logo

ҳукумат

Барномаҳои давлатии ҳифзи мероси таърихӣ ва рушди геология қабул шуданд

29 ноябри соли 2011 таҳти раёсати Эмомалӣ Раҳмон, Президенти Ҷумҳурии Тоҷикистон, Раиси Ҳукумати кишвар, маҷлиси навбатии Ҳукумати Ҷумҳурии Тоҷикистон баргузор гашт. 
Дар он нахуст Нақшаи кори Ҳукумати Ҷумҳурии Тоҷикистон дар нимсолаи якуми соли 2012 тасдиқ гардида, ҳисоботи раиси ноҳияи Бобоҷон Ғафурови вилояти Суғд доир ба Тадбирҳои беҳсозии вазъи мелиоративии заминҳои обёришавандаи кишоварзӣ, ки бо Қарори Ҳукумати Ҷумҳурии Тоҷикистон барои солҳои 2010-2014 31 октябри соли 2009 қабул гардида буд, шунида шуд.

Тавре зикр гардид, дар соли 2010 ва 7 моҳи соли 2011 бо харҷи қариб 1,5 миллион сомонӣ ҳолати мелиоративии 1615 гектар заминҳои обии кишоварзии ноҳияи Бобоҷон Ғафуров тавассути тоза кардани заҳбуру заҳкашҳо, паст намудани сатҳи обҳои зеризаминӣ ва дигар корҳои зарурӣ беҳ гаштааст. Дар маҷмӯъ бояд ҳолати мелиоративии беш аз 7 ҳазор га замин дар  ин  ноҳия  беҳ  карда  шавад. Эмомалӣ Раҳмон, Сарвари давлат, дастур дод, ки барои татбиқи босамар ва саривақтии ин кор ба ноҳияи Бобоҷон Ғафуров аз ҳисоби буҷети ҷумҳуриявӣ низ маблағ интиқол ёбад.
Ба Ҳукумати Ҷумҳурии Тоҷикистон, раиси ноҳияи Шаҳринав низ доир ба рафти иҷрои Барномаи рушди иҷтимоию иқтисодии ноҳия дар давраи то соли 2015 ҳисобот дод.
Ба иттилои ӯ барои татбиқи ин барнома дар солҳои 2007-2015 аз сарчашмаҳои гуногуни маблағгузорӣ ҷудо намудани 67 миллиону 596 ҳазор сомонӣ пешбинӣ шуда буд. Тайи 4 соли гузашта барои корҳои созандагию ободонӣ дар ноҳияи Шаҳринав 31 миллиону 205 ҳазор сомонӣ аз худ гашта, аз ҷумла 13 иншооти нав мавриди истифода қарор гирифт ва бунёди 12 иншооти дигар идома дорад.
Дар маҷлиси навбатӣ як зумра барномаҳои нав, аз ҷумла Барномаи давлатии ҳифзи мероси таърихию фарҳангӣ барои солҳои 2012-2020, Барномаи давлатии сармоягузорӣ, грантҳо ва сохтмони асосӣ барои солҳои 2012-2014, Барномаи кафолатҳои давлатӣ оид ба таъмини аҳолии ноҳияҳои таҷрибавии Ҷумҳурии Тоҷикистон бо кӯмаки тиббию санитарӣ барои солҳои 2012-2013, Барномаи корҳои оморӣ барои соли 2012, Барномаи давлатии мусоидат ба шуғли аҳолӣ барои солҳои 2012-2013, Барномаи давлатии рушди соҳаи геологияи Ҷумҳурии Тоҷикистон барои солҳои 2012-2020, Барномаи рушди иҷтимоию иқтисодии ноҳияи Рашт барои солҳои 2012-2016, қоидаҳои таъмин намудани маъюбон бо табобати санаторию курортӣ ва қоидаҳои бо воситаҳои техникии тавонбахшӣ таъмин намудани маъюбон тасдиқ шуданд.  
Барномаи нави сармоягузорӣ, грантҳо ва сохтмони асосӣ барои солҳои 2012-2014 бо ҷалби беш аз 15 миллиард доллари амрикоӣ татбиқи зиёда аз 100 лоиҳаро дар назар дорад. Эмомалӣ Раҳмон дастур дод, ки дар ин барнома ҷалби сармоягузорӣ ба навсозии роҳҳои мошингарди Хуҷанд-Исфара, Айнӣ-Панҷакент, Мир Сайид Алии Ҳамадонӣ-Фархор-Панҷ, Восеъ-Темурмалик, Кӯлоб-Ховалинг, Данғара-Темурмалик-Балҷувон-Ховалинг ва ҳамчунин бунёди мактабу шифохонаҳои нав ва дигар иншооти иҷтимоӣ ба назар гирифта шавад.
Тибқи Барномаи давлатии мусоидат ба шуғли аҳолӣ барои солҳои 2012-2013 дар давоми 2 соли оянда дар кишвар бояд наздики 250 ҳазор ҷойи нави корӣ муҳайё гашта, беш аз 27200 нафар бекор ба ҳунаромӯзӣ ҷалб гардад. Ҳамчунин ҷудо намудани 5,8 миллион сомонӣ барои додани қарзҳои хурди имтиёзӣ ба шаҳрвандони бекор барои ташкили соҳибкорӣ дар назар аст. Дар маҷмӯъ барои татбиқи босамари ин барнома харҷи беш аз 25,2 миллион сомонӣ пешбинӣ шудааст.
Ҳадафи асосии Барномаи давлатии рушди соҳаи геологияи Ҷумҳурии Тоҷикистон барои солҳои 2012-2020 бошад, пеш аз ҳама ғанӣ гардондани заминаи истихроҷи ашёи минералӣ, қонеъ намудани корхонаҳои саноатӣ бо ашёи хоми ватанӣ ва коҳиш додани ҳаҷми воридоти он аз хориҷи кишвар мебошад.
Дар Барномаи рушди иҷтимоию иқтисодии ноҳияи Рашт барои солҳои 2012-2016 ҷудо намудани зиёда аз 105 миллион сомонӣ маблағҳои иловагӣ барои бунёди 73 иншооти нав, аз ҷумла мактабу шифохонаҳо, варзишгоҳу толорҳои варзишӣ, биноҳои маъмурӣ, корхонаҳои хурди саноатӣ, 23 нерӯгоҳи хурди барқи обӣ ва ғайра пешбинӣ гаштааст. Мутобиқи барнома ҳар сол дар ноҳияи Рашт бояд на камтар аз 1,5 ҳазор ҷойи нави корӣ муҳайё гардад.
Лоиҳаи як қатор қонунҳо ва хулосаҳои Ҳукумати Ҷумҳурии Тоҷикистон ба лоиҳаи чанд қонун доир ба ворид намудани тағйиру иловаҳо ба қонунҳои амалкунандаи кишвар маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод гардид. Тағйиру иловаҳо, аз ҷумла ба қонунҳо "Дар бораи таъмини нафақаи шаҳрвандон", "Дар бораи милитсия", "Дар бораи стандартонӣ", "Дар бораи низоми иҷозатдиҳӣ" ва ба кодексҳои андозу гумрук дахл доранд. 
Мутобиқи тағйироти ба кодексҳои андозу гумрук пешниҳодшуда, воридоти техникаю таҷҳизот ва технологияҳои истеҳсолӣ, ки ба тариқи лизинг ё худ қарзи молиявӣ ҷалб мегарданд, аз пардохти боҷи гумрукӣ ва андоз аз арзиши иловашуда озод карда мешавад. Ин тадбири навбатии Ҳукумати Ҷумҳурии Тоҷикистон барои беҳсозии фазои соҳибкорию сармоягузорӣ буда,  ба дастгирии истеҳсолкунандагони ватанӣ барои навсозии воситаҳои истеҳсолӣ, муҳайёсозии ҷойҳои нави корӣ ва тақвият додани қудрати содиротии кишвар равона гардидааст.
Дар фароварди маҷлис Эмомалӣ Раҳмон, Сарвари давлат, бо ишора ба сербориш омадани тирамоҳи соли равон ва пешгӯиҳо доир  ба серборишии зимистону баҳори пешомад ба масъулони дахлдор дастур дод, ки аз ҳозир ба мавсими обхезиҳои соли оянда ва пешгирӣ аз оқибатҳои вазнини офатҳои табиӣ омодагии ҷиддӣ бинанд. 
Супоришҳои мушаххас ҳамчунин доир ба ҷамъбасти натиҷаҳои соли 2011, суръат бахшидани корҳои созандагию бунёдкорӣ, сохтмони корхонаҳои хурди коркарди меваю сабзавот дар тамоми шаҳру ноҳияҳои мамлакат, ба истеҳсолоти кишоварзӣ баргардондани заминҳои бекормонда, ҳарчи зиёд муҳайё намудани ҷойҳои нави корӣ, ба анҷом расондани киштукори тирамоҳӣ, дастгирии аҳолии ниёзманд ва бо омодагии ҷиддӣ гузарондани мавсими зимистон дода шуд.


Баёни ақида (0)    Санаи нашр: 1.12.11    №: 158    Мутолиа карданд: 809

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед