logo

маориф

Маорифи Бадахшон дар ҳоли рушд аст

Давлату Ҳукумат аз солҳои аввали соҳибистиқлолӣ ба пешрафти илму маориф ҳамчун пойдевори рушду тараққиёти тамоми соҳаҳои ҳаёти ҷомеа диққати махсус зоҳир намуда, ин равандро муттасил идома медиҳад.

Аз Паёми Эмомалӣ Раҳмон, Президенти Ҷумҳурии Тоҷикистон,
ба Маҷлиси Олии Ҷумҳурии Тоҷикистон, 20 апрели соли 2012


Маориф соҳаи пешқадами ҳаёти ҷомеаи Вилояти Мухтори Кӯҳистони Бадахшон маҳсуб меёбад. Дар даврони соҳибистиқлолии Ҷумҳурии Тоҷикистон мактабу маориф афзалияти зиёдеро доро гашт.  Махсусан, пешниҳоду супоришҳои Сарвари давлат дар Паёми худ ба Маҷлиси Олии Ҷумҳурии Тоҷикистон ба рушди соҳа нумуи тоза бахшиданд.
-Боиси хушнудист, ки ҳар сол ба рушди маориф маблағҳои зиёд ихтисос мегарданд,- мегӯяд Ғарибшо Ғарибшоев, сардори раёсати маорифи ВМКБ. Танҳо дар соли 2011 барои соҳаи маорифи вилоят аз буҷети давлат 46 миллиону 654 ҳазору 028 сомонӣ ҷудо шуд. Ба ғайр аз ин аз ҳисоби маблағҳои ҷудонамудаи сафорати Ҷопон дар Тоҷикистон сохтмони бинои мактаби таҳсилоти миёнаи деҳаи Шаймоқи ноҳияи Мурғоб анҷом ёфт.
Моҳҳои август ва сентябри соли 2011 бинои  мактаби президентии шаҳри Хоруғ, мактабҳои деҳаҳои Шод ва Сумҷеви ноҳияи Роштқалъа, деҳаҳои Лугад, Удоб ва Рованди ноҳияи Ванҷ, деҳаи Емси ноҳияи Рӯшон ва ноҳияи Мурғоб, бинои нави Донишкадаи такмили тахассуси касбии  вилоят ва хобгоҳ барои 200 нафар бо тамоми шароит дар назди литсейи касбӣ-техникии рақами 77-и деҳаи Навободи ноҳияи Шуғнон мавриди истифода қарор гирифтанд. 10 синфхона дар деҳаи Барсеми ноҳияи Шуғнон,10 синфхона дар маркази ноҳияи Ванҷ, 8 синфхона дар деҳаи Ғудараи ноҳияи Рӯшон, бинои мактаб-интернати ҷумҳуриявӣ барои 480 ҷой ва кӯдакистон дар ноҳияи Дарвоз бунёд ёфтанд. Умуман ба сохтмону таъмири биноҳои муассисаҳои таълимӣ беш аз 70 миллион сомонӣ масраф гардид, ки чунин корҳои ободонии соҳаро то кунун касе дар ёд надорад.
Ҳамзамон таъминоти муассисаҳо бо таҷҳизот (мизу курсӣ, тахтаи синфӣ, ҷевони китоб, либосовезак, рӯйҷо ва ғайра) дар маркази диққати роҳбарияти маорифи вилоят қарор дорад. Дар ин давра аз ҳисоби Вазорати маорифи ҷумҳурӣ 48 маҷмӯъ мизу курсӣ барои хонандагон , 10 миз ва 28 курсӣ барои омӯзгорон, 1 маҷмӯъ мизу курсӣ барои директор, 6 адад тахтаи синфӣ, 8 адад ҷевони китоб, 1 адад мизу курсии компютер барои мактаби № 5-и деҳаи Сумҷеви ноҳияи Роштқалъа, барои литсейи касбӣ-техникии Навобод 50 адад курсии нарм дастрас гардид.
 Дар муассисаҳои таълимии вилоят алҳол 2148 компютер, 353 принтер ва 382 синфхонаи компютерӣ мавриди баҳрабардорӣ қарор доранд. Танҳо дар литсейи касбӣ-техникии Навобод 6 компютер ва 4 принтер дар хизмати муҳассилин қарор доранд.
Пайвастшавии муассисаҳои маориф ба шабакаи интернет  ба рушди бештари соҳа мусоидат менамояд. Боиси хушнудист, ки бо маблағгузории Вазорати маориф ширкати "Вавилон" моҳи феврал раёсати маорифи вилоят, шуъбаҳои маорифи шаҳри Хоруғ ва ноҳияи Рӯшонро ба шабакаи интернет пайваст. Бо дастгирии раиси ВМКБ 60 мактаб ба шабакаи интернет пайваст гардид.
Як мушкиле, ки солҳои охир раёсати маорифи вилоят дар ҳалли он душворӣ мекашид, дастрасии китобҳои таълимӣ барои мактабҳои қирғиззабони ноҳияи Мурғоб буд. Хушбахтона, ин масъала бо ҷалби  ЮНИСЕФ ҳал шуд. Созмони мазкур ба таълимгоҳҳои ноҳия 4000 нусха китоб бо забони қирғизӣ ҳадя намуд.
Вазорати маорифи Ҷумҳурии Тоҷикистон барои мактабҳои вилоят 12 номгӯй китоби дарсиро бо теъдоди 15828 нусха дастрас кард.
Имрӯз дар вилоят 315 муассисаи таълимӣ, аз ҷумла мактаби президентӣ,174 мактаби таҳсилоти миёнаи умумӣ, 64 асосӣ ва 76 мактаби ибтидоӣ 40809 хонандаро ба таҳсил фаро гирифтаанд.
Дар даври сеюми олимпиадаи байналмилалӣ 43 хонанда ба шаҳри Екатеринбург, 26 нафар ба Туркия сафар кард. Аз шаҳри Анатолияи давлати Туркия 4 нафар бо медали тилло, 4 нафар бо медали нуқра ва 5 нафар бо медали биринҷӣ баргашт. Дар Русия 11 нафар ба  медали тилло, 15 нафар ба медали нуқра ва 17 нафар ба медали биринҷӣ сазовор  гардид.
Бо квотаи президентӣ 136 хонанда ба мактабҳои олӣ дохил шуд. Бо дастгирии Барномаи маорифи Хазинаи Оғохон 8 нафар дар Донишгоҳи славянии шаҳри Бешкек, 2 нафар дар Донишгоҳи миллии Қирғизистон машғули идомаи таҳсил аст. Аз ноҳияи Мурғоб тибқи шартномаи Вазорати маорифи Ҷумҳурии Тоҷикистон ва Вазорати илм ва маорифи Ҷумҳурии Қирғизистон 10 нафар ва бо ёрии Сафорати Ҷумҳурии Қирғизистон дар Тоҷикистон 11 донишҷӯ ба мактабҳои олии ин кишвар фаро гирифта шуд.  Алъон 10 хатмкардаи мактабҳои вилоят дар Донишкадаи менеҷменти шаҳри Оренбург, 9 нафар дар Донишгоҳи металлургии шаҳри Нижний-Новгород, 1 нафар дар Донишкадаи муносибатҳои байналмилалии шаҳри  Маскав, 16 нафар дар Донишгоҳи меъмории шаҳри Томск ва 3 нафар тибқи квотаи Президенти Ҷумҳурии Тоҷикистон "Дурахшандагон" дар дигар мактабҳои олии Федератсияи Русия ихтисос мегиранд.

Раҳмони ГУЛЗОР,
 "Ҷумҳурият"


Баёни ақида (0)    Санаи нашр: 28.04.12    №: 56    Мутолиа карданд: 960

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед