳияи Ҳисор ва Ғайратшоҳ Раҷабов аз ноҳияи Ҷиликӯл бо сармояи худ мехоҳанд дар зодгоҳҳояшон нерӯгоҳ созанд.
Бо қарори Ҳукумати ҷумҳурӣ аз 3 октябри соли 2006, № 449 «Барномаи дарозмуддати бунёди силсилаи нерӯгоҳҳо барои солҳои 2007-2020» тасдиқ шудааст, ки тибқи он сохтмони 12 нерӯгоҳ идома дорад. Аз ҷумла НБО-и хурди «Ширг»-и ноҳияи Дарвоз дар семоҳаи охири соли ҷорӣ бо иқтидори 1260 кВт мавриди баҳрабардорӣ қарор мегирад.
Лозим ба зикр аст, ки маркази мазкур барои бунёди нерӯгоҳҳои хурди обӣ дастур медиҳад ва бо бисёре аз идора ва созмонҳои марбута иртиботи қавӣ дорад.

Муҳаммади НУРУЛЛОҲ,
«Ҷумҳурият»


Баёни ақида (0)    Санаи нашр:    №:    Мутолиа карданд: 862

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед