logo

муҳоҷират

Сафиалло Девонаев: Муҳоҷирони тоҷик соҳиби патент мегарданд

Чанде қабл Сафиалло Девонаев, сардори Хадамоти муҳоҷирати назди Ҳукумати Ҷумҳурии Тоҷикистон, зимни сафари корӣ ба Федератсияи Русия бо масъулини Хадамоти муҳоҷирати Федератсияи Русия ва роҳбарони мақомоти гуногуни ин кишвар мулоқот анҷом дод. Дар робита ба ин хабарнигори "Ҷумҳурият" бо ӯ мусоҳиб гардид.

- Сафиалло Азизуллоевич, баъзеҳо бар он ақидаанд, ки агар иқтисодиёти ин ё он мамлакат рушд ёфта бошад, муҳоҷирати корӣ коҳиш меёбад. Раванди муҳоҷиратро дар кишварҳои пешрафта чӣ сон арзёбӣ мекунед?
-Тибқи маълумоти Созмони Милали Муттаҳид, агар дар солҳои 60-уми асри гузашта дар ҷаҳон ҳамагӣ 65 миллион муҳоҷир фаъолият дошта бошад, пас ин рақам дар соли 2010 ба 214 миллион баробар аст. Ҳамчунин дар асоси пешбиниҳои СММ то соли 2050 шумораи муҳоҷирон дар ҷаҳон ба 405 миллион нафар хоҳад расид. Аз ин чунин хулоса баровардан мумкин аст, ки ҷаҳони имрӯзаро бе муҳоҷирати корӣ тасаввур кардан ғайриимкон аст. Ин масъала  тамоми кишварҳои дунё, аз қабили Ҷумҳурии Мардумии Чин, Британияи Кабир, ИМА, Фаронса, Олмон, Русия ва дигар мамлакатҳои пешрафтаро фаро гирифтааст. Муҳоҷирати корӣ ба иқтисодиёти ин кишварҳо фоидаи калон меорад. Солҳои охир сармояи хориҷӣ аз ҳама бештар ба иқтисодиёти Чин ворид мешавад. Қисмати бештари ин сармояро маҳз худи соҳибкорону муҳоҷирони чинӣ интиқол медиҳанд. Ё худ яке аз сабабҳои рушди босуръати иқтисодиёти Туркия дар солҳои охир ин аст, ки ҳамасола соҳибкорону муҳоҷирони бурунмарзии турк ба ватанашон технологияи навтарини аврупоӣ ва даҳҳо миллиард евро ворид месозанд. Дар кишварашон мактабу донишкадаҳои замонавӣ дармонгоҳу беморхонаҳои муосир, корхонаҳои саноатию меҳмонхонаҳои замонавӣ бунёд менамоянд. Дар сохтмони иншооти бузурги кишварашон саҳм мегузоранд. Чунин корҳои муҳимро муҳоҷирони кории Мисру Филиппин, Ҳиндустону Индонезия ва даҳҳо кишвари дигар низ анҷом медиҳанд. Аз ин ҷо бармеояд, ки раванди муҳоҷират дар садсолаҳои наздик мақоми худро гум намекунад ва ҳамчун як падидаи устувор дар асри 21 боқӣ мемонад.
- Бигӯед, ки зимни сафари корӣ ба Федератсияи Русия ва вохӯрӣ бо масъулини Хадамоти муҳоҷирати Федератсияи Русия ва дигар мақомоти марбута ба чӣ дастовардҳо ноил гардидед?
-Раванди муҳоҷират яке аз самтҳои афзалиятноки сиёсати Ҳукумати Ҷумҳурии Тоҷикистон ба ҳисоб меравад. Дар асоси супориши Президенти Ҷумҳурии Тоҷикистон аз 2 то 9 декабри соли ҷорӣ бо мақсади шиносоӣ ва омӯзиши вазъи кунунии муҳоҷирони кории Ҷумҳурии Тоҷикистон сафари корӣ ба Федератсияи Русия анҷом дода шуд. Дар Сафорати Ҷумҳурии Тоҷикистон дар Федератсияи Русия бо роҳбарони созмонҳои ҷамъиятии тоҷикони шаҳру вилоятҳо, аз қабили Маскав, Ярослав, Воронеж, Санкт -Петербург, Нижний Навгород, Уфа, Қазон, Тюмен, Омск, Новосибирск, Новокузнетск ва дигар ҳамватанони бурунмарзӣ вохӯрӣ доир гардид. Раисони созмонҳои тоҷикони Русия сиёсати дохиливу хориҷии Ҳукумати Ҷумҳурии Тоҷикистонро ҳаматарафа дастгирӣ карда, фикру мулоҳизаҳои худро оид ба масъалаҳои муҳоҷират баён доштанд. Яке аз масъалаҳое, ки зимни ин мулоқотҳо пешниҳод гардид, омӯзиши ҳатмии забони русӣ ва англисӣ барои муҳоҷирон дар Ҷумҳурии Тоҷикистон ба ҳисоб меравад. Дувумин пешниҳоди онҳо ин буд, ки муоинаи тиббии муҳоҷирони тоҷик на дар қаламрави Русия, балки дар Ҷумҳурии Тоҷикистон анҷом дода шавад. Пешниҳоди дигар аз тарафи раисони диаспораҳо ҳифзи ҳуқуқу манфиатҳои муҳоҷирони меҳнатӣ, расондани ёрии ҳуқуқӣ, сари вақт ҷамъ овардан ва додани маълумот оид ба боздошт ва ғайриқонунӣ дастгир шудани муҳоҷирони тоҷик аз тарафи кормандони мақомоти ҳифзи ҳуқуқи Федератсияи Русия, ҳамчунин касбомӯзии муҳоҷирон буд.
Рӯзи 5 декабр бо Константин Ромодановский, директори Хадамоти федеролии муҳоҷирати Федератсияи Русия вохӯрӣ баргузор гардид. Дар оғози мулоқот мавсуф роҳҳои қонунигардонӣ ва ба танзим даровардани будубош ва раванди муҳоҷирати кории тоҷикон, ҳамкории мақомоти муҳоҷирати ҳар ду кишвар, ки дар маҷмӯъ ба коҳиш ёфтани муҳоҷирати ғайриқонунӣ мусоидат менамояд, инчунин механизмҳои пешгирии он дар қаламрави Русия мавриди баррасӣ қарор гирифтанд. Яке аз масъалаҳои муҳимтарине, ки дар ҷараёни вохӯрӣ матраҳ гардид, амалисозии додани патент, роҳу усулҳои гирифтани он тавассути тайёр кардани маҷмӯи ҳуҷҷатҳои зарурӣ дар Ҷумҳурии Тоҷикистон мебошад. Ин орзуи деринаи ҳамаи муҳоҷирони кории Ҷумҳурии Тоҷикистон дар Федератсияи Русия мебошад. 6 декабр мо бо Михаил Суходолский, сардори Сарраёсати корҳои дохилии шаҳри Санкт - Петербург ва вилояти Ленинград мулоқот анҷом додем, ки дар он масоили мушкилоти шаҳрвандони тоҷик, аз ҷумла дар самти ҳифзи ҳуқуқ, баррасӣ гардиданд. Бахусус нисбат ба парвандаи ҷиноятӣ оид ба куштори Бахтиёр Расулов, шаҳрванди Тоҷикистон, ки боиси нигаронист, диққати ҷиддӣ дода шуд. Мо хоҳиш намудем, ки ба пурра ва сари вақт кушодани ин ҷиноят ҷониби Русия ҳаматарафа мусоидат намояд. Ҳангоми вохӯрӣ бо Елена Дунаева, сардори раёсати Хадамоти федеролии муҳоҷирати шаҳри Санкт -Петербург ва вилояти Ленинград, масоили умдатарини муҳоҷирони тоҷик дар минтақаҳо муҳокима гардиданд. Мазкур омодагии хешро барои расонидани ёрӣ ба муҳоҷирони тоҷик баён дошт. Дар вохурӣ бо Фёдор Карповетс, сардори раёсати Хадамоти федеролии муҳоҷирати Федератсияи Русия дар шаҳри Москва, масоили будубоши шаҳрвандони Тоҷикистон дар Русия, махсусан дар шаҳри Маскав, омӯзиши забони русӣ, касбу ҳунар ва риояи ҳатмии қонунҳои амалкунандаи Русия мавриди муҳокима қарор гирифтанд. Мавсуф пешниҳод кард, ки ҷиҳати пешгирӣ ва ошкор намудани муҳоҷирати ғайриқонунӣ ва ҳифзи ҳуқуқи муҳоҷирон ҳамкориҳо бо намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия тақвият бахшида шавад. Зимни вохурӣ бо Олег Молодиевский, сардори раёсати Хадамоти Федеролии муҳоҷирати вилояти Маскав, мувофиқае ба даст омад, ки гурӯҳи корӣ оид ба омода намудани лоиҳаи Созишномаи ҳамкорӣ байни раёсати хадамоти номбурда ва намояндагии Хадамоти муҳоҷирати назди Ҳукумати Ҷумҳурии Тоҷикистон таъсис дода шавад. Сардори хадамот пешниҳод намуд, ки додани патент ба муҳоҷирони кории Ҷумҳурии Тоҷикистон аз тарафи кормандони масъули ҳар ду хадамот дар постгоҳи фурӯдгоҳи Домодедово дар рӯзҳои наздик ба роҳ монда шавад.
 Рӯзи 8 декабр зимни мулоқот бо Сергей Куднеев, прокурори шаҳри Маскав, масоили ҳимоя ва ҳифзи ҳуқуқи муҳоҷирони тоҷик мавриди муҳокима қарор гирифтанд. Мазкур омодагии хешро ҷиҳати ёрии ҳамаҷониба дар мавридҳои сар задани ҳолатҳои поймолкунии ҳуқуқи муҳоҷирон аз тарафи соҳибкорон ва миёнравон иброз дошт.
- Ҳоло вазъи будубоши муҳоҷирони тоҷикро дар Русия чӣ хел тавзеҳ медиҳед?
- Айни замон вазъи муҳоҷирони тоҷик  дар Федератсияи Русия мӯътадил аст. Тибқи маълумоти омории Вазорати корҳои дохилии Русия, агар дар 9 моҳи соли 2010 нисбат ба шаҳрвандони Тоҷикистон 230 ҳазор парвандаи маъмурӣ тартиб дода шуда бошад, пас ин рақам дар соли ҷорӣ ба 160 ҳазор мерасад, ки 54 фоиз коҳиш ёфтааст. Мутаносибан, агар 3157 нафар шаҳрванди Тоҷикистон аз қаламрави Русия хориҷ шуда бошад, ин рақам дар соли 2011 ба 2066 нафар мерасад. Агар дар 9 моҳи соли гузашта 17 ҳазор нафар шаҳрванди мо патент гирифта бошад, соли ҷорӣ 125 ҳазор нафар соҳиби патент шуд. Намояндагии хадамоти муҳоҷират якҷо бо Сафорати Ҷумҳурии Тоҷикистон дар Русия раванди муҳоҷиратро таҳти назорат қарор додаанд.

Мунаввари САФАР,
хабарнигори "Ҷумҳурият"


Баёни ақида (0)    Санаи нашр: 24.12.11    №: 165    Мутолиа карданд: 13307

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед