logo

паёмҳо

Паёми табрикии Президенти Ҷумҳурии Тоҷикистон Эмомалӣ Раҳмон ба муносибати иди Қурбон, 15 ноябри соли 2010

Ҳамватанони азиз!
Фардо дар Тоҷикистони азизи мо яке аз идҳои шарифи мардуми мусулмон - иди Қурбон таҷлил мегардад.  Ба ин муносибат ҳамаи шуморо  самимона табрик гуфта, ба ҳар кадоматон аз даргоҳи илоҳӣ саломативу хушрӯзӣ, хонаи ободу дастархони пурфайз ва оромиву осоиши рӯзгор орзумандам.

Боиси хушҳоливу хушбахтии ҳар кадоми мост, ки ба шарофати истиқлолияти давлатӣ мардуми мусулмони кишвар аз арзишҳои фарҳангиву динӣ ва ҳуқуқу озодиҳои эътиқодӣ ба таври васеъ баҳравар гардида, маросиму суннатҳои динии худро озодона ба ҷо меоранд.
Имрӯз мусулмонони кишвари мо ба истиқболи иди Қурбон тараддуд ва омодагӣ мегиранд; дастархони идона ороста, бо дуову фотиҳа арвоҳи гузаштагонро ёд мекунанд.
Анъана ва суннати неки дигар, ки дар рӯзҳои ид анҷом дода мешавад, хайру саховат ба ниёзмандон мебошад. Мардуми шарифи мо хуб медонанд, ки амалҳои хайри дар ин рӯзҳо анҷомдодаи онҳо, яъне дароз кардани дасти мадад ба ҳоҷатмандону мӯҳтоҷон, хурсанд кардани ятимон, аёдати беморону куҳансолон ва кӯмак ба оилаҳои камбизоат, боиси мустаҳкам шудани меҳру муҳаббат дар байни табақаҳои гуногуни ҷомеа мегардад ва онҳоро ба ҳамдигар наздиктар менамояд.
Дар шароити кунунӣ яке аз вазифаҳои муҳим ва ниёзмандиҳои ҷиддии ҷомеаи мо тарбияи насли солим ва дур аз фасоди ахлоқӣ, ба камол расонидани шахсияти таҳаммулгарову нексиришт, ороста бо ахлоқи ҳамида, мусаллаҳ бо донишу ҷаҳонбинии муосир ва омодаи хизмат ба Ватан ва ҷомеа мебошад.
Аз ин лиҳоз, мехостам бо истифода аз фурсати муносиб  - арафаи иди шарифи Қурбон доир ба масъалаи таълиму тарбияи фарзанд ва масъулияти падару модарон, зиёиён, ходимони масҷидҳо ва умуман аҳли ҷомеа дар ин раванд ибрози ақида намоям.
Бузургони гузаштаи мо фармудаанд: «Агар хоҳӣ, ки номат ҷовидон монад, фарзандро хирадмандиву илму фарҳанг биёмӯз!»
Бешубҳа, пешрафти ҷомеаи башарӣ, тараққӣ ва шукуфоии халқу миллатҳо, гузоштани асоси тамаддунҳову эҷоди фарҳангҳо ва суботу  устувории ҷамъияту давлатҳо ба тарбияи солим ва таълими дурусти фарзандони ҳар аср вобастагии зич дорад.
Тавре аз таърих медонем, миллатҳое, ки ба ҷаҳониён номи нек ва илму ҳикмати пурифтихорро ба ёдгор гузоштаанд, ба масъалаи тарбияи насли наврас бо масъулияти ҷиддӣ муносибат доштаанд.
Ба ин сабаб дар хусуси тарбияи фарзандон, дуруст ба воя расонида, ба роҳи дурусти ҳаёт равона кардани онҳо саҳлангорӣ намекарданд; то ҳадди имкон ҷидду ҷаҳд мекарданд, ки ба ҷомеа афроди тарбиятдида ва таълимгирифтаро тақдим намоянд.
Дар яке аз ҳадисҳои набавӣ низ омадааст, ки «агар мард фарзандро адаб  биёмӯзад,  беҳтар аз он аст, ки садақа бидиҳад». Яъне тарбия ва таълими фарзанд беҳтарин садақа буда, вазифаи виҷдонӣ ва қарзи имонии ҳар як фарди мусулмон маҳсуб мешавад.
Зеро бе тарбияи насли ҷавони дорои ахлоқи ҳамида, донишҳои касбии замонавӣ ва забондон эъмори ҷомеаи мутамаддин ва давлати пешрафта аз имкон берун аст.
Аз ин рӯ, аз ҳар як падару модар тақозо мешавад, ки масъулият ва қарзи худро дар назди фарзандонашон  амиқан дарк карда, ба хотири фароҳам овардани шароит барои донишандӯзӣ ва тарбияи солими онҳо  ҳамеша кӯшиш намоянд.
Ҳадафи асосии давлат тарбияи наврасону ҷавонони соҳиби илму ҳунари муосир, донандаи техникаву технологияҳои ҳозиразамон ва мутахассисону кадрҳои ҷавобгӯ ба талаботи рӯз мебошад.
Дар баробари ин давлат ва Ҳукумати Тоҷикистон омӯзиши илмҳои диниву мазҳабиро инкор накарда, тибқи ниёзи ҷомеа ва ба тариқи расмӣ танзиму ташкил кардани онҳоро аз вазифаҳои муҳими хеш медонад. Танзими ин раванд ба фоидаи ҳар донишҷӯ, ҷомеа ва Ватани азизи мо мебошад. Зеро давлат дар баробари таъмини озодии таълим масъули назорати таълим ва донишомӯзии ҳар шаҳрванди ҷомеаи озод мебошад.
Ҳамватанони азиз!
Ҳамаи шумо хуб медонед, ки бо шукӯҳу шаҳомат гузаронидани чорабиниҳои идона фақат дар шароити сулҳу оромӣ, суботи сиёсӣ ва иттиҳоду сарҷамъии ҷомеа муяссар мегардад.
Дар шароити суботи сиёсӣ ва ваҳдати миллӣ иқтисоду иҷтимоиёти кишвар рӯ ба тараққӣ оварда, пояҳои давлатдории миллии мо таҳким меёбанд. Танҳо дар чунин шароит мо ба яке аз мақсадҳои асосии худ, яъне баланд бардоштани сатҳу сифати зиндагии мардум ва эъмори давлати пешрафтаи демократӣ ва ҳуқуқбунёду дунявӣ расида метавонем.
Лекин дар хотир бояд дошт, ки барои ҳифзи ваҳдати миллӣ ва суботу оромии ҷомеа бояд ҳамаи мо ва ҳар як фарди бонангу номус, аҳли зиё, аҳзоби сиёсиву иттиҳодияҳои ҷамъиятӣ, падару модарон ва рӯҳониёну ходимони масҷидҳо, хулоса кулли шаҳрвандони давлати соҳибистиқлоли Тоҷикистон содиқона саъйу талош намоем.
Мо бояд ба қадри неъмати бебаҳои давлати озоду соҳибихтиёр, сулҳу суботи сиёсӣ  ва сарзамини ободу зебои худ расем ва шукронаи онҳоро ба ҷо орем.
Мо бояд шукрона кунем, ки имрӯз мусулмонони кишварамон тамоми рукнҳои дини мубини исломро озодона иҷро менамоянд, зеро  қонунгузории демократии давлатамон дар баробари эҳтиром ва риояи ҳуқуқу озодиҳои инсон ва шаҳрванд озодии эътиқод ва виҷдонро кафолат медиҳад.
Бовар дорам, ки мардуми тоҷик ва дар навбати аввал наврасону ҷавонони мо бо пайравӣ аз анъанаҳои неки ниёгонамон ҳарчи бештар ба омӯзиши илму маърифат ва азхуд кардани касбу ҳунар рӯ оварда, дар ободии имрӯзу ояндаи Ватани азизу маҳбубамон-Тоҷикистон  ва таҳкими мақому обрӯи он дар арсаи байналмилалӣ саҳми арзандаи худро мегузоранд.
Шубҳае нест, ки хусусан дар ин айёми шариф ҳар як фарди огоҳу бедордил ва бонангу номуси ҷомеа бо анҷом додани аъмоли хайру савоб ва бо шукрона аз неъмати истиқлолу озодӣ ба хотири таҳкими ваҳдати миллӣ, сулҳу суботи сарзамини аҷдодӣ ва ободиву шукуфоии Ватани азизамон саъйу талоши ватандӯстонаро вусъат мебахшад.
Соли оянда давлати соҳибистиқлолу ҷавони мо бистсола мешавад ва барои истиқболи сазовори ин санаи мубораку муқаддаси миллӣ ҳар кадоми мо вазифадорем, ки бо дилу нияти нек ва умеди қавӣ ба фардои осудаи халқу давлатамон дучанд заҳмат кашем.
Бо ҳамин ниятҳои нек, бори дигар фарорасии иди шарифи Қурбонро ба ҳамаи шумо, ҳамватанони азиз ва кулли мусулмонони ҷаҳон муборакбод гуфта, бароятон аз даргоҳи Худованди мутаол хонаи обод, сари баланд, ризқу рӯзии фаровон ва тандурустиву имони комил орзумандам.
Идатон муборак бошад!


Баёни ақида (0)    Санаи нашр:    №:    Мутолиа карданд: 1083

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД


Дар сомонаҳои дигари Тоҷикистон хонед