logo

маориф

Мактаби моро аз гимназияву литсейҳо беҳтар донистанд, мегӯяд Мавлуда Ҳомидҷонова, директори мактаби таҳсилоти ҳамагонии №42-и пойтахт

Мактаби таҳсилоти ҳамагонии № 42 ноҳияи Фирдавсӣ, ки таълими он ба забонҳои тоҷикӣ ва русист,  ғолиби озмуни "Мактаби беҳтарин"-и шаҳри Душанбе дониста шуд ва бо хонаи сеҳуҷрагӣ қадр гардид.  Аз сирри  муваффақият ва дигар ҷузъиёти ба он марбут бо Мавлуда Ҳомидҷонова, ки 20 сол боз директори ин мактаб аст, сӯҳбат доштем.
-Муаллима, ба Шумо чӣ гуна муяссар гашт, ки унвони "Мактаби беҳтарин"-ро соҳиб гардед?
-Таълим дар мактаби мо ҷавобгӯи талаботи рӯз аст. Усули дарсдиҳӣ интерактивӣ мебошад. Дарсҳои гурӯҳбандӣ, саёҳат, миёни синфҳо мусобиқаҳои фаннӣ мегузаронем. Аз дигар усулҳо,  мисли тест, васеъ истифода мешавад.
Хонандагон дар озмуну олимпиадаҳои фаннӣ хеле фаъолона ширкат мекунанд. Ин чорабиниҳо барои мактабу омӯзгор ҳам имтиҳони ҷиддии донишу маҳоратанд. Имсол хонандаи мактаби мо Бахтиёр Рӯзиев дар озмуни ҷумҳуриявӣ аз фанни информатика ҷои якумро соҳиб гашта, аз ҷониби вазири маорифи ҷумҳурӣ бо медали тилло қадрдонӣ гардид ва соҳиби роҳхат ба факултаи математика ва информатикаи Донишгоҳи  техникии Тоҷикистон шуд. Амиршоҳи Ҳайдар дар озмуни ҷумҳуриявӣ аз фанни математика ҷои сеюмро ишғол карда,  медали биринҷӣ гирифт. Ба ӯ барои дохил шудан ба факултаи иқтисодии Донишгоҳи миллии Тоҷикистон роҳхат доданд.
-Шартҳои озмун кадомҳо буданд?
-Ҳуҷҷатнигорию  коргузорӣ, ҳолати журналҳои синфӣ, дафтардорӣ, китобдории талабаҳо, тозагию ободии мактаб ва гирду атрофи он, ҳолати компютерҳо ба назар гирифта шуд. Мактаби мо дар ин масъалаҳо намунаи ибрат аст.
Мактаб  45 компютер, тахтаи электронӣ, 2 адад видеопроектор, 16 нуқтаи назорати камеравӣ, 35 телевизору DVD, экрани ҳаракаткунанда, студияи мусиқӣ, физлабораторияи ҳозиразамонро дорост ва  ҳамаи он дар ҳолати хуби корӣ қарор дорад. Аз ин таҷҳизот дар дарсҳо самаранок истифода мешавад.
-Чанд фисади хонандаҳои мактаб ҳар сол ба макотиби олӣ дохил мешаванд? Ва кадом соҳаҳоро бештар интихоб мекунанд?
-Порсол аз 96 хатмкарда 81 нафар ба макотиби олии кишвар дохил гардид. Яъне беш аз 90 фисад номи донишҷӯро сазовор гашт, ки ин боиси ифтихори мактаб аст. Шогирдони мо дар макотиби олии Русия, Қазоқистон, Чин, Украина, Итолиё, Амрико ва ғайра низ таҳсили илм мекунанд. Бештари онҳо таҳсилро дар соҳаи иқтисоду молия, алоқа, ҳуқуқ  ва барқ интихоб кардаанд.
-Оё хонандаҳо дар олимпиадаҳои байналмилалӣ ширкат мекунанд?
-Имсол дар даври дуюми озмуни байналмилалӣ, ки дар ҷумҳурӣ доир гашт,  18 хонандаи мактаби мо ғолиб дониста шуд ва дар даври сеюми он дар шаҳри Екатеринбурги Федератсияи Русия ва Туркия ширкат меварзанд. Як хонандаи мо дар озмуни варзишӣ ғолиб омад ва  дар олимпиадаи миёни хонандагон дар Фаронса ширкат мекунад.
Аз соли гузашта инҷониб бо Раёсати маорифи байниҳавзавии Федератсияи Русия ҳамкорӣ ва табодули таҷриба дорем. Тибқи он омӯзгорон ва хонандагони мо тайи як моҳ дар мактабҳои Федератсияи Русия  бо таҷрибаи якдигар-усулҳои дарсҳои назариявию амалӣ шинос мешаванд. Ин ба хонандагони мо имкон медиҳад барои дохилшавӣ ба макотиби олии ин кишвар замина  омода созанд. Дидани ҷойҳои таърихӣ, осорхонаҳо, намоишгоҳҳо, китобхонаву театрҳо ба рушди ҷаҳонбинии хонандагон мусоидат мекунад. Тавассути интернет бо мактабҳои гуногуни ин кишвар ҳамкориҳо ба роҳ монда шудааст.
-Муаллима,  қаблан дар чунин озмун ширкат доштед?
-Бале,  соли 2003 унвони "Директори беҳтарини сол" ва ордени «Шараф»-ро соҳиб шудам. Панҷ сол қабл низ дар чунин озмун мактаб ҷои дуюмро гирифта буд. Имсол,  хушбахтона, ҷои аввалро гирифтем.
-Лаҳзаи хотирмон дар озмуни имсола бароятон кадом буд?
-Лаҳзаи хотирмон ин буд, ки вазири маорифи ҷумҳурӣ ба сифати дониши хонандагони мактабҳои таҳсилоти ҳамагонӣ баҳои баланд дода, дониши онҳоро аз дониши хонандагони литсею гимназияҳои ҷумҳурӣ болотар донист. Яъне ки заҳматҳои мо натиҷа медиҳанд.

Мусоҳиб
Зӯҳра САФАРЗОДА


Баёни ақида (0)    Санаи нашр:    №:    Мутолиа карданд: 934

28.02.2020


ҶАРАЁНИ ОМОДАГИҲО БА БАРГУЗОРИИ КОНФЕРЕНСИЯИ БАЙНАЛМИЛАЛӢ МАТРАҲ ШУД

ОҒОЗИ БУНЁДИ БОЗ ЯК ОСОИШГОҲ ДАР ГУЛИСТОН

ДАР НАМОИШГОҲИ БАЙНАЛМИЛАЛИИ «ИНТУРМАРКЕТ – 2020» ИМКОНИЯТҲОИ САЙЁҲИИ ТОҶИКИСТОН МУАРРИФӢ МЕГАРДАНД

ХАТМКУНАНДАГОНИ БАРНОМАИ ДАСТГИРИИ МАБЛАҒГУЗОРИИ ТИҶОРАТӢ СОҲИБИ ШАҲОДАТНОМА ШУДАНД

ҲАМКОРИИ БМТ ВА КОРПОРАТСИЯИ БАЙНАЛМИЛАЛИИ МОЛИЯВӢ

“ГАНҶИ СУХАН”. ҲАМОИШЕ, КИ МАЪРИФАТ МЕАФЗОЯД

ХУРОСОН ҲУСНИ ТОЗА МЕГИРАД

ҶОМИ КФО – 2020. "ХУҶАНД" БА МАРҲАЛАИ ГУРӮҲӢ РОҲ ЁФТ

AMAZON АВВАЛИН МАРКАЗИ САВДО БИДУНИ ХАЗИНА КУШОД

ӮЗБЕКИСТОН ВА УКРАИНА АЛОҚАИ РОҲИ ОҲАНРО БАРҚАРОР НАМУДАНИЯНД

ИТТИҲОДИ АВРУПО САНАИ МУЗОКИРОТ БО БРИТАНИЯРО ОИД БА ШАРИКӢ ГУФТ

ИМА: АФҒОНИСТОН БОЯД ДАР ФИКРИ ҚАТЪИ ҶАНГ БО "ТОЛИБОН" БОШАД

Ҷаҳон дар як сатр

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР


Дар сомонаҳои дигари Тоҷикистон хонед