logo

мулоқотҳо

Эмомалӣ Раҳмон Сайид Махдум Раҳинро пазируфт

17 май Эмомалӣ Раҳмон, Президенти Ҷумҳурии Тоҷикистон, Сайид Махдум Раҳин - вазири иттилоот ва фарҳанги Ҷумҳурии Исломии Афғонистонро ба ҳузур пазируфт.
Дар мулоқот масоили ҳамкории фарҳангӣ ва рушди муносиботи дӯстӣ ва ҳамсоягии накӯи ду кишвар баррасӣ шуд.
 "Мо равобит ва ҳамкории сатҳи имрӯзии фарҳангӣ ва иттилоотиро яке аз самтҳои афзали муносибатҳои дӯстонаи ду кишвар ва мардумони онҳо медонем", - изҳор дошт дар оғоз Эмомалӣ Раҳмон, Сарвари давлати Тоҷикистон.

 Аз сатҳ ва пайвастагии равобити илмию фарҳангӣ,  аз ҷумла пажӯҳишҳои олимони Афғонистон ва омӯзиши кадрҳои ин кишвар дар муассисаҳои илмию таълимии Тоҷикистон, изҳори қаноатмандӣ карда шуд.
 Идомаи иштироки ҳунармандони ҳар ду кишвар дар маҳфилҳои Фалак, Шашмақом, таҷлили Наврӯз ва дигар чорабиниҳои фарҳангӣ арзишманд дониста шуд.
 Ба андешаи Эмомалӣ Раҳмон, "вақти он расидааст, ки Созишномаи хоси ҳамкорӣ дар соҳаҳои фарҳанг, ҳунар ва иттилоот ва Барномаи дарозмуддати ҳамкорӣ дар ин арсаҳо бо номгӯи муфассали иқдомоти амалӣ таҳия ва имзо шаванд".
 Эмомалӣ Раҳмон, Сарвари давлати Тоҷикистон, ҳамчунин пешниҳод намуд, ки Шӯрои ҳамкории фарҳангии Тоҷикистону Афғонистон таъсис дода шавад.
 Ба рушди ҳамкории фарҳангии сеҷонибаи Тоҷикистону Афғонистон ва Эрон низ таваҷҷӯҳи зиёд зоҳир гардид, аз ҷумла доир ба омодагӣ ба ҷашни ҷаҳонии  Наврӯзи Ориёни соли оянда, ки дар Тоҷикистон таҷлил хоҳад шуд.
 Гуфтугӯи судманд ҳамчунин доир ба рушди ҳамкории иқтисодию тиҷоратӣ сурат гирифт. Аз ҷумла зикр гардид, ки мубодилаи мол миёни Тоҷикистону Афғонистон дар соли 2010 беш аз 100 миллион долларро ташкил дод, ки ин нисбат ба 6 соли пеш қариб 30 баробар зиёд аст.
 Бо ишора ба имконоти рушди минбаъдаи равобити дуҷониба ва бунёди шабакаҳои хатҳои интиқоли барқ, роҳҳо ва пулҳои бузурги пайвандгари ду кишвар изҳори боварӣ карда шуд, ки Тоҷикистону Афғонистон ба чорроҳаи васли равобити минтақавӣ ва байниминтақавӣ табдил хоҳанд ёфт.

* * *
Дидори мо бо Эмомалӣ Раҳмон, Президенти Ҷумҳурии Тоҷикистон, бисёр пурфайз буд. Хушҳолам, ки Ҷаноби Президент бо ҳайати мо сӯҳбати муфассале анҷом доданд ва дар ҷараёни он заминаҳои нави ҳамкорӣ дар арсаи фарҳангу ҳунар баррасӣ гардид. Зимнан мо ба  хидматҳои Эмомалӣ Раҳмон дар роҳи ба вуҷуд овардани эҳтиром ба арзишҳои муштараки ниёкон, тавсеаи равобити ҳасана миёни ду кишвари бародар - Тоҷикистону Афғонистон эҳтироми зиёд қоил ҳастем.
Ин матлабро Сайид Махдум Раҳин, вазири иттилоот ва фарҳанги Ҷумҳурии Исломии Афғонистон, пас аз мулоқот бо Эмомалӣ Раҳмон, Президенти Ҷумҳурии Тоҷикистон, зимни сӯҳбат бо хабарнигорон баён намуд. Бино ба гуфти ӯ, масоили тақвияти бештари пайвандҳои фарҳангию ҳунарӣ, рушди муносиботи дӯстона ва дигар мавзӯоти муҳими мавриди таваҷҷӯҳ дар меҳвари сӯҳбати тарафҳо қарор гирифтааст. Тасмим гирифта шудааст, ки аз ин пас табодули фарҳангу ҳунар ва ташкили сафарҳои ҳунармандони тоҷик ба Афғонистон ва ҳунармандони афғон ба Тоҷикистон бештар ба роҳ монда шавад.
Сайид Махдум Раҳин аз сатҳи ҳамкориҳои фарҳангӣ миёни ду кишвар, бавижа тавсеаи равобит дар риштаи театр ва синаморо ситоиш кард. Вазири иттилоот ва фарҳанги Афғонистон итминон дод, ки дар оянда ҷараёни ҳамкориҳои илмию фарҳангии мо сатҳи сифатан навро касб хоҳанд кард. Зеро бузургоне мисли Рӯдакӣ, Ҷалолиддини Балхиву Ҳаким Саноӣ, Ҷомиву дигарон пайванде миёни ду миллат задаанд, ки мисли кӯҳсорони Тоҷикистону Афғонистон ҳамеша мӯҳкаму побарҷо хоҳанд монд.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр:    №:    Мутолиа карданд: 855
22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР


Дар сомонаҳои дигари Тоҷикистон хонед