logo

мулоқотҳо

Штефан Колер: "Маро сафири энергетикаи Тоҷикистон дар Олмон бишуморед"

6 апрел  Эмомалӣ Раҳмон,  Президенти мамлакат,  Штефан Колер, роҳбари раёсати Агентии энергетикаи Олмонро ба ҳузур пазируфт. Дар мулоқот масоили ҳамкории Тоҷикистону Олмон дар соҳаи энергетика баррасӣ шуданд.
"Мо Ҷумҳурии Федеративии Олмонро яке аз шарикони асосии худ дар Аврупо медонем", - изҳор дошт зимни суҳбат Эмомалӣ Раҳмон, Президенти Тоҷикистон.

Тавре ки зикр гардид, ҳамшарикии Тоҷикистону Олмон асосан дар сатҳи ҳамкорӣ бо мақсади таъмини рушди устувор сурат гирифта, соҳаи ҳаётан муҳими энергетикаро низ фаро гирифтааст.
Штефан Колер аз мулоқоти Эмомалӣ Раҳмон бо соҳибкорони Олмон, ки моҳи декабри соли 2011 дар Берлин сурат гирифта, он вақт Ёддошти тафоҳум доир ба ҳамкории дуҷониба дар соҳаи энергетика ба имзо расида буд, ёдовар шуда, бори дигар таъкид намуд, ки "азми Агентии энергетикаи Олмон ба густариши ҳамкорӣ бо Тоҷикистон устувор аст".
Штефан Колер изҳор дошт: "Баъди боздиди имрӯза аз неругоҳи Норак андешаи ман дар бораи аҳамияти бузурги неругоҳи Роғун, ки дар шароити монанд ба мавзеи Норак бунёд меёбад, боз ҳам қавӣ гардид ва ман минбаъд ширкатҳои олмониро ба иштирок дар татбиқи ин лоиҳа тарғиб хоҳам кард". Гузашта аз ин, ӯ таъкид дошт, ки "минбаъд мардуми Тоҷикистон метавонад маро сафири энергетикаи давлати худ дар Олмон бишуморад".
Эмомалӣ Раҳмон, Сарвари давлат, ба ҷониби Олмон барои дастгирӣ ва мусоидат ба навсозии техникии иншооти гидроэнергетикӣ ва сохтмони неругоҳҳои барқи обии хурд дар Тоҷикистон арзи сипос намуда, изҳори боварӣ намуд, ки минбаъд чунин ҳамкорӣ тавсеа хоҳад ёфт.
Гуфтугӯи судманд, ҳамчунин доир ба идомаи бунёди неругоҳҳои хурду миёнаи барқи обӣ, ташкили ҳамкорӣ дар самти истихроҷи нафту газ, истеҳсоли биогаз ва таҷҳизоти каммасрафи барқӣ сурат гирифт.
Таъкид гардид, ки густариши ҳамкории Тоҷикистону Олмон дар соҳаи энергетика ба нафъи ҳар ду давлат буда, ба рушди иқтисодӣ ва таҳкими амнияту суботи минтақа низ мусоидат мекунад.

www.president.tj


Штефан Колер, роҳбари раёсати Агентии энергетикаи Олмон, ки баъд аз мулоқот бо Эмомалӣ Раҳмон, Президенти Ҷумҳурии Тоҷикистон, бо хабарнигорон суҳбат дошт, натиҷаҳои сафараш ба кишвари мо ва дидору гуфтугӯяш бо Сарвари давлатро пурсамар арзёбӣ кард.
Ӯ ҳадафи сафараш ба Тоҷикистонро густариши ҳамкориҳои дуҷониба дар бахши энергетика унвон кард.

Роҳбари раёсати Агентии энергетикии Олмон, ки дар доираи ин сафар аз Неругоҳи барқи обии Норак дидан кардааст, ба зарурати сохтмони неругоҳи Роғун, ки дар шароити монанд ба он бунёд меёбад, таъкид намуд. Бино ба андешаи ӯ, Роғун натанҳо ба Тоҷикистон, балки ба манфиати кишварҳои минтақа низ хизмат хоҳад кард. Штефан Колер изҳор дошт, ки Ҷумҳурии Федеролии Олмон дар заминаи тавсеаи ҳамкориҳои энергетикӣ ҳамчунин ҷиҳати бунёди неругоҳҳои хурду миёна дар Тоҷикистон алоқаманд аст.
Дар ин мулоқот ҳамчунин дигар масоили ҳамкориҳои байни ду кишвар, аз ҷумла таъмини аҳолӣ ва коргоҳҳои саноатии Тоҷикистон бо гази табиӣ матраҳ шудааст. Зимнан ба роҳ мондани истеҳсоли биогаз дар Тоҷикистон яке аз мавзуъҳои меҳварии суҳбат буда, бино ба гуфти Штефан Колер, қарор аст, дар ин замина ба зудӣ аз Олмон дастгоҳи вижае барои озмоиш ба Тоҷикистон ворид шавад. Ин дастгоҳ метавонад аз пасмондаҳои маводи ғизоӣ ва дигар партовҳо биогаз ҳосил намояд, ки аз нигоҳи сифат ба гази табиӣ баробар аст.
Таъкид шуд, ки Ҷумҳурии Федеролии Олмон дар ин самт таҷрибаи кофӣ дорад ва солҳо инҷониб ниёзи худро аз ин роҳ бароварда месозад.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 10.04.12    №: 44-45    Мутолиа карданд: 586

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед