logo

ҳукумат

Сарвари давлат масъулонро ба пуштибонӣ аз манфиатҳои миллӣ ҳидоят кард

28 феврал таҳти раёсати Эмомалӣ Раҳмон, Президенти Ҷумҳурии Тоҷикистон, Раиси Ҳукумати мамлакат, маҷлиси навбатии Ҳукумати Ҷумҳурии Тоҷикистон баргузор гардид.
Дар оғоз масъалаи кадрҳо баррасӣ шуд.

Бо фармони Президенти Ҷумҳурии Тоҷикистон дар заминаи Вазорати нақлиёт ва коммуникатсия ду сохтор - Вазорати нақлиёт ва Хадамоти алоқа таъсис дода шуд.
Олимҷон Бобоев аз вазифаи вазири нақлиёт ва коммуникатсия озод карда шуда, директори Институти иқтисодиёт ва демографияи Академияи илмҳо таъин гардид.
Низом Ҳакимов  вазири нақлиёт ва Бег Зуҳуров сардори Хадамоти алоқа таъин карда шуданд.
Акбар Ятимов иҷрокунандаи вазифаи раиси ноҳияи Варзоб таъин шуд.
Ҳамчунин инҳо таъин гардиданд:
- Ҳамидуллохон Фақиров - муовини якуми вазири рушди иқтисод ва савдо;
- Анвар Бобоев - муовини якуми сардори Хадамоти муҳоҷират;
- Саидғуфрон Абдулло - муовини сардори Хадамоти муҳоҷират;
- Раҷаб Саодатов - муовини директори Агентии таъминоти амволи махсус;
- Иброим Раҷабов - муовини якуми директор - сармуҳандиси Муассисаи давлатии "Мудирияти минтақаи зериобшавандаи Нерӯгоҳи барқи обии Роғун";
- Саид Бороншоев - директори генералии Корхонаи воҳиди давлатии "Тоҷикаэронавигатсия";
- Ҷамшед Шерматов - директори Агентии рушди бозори коғазҳои қиматнок ва бақайдгирии махсусгардонидашудаи Вазорати молияи Ҷумҳурии Тоҷикистон;
- Зебонисо Давлатова - директори Хазинаи сарватҳои давлатии назди Вазорати молияи Ҷумҳурии Тоҷикистон;
- Юнус Мамадҷонов - директори Институти геология, сохтмони ба заминҷунбӣ тобовар ва сейсмологияи Академияи илмҳо;
- Ҳикмат Ҳисориев - директори Институти ботаника, физиология ва генетикаи растании Академияи илмҳо;
- Абдулвоҳид Шамолов - директори институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳо;
- Одил Сангов - мудири шӯъбаи ислоҳоти иқтисодӣ ва инвеститсияи Дастгоҳи иҷроияи Президенти Ҷумҳурии Тоҷикистон;
- Фирӯз Ҳикматов -  мудири шӯъбаи тарҷумаи Дастгоҳи иҷроияи Президенти Ҷумҳурии Тоҷикистон;
- Хайрулло Ибодзода - мудири шӯъбаи экология ва ҳолатҳои фавқулодаи Дастгоҳи иҷроияи Президенти Ҷумҳурии Тоҷикистон;
- Даврон Зоҳидов - мудири шӯъбаи иттилоотию техникии Дастгоҳи иҷроияи Президенти Ҷумҳурии Тоҷикистон;
Раҳмон Умаров - котиби Комиссияи ҳукуматӣ оид ба ҳалли масъалаҳои ҳудудӣ ва сарҳадӣ;
- Азамшо Шарипов - мушовири Президенти Ҷумҳурии Тоҷикистон оид ба сиёсати хориҷӣ;
- Шодмон Шокиров - муовини якуми директори Агентии омори назди Президенти Ҷумҳурии Тоҷикистон.
Эмомалӣ Раҳмон, Президенти Ҷумҳурии Тоҷикистон, барои ба вазифаи муовини якуми раиси Вилояти Мухтори Кӯҳистони Бадахшон таъин карда шудани Исмоил Орифшоев ва ба мақоми муовини раиси вилояти Хатлон таъин гардидани Ситора Шерова розигӣ дод.
Дар идомаи маҷлиси Ҳукумати Ҷумҳурии Тоҷикистон нахуст ҳисоботи директори филиали Кумитаи иҷроияи Фонди байналмилалии наҷоти Арал дар Ҷумҳурии Тоҷикистон оид ба фаъолият ва нақшаҳои минбаъда шунида шуд. Эмомалӣ Раҳмон, Сарвари давлат, ба масъулони дахлдор ҷиҳати пуштибонӣ аз манфиатҳои миллии Тоҷикистон вобаста ба ҳифзи муҳити зист, пешгирӣ аз гармшавии иқлим ва обшавии пиряхҳо ва истифодаи босамар аз захираҳои обию энергетикӣ супоришҳои мушаххас дод. 
Ҳисоботи заминҳои мавҷуда, тақсимоти онҳо аз рӯйи гурӯҳҳо, намудҳо ва заминистифодабарандагон дар ҳолати то 1 январи соли 2011 тасдиқ карда шуд.
Лоиҳаҳои қонунҳои Ҷумҳурии Тоҷикистон "Дар бораи молияи давлатии Ҷумҳурии Тоҷикистон" ва "Дар бораи баҳодиҳии мутобиқат" ва ҳамчунин лоиҳаҳои қонунҳои дигар доир ба ворид намудани тағйиру иловаҳо ба як зумра қонунҳои амалкунанда маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шуд. Тағйиру иловаҳо аз ҷумла ба қонун "Дар бораи энергетика" ва ба Кодекси оби Ҷумҳурии Тоҷикистон пешниҳод гардид. Хулосаҳои Ҳукумати Ҷумҳурии Тоҷикистон ба лоиҳаҳои қонунҳо дар бораи ворид намудани тағйиру иловаҳо ба қонунҳо "Дар бораи хоҷагии ёрирасони шахсӣ", "Дар бораи партовҳои истеҳсолӣ ва истеъмолӣ" ва ба Кодекси ҳуқуқвайронкунии маъмурии Ҷумҳурии Тоҷикистон маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шуданд.
Барномаи давлатии корҳои соҳилмустаҳкамкунӣ дар Ҷумҳурии Тоҷикистон барои солҳои 2011-2015, Барномаи маҷмӯии мубориза ба муқобили хариду фурӯши одамон дар Ҷумҳурии Тоҷикистон барои солҳои 2011-2013, Стратегияи Ҷумҳурии Тоҷикистон дар соҳаи илм ва технология барои солҳои 2011-2015, қоидаҳои пешбурди кадастри давлатии манбаъҳои барқароршавандаи энергия ва қоидаҳои таъин ва пардохти кӯмакпулиҳои иҷтимоӣ ба соҳибкорони инфиродӣ тасдиқ карда шуд.
Бо қарорҳои Ҳукумати Ҷумҳурии Тоҷикистон ба як қатор шаҳру ноҳияҳо барои ба аҳолии ниёзманд баҳри сохтмони манзили истиқоматӣ додани қитъаҳои наздиҳавлигӣ замин ҷудо карда шуд. Аз ҷумла ба ноҳияи Шӯрообод 68,11 гектар барои 370 оилаи аз офати табиӣ зарардида, шаҳри Турсунзода 523,49 гектар барои 4443 оила ва ба Ҷамоати деҳоти Хистеварзи ноҳияи Бобоҷон Ғафуров 6 гектар замин барои сохтмони варзишгоҳ ҷудо гардид.
Дар охири маҷлис Эмомалӣ Раҳмон, Президенти мамлакат, аз болоравии нархи маҳсулоти ғизоӣ дар бозори ҷаҳонӣ ёдовар шуда, барои коҳиш додани таъсири манфии ин раванд ба Тоҷикистон ба масъулони дахлдор барои истифодаи босамар аз ҳар ваҷаб замини корам, васеъ ба роҳ мондани кишти баҳорию такрорӣ, рӯёндани ду ва зиёда ҳосил аз заминҳои обӣ, хусусан ғалладона ва сабзавот ва ба ин восита таъмини фаровонию арзонӣ дар бозори истеъмолии дохилӣ дастурҳои мушаххас дод.
Таъкид гардид, ки ҳар як оила бояд барои ду сол захираи маводи хӯрокворӣ дошта бошад.


Баёни ақида (0)    Санаи нашр:    №:    Мутолиа карданд: 1233

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед