logo

маориф

СУҒД: ОҒОЗИ СОХТМОНИ 65 МАКТАБИ НАВ

Соҳаи илму маориф дар оянда низ самти калидӣ боқӣ монда, Ҳукумати Тоҷикистон барои рушди он тамоми имконоти худро истифода мебарад ва маблағгузории соҳаро ҳамасола ба таври назаррас афзоиш медиҳад.

Аз Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон, 23 апрели соли 2014

Дар партави Паёми Президенти мамлакат ба Маҷлиси Олии Ҷумҳурии Тоҷикистон раиси вилояти Суғд Абдураҳмон Қодирӣ дар Кохи Арбоб бо сарварони макотиби оливу миёна, литсей, гимназия, коллеҷи касбҳои техникӣ мулоқот орост. Бино ба иттилои раиси вилоят, маблағгузории соҳа соли равон дар қиёс ба соли гузашта 115 миллион сомонӣ афзоиш ёфтааст. Ҳамзамон бо маблағгузорӣ аз сарчашмаҳои гуногун боз сохтмони 65 мактаби нав оғоз ёфтааст, ки 18 - тоаш то охири сол мавриди истифода қарор хоҳад гирифт.
Бунёди мактабу синфхонаҳои иловагӣ ба тариқи ҳашар низ дар чанд соли охир дар вилояти Суғд ба анъанаи хубе табдил ёфта, имсол дар ноҳияи Ғончӣ 5, Исфара 2, Ашт 2, Бобоҷон Ғафуров 4 ва Конибодом 2 мактаб бо ҳамин усул сохта хоҳанд шуд.
Дар муассисаҳои таълимии вилоят марҳилаи сеюми компютеркунонӣ бо муваффақият ҷамъбаст гашта, онҳо имрӯз дорои 13 ҳазору 411 компютер ва 1870 принтер буда, барномаи мазкур иҷро шудааст. Ширкати фаъолонаи 78 нафар муҳассилини мактабҳои таҳсилоти миёнаи умумии вилояти Суғд дар олимпиадаҳои ҷумҳуриявӣ ва сазовор шудан ба 57 ҷойи ифтихорӣ, ки баландтарин нишондод миёни макотиби мамлакат маҳсуб меёбад, худ гувоҳи беҳтар шудани сифати таълим аст.
Абдураҳмон Қодирӣ таваҷҷуҳи масъулини соҳаро ба ислоҳи чандин нуқсон: дарс гуфтани теъдоди муайяни омӯзгорон бо маълумоти миёна, ба ҷои кор ҳозир нашудани хатмкунандагони риштаи омӯзгорӣ, афзоиш ёфтани ҷинояткорӣ миёни хонандагон, идома надодани таҳсил баъди синфи нуҳум аз ҷониби духтарон, пурра таъмин нашудани хонандагон бо либосҳои мактабӣ ва мизу курсиҳо, набудани толор ва майдончаҳои варзишӣ ҷалб кард.
Воқеан ҳам боиси нигаронист, ки дар баъзе мактабҳои Истаравшан, Исфара, Ашт, Шаҳристон, Кӯҳистони Мастчоҳ, Айнӣ, Зафаробод, Ғончӣ, Истиқлол омӯзгорон бо маълумоти миёна ба хонандагон дарс мегӯянд, теъдоди онҳо зиёда аз 500 нафар буда, танҳо баъди дахолати раиси вилоят қисме аз онҳо ҷиҳати идома додани таҳсил ҳуҷҷатҳои худро ба шуъбаи ғоибонаи Донишгоҳи давлатии Хуҷанд супурдаанд, ин дар ҳолест, ки ҳамасола даҳҳо хатмкунандагон бо маълумоти олии омӯзгорӣ дар ҳамин навоҳӣ ҷойи кор намеёбанд. Масъалаи дигаре, ки ба доғи рӯз мубаддал гаштааст, ҳозир нашудани хатмкунандагони тахассуси омӯзгорӣ ба ҷои кор аст. Масалан, соли 2013 аз 1033 нафар хатмкунанда 336 нафар бе ягон асос ба мактабҳое, ки ниёз ба муаллим доранд, ҳозир нашудаанд. Дар шаҳри Хуҷанд, агар ба ҷойи кор ҳозир нашудани хатмкунандагони мактаби олӣ 46,7 дарсадро ташкил диҳад, пас ин рақам дар дигар шаҳру навоҳии вилоят боз ҳам ташвишовар мебошад. Дар Мастчоҳ 54, Панҷакент 56, Ҷаббор Расулов 64, Конибодом 65 ва Кайроққум 67 дарсад аст. Ҳол он ки давлат барои омода кардани танҳо як нафар омӯзгор соле зиёда аз панҷ ҳазор сомонӣ маблағ ба харҷ додаасту ҳамзамон мактабҳои вилоят ба 674 омӯзгори фанҳои дақиқу забонҳои хориҷӣ, суруду расмкашӣ ниёз доранд.
Қонуншиканӣ, зиёда аз ин худкушӣ миёни мактабиён аҳли ҷомеаро сахт ба изтироб овардаасту давоми се моҳи соли равон аз ҷониби хонандагони вилоят 19 ҳолати хилофи қонун амал кардан ба қайд гирифта шуд ва 6 нафар хонандаи мактабҳои Хуҷанд, Бобоҷон Ғафуров, Ашт, Конибодом, Панҷакент, Истаравшан даст ба худкушӣ зада, як нафар аз ноҳияи Зафаробод суиқасд ба ҷони худ кардааст. Дар ин самт омӯзгоронро зарур аст, ки бо ҷалби волидайн, равоншиносон, ходимони дин корҳои тарбиявию фаҳмондадиҳиро муассир намоянд.
Иштирокдорони мулоқот пешниҳоди раиси вилоятро ҷиҳати куллан таҷдиди назар кардани таълими меҳнат, таъмиру тармим ва сохтмони толорҳои варзишӣ, дар рӯҳияи воқеии ватандориву ватанпарастӣ тарбия кардани насли наврас ва омӯзиши ҳамаи намуди асбобҳои мусиқии миллӣ дар мактаб бо самимият пазируфтанд.
 Ҷовиди АШТӢ, 
«Ҷумҳурият»


Баёни ақида (0)    Санаи нашр: 15.05.2014    №: 91    Мутолиа карданд: 986
21.06.2021


«TOUR DE TAJIKISTAN». Мусобиқае, ки дастовардҳои кишварро муаррифӣ мекунад

МИНТАҚАИ РАШТ. 51 МИЛЛИОН ҚАРЗИ ИСТИФОДАИ БАРҚ

ШАҲРИ ТУРСУНЗОДА. ДАСТГИРИИ КИШОВАРЗОН БАРОИ СОДИРОТИ АНГУР

ТОҶИКОБОД. САМАРИ ЯК ҲАМКОРӢ

КАЙФАР

70 СОЛ ДАР РОҲИ ОМӮЗИШИ ТАЪРИХ ВА ФАРҲАНГИ МИЛЛАТ

НУРОБОД. ВАҚТЕ КИ ЗАМИН МАҚСАДНОК ИСТИФОДА МЕШАВАД...

11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД


Дар сомонаҳои дигари Тоҷикистон хонед