logo

номаҳо

Заминамро кашида гирифтанд

Мақсад аз ифшои ин сатрҳо кӯшиш дар ҳалли масъалаи ҷудо кардани 13 гектар заминест, ки барои он сертификати ҳуқуқи истифодабарӣ гирифтааму ду  сол боз соҳиби он шуда наметавонам.
Бояд рӯшанӣ андозам, ки оид ба ҳалли масъалаи мазкур чор бор ба мақомоти иҷроияи маҳаллии ҳокимияти давлатии ноҳияи Ашт ва идораи кишоварзӣ ариза навиштаму аммо боре ҳам ҷавоб нагирифтаам. Маълум, ки аз ӯҳдаи ҳалли масъала намебароянд.
Маро соли 2004 сарвари хоҷагии деҳқонии «Шахак» интихоб намуданд, ки 168 гектар замини кишт дошту аз ҳисоби ширкати «Инвест – коттон» 15 ҳазор доллар қарздор буд. Дар тӯли солҳои 2004-2005 бо қувваи худ 53 тонна пахта истеҳсол намудаем, ки аз ин ҳисоб барои музди меҳнати аъзои хоҷагӣ 15 ҳазор сомонӣ пардохт шуд. Маблағи хидматрасонии об, андози замин ва дигар пардохтҳоро тавассути «Инвест – коттон» ба маблағи 10 ҳазор доллар ҳисобӣ кардем. Барои техника 2000 сомонӣ масраф намудем. Барои обёрии 30 гектар иншоот сохтем.
Дар соли 2006 бо маблағи худ ва хешу таборам дар 36 гектар пунба кишт кардем, ки аз он дар 15 гектар гузаронидани кишти такрорӣ пеш омад. Роҳбарони ноҳия ба ҷои дастгирии мо супориш доданд, ки ҳосили замини кишти такрорӣ ҷамъоварӣ нашавад. Аз ин ҳисоб ба хоҷагӣ зарари калони иқтисодӣ расид.
Ман аз собиқ сардори идораи кишоварзии ноҳия Баҳриддин Маҳмудов хоҳиш намудам, ки барои ғунучини ҳосили боқимонда монеъ нашавад. Аммо ӯ ба таври хаттӣ ба корхонаҳои пунбатозакунӣ ва равған супориш дод, ки «бо Шарофиддин Усмонов ҳамаи амалиёт қатъ гардонда шавад». Дар натиҷа мо камаш 5 тонна нах гирифта натавонистем, ки он 7,5 ҳазор доллар даромад меовард.
Ба «болои сӯхта намакоб» гуфтагӣ барин, соли 2006 як бинои барои бунгоҳи тиббӣ сохтаамонро вайрон карданду бе ширкати ман маҷлиси саҳмдоронро гузаронида, ғайриқонунӣ аз саҳми замин маҳрумам намуданд.
Инро санҷиши панҷумини Агентии назорати давлатии молиявӣ ва мубориза бо коррупсия муайян сохта, маро 6,8 ҳазор сомонӣ ҳақдор кард. Бар замми ин, ҳарчанд бо қарори мақомоти иҷроияи маҳаллии ҳокимияти давлатии ноҳия аз тарафи Кумитаи заминсозӣ  сертификати ҳуқуқи истифодабарии замин гирифта бошам ҳам, то ҳоло замин надорам. Дар сурате, ки дар хоҷагии деҳқонии зикршуда аз 100 гектар замини обӣ 22 гектараш шудгор нашуда мондааст. Мақомоти иҷроияи маҳаллии ҳокимияти давлатии ноҳия ба бемасъулиятии роҳбари ҳозираи хоҷагӣ баҳои ҳақиқӣ надода истодааст.
Маро даъватҳои чандинкаратаи Сардори давлатамон мӯҳтарам Эмомалӣ Раҳмон оид ба самаранок истифода бурдани замин қувват мебахшад ва ба кори саҳро ҳидоят менамояд. Аммо роҳбарони маҳаллӣ аз чӣ бошад, ки ба болои ғайрати аҳли деҳот оби сард мерезанд.
Дили ман ба заҳматҳои худ ва як қатор аъзои кордону ботаҷриба месӯзад, ки дар ҳамин шароит дастгирӣ намеёбем. Ду сол боз на маро ба вазифаам барқарор менамоянду на 13 гектар замини қонунан ҷудокардаро медиҳанд. Бар замми ин пурсиданиам, ки зарари маънавии ба мо расидаро кӣ ҷуброн мекунад?
 

Шарофиддин УСМОНОВ, сокини шаҳраки Шайдони ноҳияи Ашти вилояти Суғд


Баёни ақида (0)    Санаи нашр:    №:    Мутолиа карданд: 2651
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед