logo

ҳукумат

Кумитаи тадорукоти таҷлили 20-солагии Иҷлосияи 16-уми Шурои Олӣ тасдиқ гардид

28 феврал таҳти раёсати Эмомалӣ Раҳмон, Президенти Ҷумҳурии Тоҷикистон, Раиси ҳукумати кишвар, маҷлиси навбатии Ҳукумати Ҷумҳурии Тоҷикистон баргузор гардид. Дар оғози маҷлис масъалаи кадрҳо баррасӣ шуд. Суюнхон Рустамов муовини якуми вазири кишоварзӣ ва Ҳайдар Холов муовини вазири энергетика ва саноат  таъин гардиданд. Ҳамчунин аъзои нави ҳайати мушовараи чанде аз идораҳои назди Ҳукумати Ҷумҳурии Тоҷикистон тасдиқ шуданд.
Ҳайати Кумитаи тадорукот оид ба таҷлили 20 – солагии иҷлосияи 16-уми Шурои Олии Ҷумҳурии Тоҷикистон тасдиқ гашт. Ба ҳайати он, ки таҳти роҳбарии Оқил Оқилов, Сарвазири кишвар, фаъолият хоҳад кард, масъулони Ҳукумату Порлумон, Дастгоҳи иҷроияи Сарвари давлат ва роҳбарони як қатор вазорату идораҳо шомил гардиданд.
Ҳисоботи раиси Кумитаи ҳифзи муҳити зисти назди Ҳукумати Ҷумҳурии Тоҷикистон оид ба рафти иҷрои Барномаи давлатии рушди ҳудудҳои табиии махсус муҳофизатшаванда барои солҳои 2005-2015 шунида шуд. Эмомалӣ Раҳмон, Сарвари давлат, барои дуруст ба роҳ мондани фаъолияти мамнуъгоҳҳои табиӣ, аз нав ба ҳисоб гирифтани шумораи ҳайвоноту парандагони нодир ва ҳамчунин зиёд намудани саршумори онҳо ба масъулон супоришҳои мушаххас дод.
Сипас, раиси ноҳияи Қумсангири вилояти Хатлон доир ба иҷрои қарорҳои Ҳукумати Ҷумҳурии Тоҷикистон оид ба тақсими заминҳои ба аҳолӣ барои сохтмони манзили истиқоматӣ ҷудошуда ҳисобот дод. Тавре зикр гардид, аз 467 га замини ҷудошуда 80 фоизаш ба 1933 оилаи ниёзманд тақсим шудааст. Ба гуфти раиси ноҳия, аз ҳисоби заминҳои ҷудошуда, ҳамчунин чанд шаҳраки нав барои муаллимон ва табибони ҷавон бунёд мегардад, ки аз супоришҳои Эмомалӣ Раҳмон, Сарвари давлат, бармеояд.
Ҳисоботи заминҳои мавҷуда, тақсимоти онҳо аз руи гурӯҳҳо, намудҳо ва заминистифодабарандагони ҷумҳурӣ дар ҳолати то 1 – уми январи соли 2012 тасдиқ шуд. Тавре иттилоъ ёфтем, ҳаҷми заминҳои обии кишвар тавассути азхудкунии заминҳои бекорхобида дар зарфи як сол 4400 га афзудааст. Дастур шуд, ки дар солҳои наздик 35377 га заминҳои партов, аз ҷумла 29129 га замини обӣ дубора барои истифода ба кишоварзон баргардонда шавад.
Лоиҳаи як қатор қонунҳо ва хулосаҳои Ҳукумати Ҷумҳурии Тоҷикистон ба лоиҳаи қонунҳо доир ба ворид намудани тағйиру иловаҳо ба санадҳои амалкунандаи қонунгузорӣ маъқул дониста, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод гашт. Тағйиру иловаҳо, аз ҷумла ба қонунҳо «Дар бораи рӯзҳои ид», «Дар бораи маводи доруворӣ ва фаъолияти фармасевтӣ», «Дар  бораи муроҷиатҳои шаҳрвандон», «Дар бораи таҳсилоти ибтидоии касбӣ», «Дар бораи иттилоот», «Дар бораи стандартонӣ» ва ба Кодекси ҳуқуқвайронкунии маъмурӣ пешниҳод шуданд.
Қарорҳои Ҳукумат дар бораи иштироки Ҷумҳурии Тоҷикистон дар Намоишгоҳи ҷаҳонии ЭКСПО «Ёсу-2012» дар шаҳри Ёсуи Ҷумҳурии Корея ва таҷлили 3000 – солагии Ҳисор дар соли 2015 тасдиқ гардиданд.
Чунонки таъкид ёфт, то моҳи сентябри соли 2015 тамоми ҳудуди ноҳияи Ҳисор бояд ободу зебо шуда, маркази он ба як шаҳри дилкаши замонавӣ табдил ёбад.
Ҳамчунин Барномаи муҳоҷирати дохилии аҳолии Ҷумҳурии Тоҷикистон барои солҳои 2012-2014, Барномаи давлатии тайёр кардани мутахассисон аз ҳисоби занон ва мусоидат ба шуғли онҳо барои солҳои 2012-2015, Барномаи тарбияи ҳарбӣ-ватандӯстӣ ва рушди варзиши ҳарбӣ-амалӣ дар байни наврасону ҷавонони синни тодаъватӣ ва даъватии Ҷумҳурии Тоҷикистон барои солҳои 2012-2015 ва барномаҳо барои татбиқи консепсияҳои пешгӯии инкишофи қонунгузорӣ дар соҳаҳои гуногун, аз ҷумла аграрӣ ва ҳифзи муҳити зист, соҳибкорӣ, мудофиа, амният, ҳифзи ҳуқуқ ва муносибатҳои байналмилалӣ тасдиқ шуданд.
Ба ноҳияҳои Исфара, Ишкошим ва Рӯшон барои ба аҳолӣ додани қитъаҳои наздиҳавлигӣ замин ҷудо гардид. Аз ҷумла ба ноҳияи Исфара 855 га барои 5555 оила, ноҳияи Ишкошим 91 га барои 346 оила ва ба ноҳияи Рӯшон 25 га ба 417 оила ҷудо шуд. Эмомалӣ Раҳмон, Сарвари давлат, бо ишора ба ҳаҷми зиёди замини барои сохтмони манзил ба аҳолӣ ҷудогашта, таъкид дошт, ки ин заминҳо бояд ба фонди манзили шаҳру ноҳияҳо дохил карда, на яку якбора, балки тадриҷан, бо назардошти зарурат тақсим шаванд.
Дар фароварди маҷлис Эмомалӣ Раҳмон ба масъулон, ҳамчунин доир ба омодагӣ ба Рӯзи модар, Наврӯзи байналмилалӣ, кумак ба ниёзмандон дар арафаи идҳои пуршукуҳ, ҷамъбасти натиҷаҳои фаъолияти думоҳа дар соли равон, вусъат додани киштукори баҳорӣ ва ниҳолшинонӣ, дастгирии кишоварзон ва омодагии ҷиддӣ ба пешгирӣ аз офатҳои табиӣ, хусусан обхезиҳои баъди обшавии барфи бешумори зимистони имсола дастуру ҳидоятҳо дод.


Баёни ақида (0)    Санаи нашр: 1.03.12    №: 28    Мутолиа карданд: 1003

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед