logo

мулоқотҳо

Қабули эътимоднома аз сафирони нав

8 август Эмомалӣ Раҳмон, Президенти кишвар, аз сафирони нави Туркманистон, Ҷопон, Фаронса, Руминия, Африқои Ҷанубӣ ва Ордени Мухтори Малта эътимоднома қабул намуд.
Эмомалӣ Раҳмон, Сарвари давлат, пас аз қабули эътимоднома аз сафирони фавқулода ва мухтори давлатҳои Туркманистон, Ҷопон, Фаронса, Руминия, Африқои Ҷанубӣ ва Ордени Мухтори Малта ҳамаи онҳоро бо оғози иҷрои ин вазифаи муҳим дар Тоҷикистон табрик гуфта, изҳори боварӣ намуд, ки бо фаъолияти пурсамари дипломатиашон ба рушду таҳкими муносибатҳои воқеан дӯстона ва ҳамкории судманди гуногунҷанба мусоидати фаъол хоҳанд кард.
Эмомалӣ Раҳмон Туркманистонро аз ҷумлаи шарикони муҳими Тоҷикистон дар фазои Иттиҳоди Давлатҳои Мустақил номида, изҳори итминон намуд, ки муколамаи сиёсии доимии ду кишвар дар рафти сафари қарибулвуқӯи Президенти Тоҷикистон ба Ашқобод идомаи бофайз хоҳад ёфт.
Аз раванди густариши муносибатҳои Тоҷикистон бо Ҷумҳурии Фаронса, Ҷопон, Руминия ва Ҷумҳурии Африқои Ҷанубӣ низ изҳори қаноат карда шуд. Эмомалӣ Раҳмон, Сарвари давлат, аз ҷумла доир ба дастгириҳои пайвастаи Ҷопон аз рушди босуботи иҷтимоию иқтисодии Тоҷикистон чунин гуфт: "Дар давоми бист соли истиқлолият мо дастгириву мусоидати беғаразонаи ҷомеа ва давлати Ҷопонро пайваста эҳсос мекардем ва онро ҳамеша қадрдонӣ менамоем".
Барои рушди минбаъдаи муносибатҳои Тоҷикистону Африқои Ҷанубӣ, қабл аз ҳама, тавсеаи заминаи меъёрии ҳуқуқии он зарур шумурда шуд.
Эмомалӣ Раҳмон, Сарвари давлат, ба фаъолияти Ордени Мухтори Малта дар арсаи байналмилалӣ, ки дар пояи принсипҳои ғайрисиёсии гуманитарӣ ва бетарафӣ асос ёфтааст, баҳои баланд дода, ҳавасмандии Тоҷикистонро ба рушди ҳамкорӣ бо он таъкид дошт.

www.president.tj

* * *

Сафирони фавқулода ва мухтори давлатҳои Туркманистон, Ҷопон, Фаронса, Руминия, Африқои Ҷанубӣ ва Ордени Мухтори Малта баъд аз супурдани эътимодномаҳои худ ба Эмомалӣ Раҳмон, Президенти Ҷумҳурии Тоҷикистон, дар сӯҳбат бо хабарнигорон ба дурнамои рушди ҳамкориҳои дуҷонибаи кишварҳояшон бо Тоҷикистон изҳори хушбинӣ карданд.
Ин бардошти дипломатҳои хориҷӣ пас аз дидору гуфтугӯ бо Сарвари давлати Тоҷикистон, зимни қабули эътимодномаҳо ҳосил шудааст.
Аз ҷумла Чинор Рустамова, сафири фавқулода ва мухтори Ҷумҳурии Туркманистон  дар Ҷумҳурии Тоҷикистон, изҳор  дошт,  ки  зимни  мулоқот  бо Эмомалӣ Раҳмон ҷараёни ҳамкориҳои кунунӣ ва таҳкими равобити минбаъдаи ду кишвари ба ҳам дӯст баррасӣ шудааст. Сафири нав ба ҳамкориҳои тиҷоратии ҳар ду давлат баҳои баланд дода, зикр намуд, ки дар ҳафт моҳи соли ҷорӣ ҳаҷми гардиши мол миёни Тоҷикистону Туркманистон 18 миллион долларро ташкил додааст. Зимнан рушди ҳамкориҳо дар бахши энергетика ва нақлиёту алоқа дар маркази таваҷҷуҳи ҷонибҳо қарор гирифта, таҳкими робитаҳои фарҳангӣ, илму маориф, варзишу сайёҳӣ ба нафъи ҳар ду давлат дониста шудааст.
Дар ҳамин ҳол Шин Маруо, сафири фавқулода ва мухтори Ҷопон дар Тоҷикистон, аз раванди ҳамкориҳои Тоҷикистону Ҷопон изҳори қаноатмандӣ карда, зикр намуд, ки бо истифода аз ваколатҳои худ барои густариши заминаҳои нави ҳамкории ду кишвар саъй хоҳад кард.
- Феълан муносибатҳои сиёсии Руминия ва Тоҷикистон дар сатҳи зарурӣ қарор дошта, ҳамкориҳои гуногунсоҳаи ду кишвар дар ҳошияи созмонҳои байналмилалӣ баёнгари дурнамои хуби равобити ҳар ду давлат аст, -  изҳор дошт Николае Уреке, сафири фавқулода ва мухтори Руминия дар Тоҷикистон.
Бино ба гуфти Фабрисио Франческо Виначия, сафири фавқулода ва мухтори Ордени Мухтори Малта дар Тоҷикистон, дар назар аст, ҳамкориҳои дуҷониба асосан дар се замина - тандурустӣ, маориф ва фарҳанг ба роҳ монда шаванд.
Ҳамчунин сафирони фавқулода ва мухтори Фаронса ва Африқои Ҷанубӣ дар Тоҷикистон ба вусъати ҳамкориҳои ҳасана таъкид намуда, рушду тақвияти онро рисолати худ донистанд.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 14.08.12    №: 107    Мутолиа карданд: 928
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед