logo

маориф

ҚУТБНАМОИ ЗИНДАГИИ ШОИСТА

Паёми имсолаи Сарвари давлат ба Маҷлиси Олии ҷумҳурӣ ироагардида як дастури созанда барои ояндаи кишвар ва таъмини ҳаёти осуда ва зиндагии шоиста аст.
Президенти кишвар ба соҳаи илму маориф таваҷҷуҳи хос зоҳир намуда, изҳор дошт, ки дар оянда низ ин соҳа ҳамчун яке аз самтҳои калидӣ боқӣ мемонад ва барои рушди минбаъдаи он тамоми имконот истифода бурда мешавад. Ба мақсади ҳалли масъалаҳои соҳаи маориф дар 7 соли оянда 27 миллиард сомонӣ ҷудо мегардад. Ин рақамҳо хурсандиовар ва умедбахшанд. Баланд шудани сатҳу сифати таълиму тарбия - ин истифодаи дуруст ва самараноки дастовардҳои илму техника ва технологияҳои муосир мебошад. Зеро минбаъд тараққиёти кишвар ба дониши комил, аз бар кардани касбу кори замонавӣ аз тарафи насли наврас вобастагӣ дорад.
Солҳои охир доираи фаъолияти омӯзгорон ҳамвора густариш меёбад, имконияташон меафзояд, толибилмон бештар ба омӯхтан дилгармӣ пайдо мекунанд.
Роҳбарият, кормандони литсей – интернати Президентӣ барои кӯдакони болаёқати Ҷумҳурии Тоҷикистон аз Паём рӯҳу илҳоми тоза гирифта, барои баланд бардоштани сатҳу сифати таълиму тарбия ва маънавиёти насли наврас ҳавасмандии бештар зоҳир намуда, барои таълиму тарбияи кӯдакони болаёқат, соҳиби илму дониши амиқ ва касбҳои муҳим гардидани онҳо саъю кӯшиш доранд. 
Бо шарофати таваҷҷуҳи пайвастаи Президенти кишвар, Ҳукумати ҷумҳурӣ, Вазорати маориф ва илми ҷумҳурӣ ва сарвари литсей, муассисаи таълимии мо сол то сол муҷаҳҳазтар шуда, шароити мусоиду муосир ва муҳити орому созгор барои донишандӯзии шогирдон муҳайё мегардад. Миёни аҳли омӯзгорони литсей истифода аз роҳу усулҳои нав, воситаҳои таълимии техникӣ ва дастурҳои омӯзишӣ ба ҳукми анъана даромадааст.
Яке аз муҳимтарин воситаи таълимии техникӣ ин тахтаи электронӣ ва тахтаи рақамии универсалӣ мебошад. Омӯзгорон аз интернет маводи зарурӣ, асбобҳои аёнӣ ва ҷадвалу рақамҳоро пайдо намуда, мавриди истифода қарор медиҳанд. Онҳо тавассути ин тахтаҳо нақшаҳои дарсии хубу пурмазмунро таҳия намуда, ба маълумоти хонандагон мерасонанд. Бартарии кори омӯзгор дар он аст, ки ӯ аз бӯру латта истифода намебарад ва шароити тозаю гигиениро дар синф таъмин менамояд. Бо истифода аз тахтаи электронӣ ва тахтаи рақамии универсалӣ вақтро сарфа менамояд. Боз ҷиҳати бартарии тахтаи рақамию универсалӣ он аст, ки омӯзгор дар он асбобҳои аёниро вобаста ба мавзӯъ васеъ ба хонандагон нишон дода метавонад ва назарияро тавъам бо амалия ба онҳо мефаҳмонад. Боз хубии ин намуди технология дар он аст, ки тамоми воқеаҳои имрӯзаро, ки ба дарс вобаста аст, ба осонӣ намоиш дода метавонад.
Бо ибтикори вазири маориф ва илми ҷумҳурӣ ҳаракати олимпиадавӣ бо шаклҳои гуногун миёни мактаббачагони ҷумҳурӣ роиҷ гардид, ки ин шавқмандӣ ва ҳавасмандии онҳоро ба омӯзиши илму фан афзун намуд.
Хонандагони литсейи мо ҳам соли таҳсили ҷорӣ дар ҳамаи намуди олимпиадаҳо фаъолона иштирок карда, соҳиби ҷойҳои ифтихорӣ шуданд. Дар даври шаҳрии олимпиадаҳои анъанавӣ ва номӣ 13 ҷой, дар даври ҷумҳуриявӣ олимпиадаҳои даставӣ, номӣ, анъанавӣ 7 ҷой, дар олимпиадаи байналмилалӣ 4 ҷой ва дар маҷмӯъ то ба имрӯз соҳиби 24 медал, аз он ҷумла 4 тилло, 6 нуқра, 14 биринҷӣ гардиданд. Инчунин 85 нафар хонандаи синфҳои 7-11 дар олимпиадаи фосилавии байналмилалии «Русский язык как иностраный» ширкат варзиданд, ки 27 нафари онҳо соҳиби 100 холӣ гардиданд ва дар марҳалаи ниҳоӣ дар шаҳри Маскави Федератсияи Русия ширкат мекунанд.
Соли ҷорӣ қабули довталабон ба муассисаҳои таҳсилоти олии касбӣ бори аввал дар ҷумҳурӣ тавассути имтиҳонҳои марказонидашудаи дохилшавӣ дар Маркази миллии тестӣ ба роҳ монда мешавад. Омӯзгорони мо ба хатмкунандагон моҳияти имтиҳонотро фаҳмонда, дар интихоби ихтисос ва касбу ҳунари онҳо ҳамаҷониба ёрӣ мерасонанд. Ҳамзамон 91 нафар хатмкунандаи литсей пурра аз қайди Маркази миллии тестӣ гузашта, 15 нафар аллакай ба макотиби олии хориҷи кишвар дохил гардиданд.
Паёми Президенти мамлакат ба Маҷлиси Олии ҷумҳурӣ мо - муаллимони литсей - интернати Президентиро вазифадор месозад, ки барои татбиқи чунин сиёсати хирадмандона дастаҷамъона фаъолият намуда, дар рушди соҳа нақши чашмгир гузорем.
Қурбон ҚУРБОНОВ,
муовини директори литсей – интернати Президентӣ барои кӯдакони
болаёқати Ҷумҳурии Тоҷикистон


Баёни ақида (0)    Санаи нашр: 13.05.2014    №: 89    Мутолиа карданд: 953
21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД


Дар сомонаҳои дигари Тоҷикистон хонед