logo

энергетика

НЕРУИ БАРҚ. АРЗИШИ ОН БОЛО МЕРАВАД, ВАЛЕ...

Аз 1 ноябри соли 2016 дар ҷумҳурӣ нархи барқ ба ҳисоби миёна 16,5 дарсад боло меравад. Аз ҷумла, арзиши ҳар киловатт-соат неруи барқ барои аҳолӣ 14, 65 дирамро ташкил хоҳад дод. Ин тадбир барои коршоям нигоҳ доштани низоми энергетикии кишвар, бо неруи барқу гармӣ таъмин намудани хоҷагии халқ ва аҳолии мамлакат андешида шудааст.
 
Тибқи иттилои ШСХК «Барқи тоҷик», баробари дигар хароҷот, ширкат барои таъмиру таҷдиди иқтидорҳо ва барои истифодабарии об маблағ сарф мекунад. Дар асоси муқаррароти Кодекси андоз ширкат ҳар сол аз ҳисоби истифодаи об барои истеҳсоли энергияи барқ дар неругоҳҳои барқи обӣ то 35 миллион сомонӣ аз тариқи роялтӣ андозбандӣ мешавад. Илова бар ин, ташхиси ҳолати техникии иншооти барқии ҷумҳурӣ, ки соли 2011 аз тарафи ширкати олмонии «Fichtner» гузаронда шудааст, андешидани тадбирҳои ҳатмӣ ва фавриро барои таҷдиди неругоҳҳои «Норак», «Қайроққум», силсиланеругоҳҳои «Вахш», «Варзоб» ва як қатор хатҳои интиқоли барқ ва зеристгоҳҳои баландшиддат зарур мешуморад.  Дар ҳолати наандешидани тадбирҳои фаврӣ оид ба таҷдиди онҳо таъмин намудани бехатарии энергетикии ҷумҳурӣ дар солҳои наздик зери хавф мемонад.
Паст будани тарифи неруи барқ, ки хароҷотро намепӯшонад, ҷалб намудани сармояи хориҷиро барои татбиқи лоиҳаҳои таҷдиди неругоҳҳои барқи обӣ ва дигар иншооти муҳими энергетикӣ номумкин мегардонад.
Барои баланд бардоштани эътимоднокии барқтаъминкунии муштариён Ширкати «Барқи тоҷик» дар неругоҳҳо, шабакаҳои барқӣ, хатҳои интиқоли барқ, зеристгоҳҳои барқӣ, трансформаторҳои қудратӣ ва ғайра корҳои зиёди таъмири ҷорӣ ва пурраро анҷом медиҳад, ки барои он маблағҳои калон лозиманд. Инчунин, барои хароҷоти умумии истеҳсолии ширкат бо назардошти хариди сӯзишворӣ (мазут ва гази табиӣ) барои эҳтиёҷоти истеҳсолӣ, хариди энергияи барқ аз НБО-ҳои «Сангтӯда-1» ва «Сангтӯда-2», хариди қисмҳои эҳтиётӣ, пардохти музди меҳнати кормандон ва андозҳои ҷумҳуриявию маҳаллӣ, хароҷоти дорои хусусияти истеҳсолӣ, ки аз тарафи корхонаҳои пудратӣ иҷро карда мешаванд, масолеҳи ёрирасон ва дигар хароҷоти истеҳсолӣ ҳар сол маблағҳо сарф мешаванд ва онҳо сол ба сол зиёд мегарданд. Дар баробари ин, ШСХК «Барқи тоҷик» неруи барқро аз ҶСК НБО-и «Сангтӯда-1» 20,1 дирам ва ҶСК НБО-и «Сангтӯда-2» 25,6 дирам барои 1 кВт.соат харида, бо назардошти хароҷоти технологӣ барқи фоиданокро ба истифодабарандагон бо тарифи миёнаи 11,95 дирам (бо назардошти ААИ) ба фурӯш мебаровард. Нишонаи сиёсати инсондӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон аст, ки барқ аз ширкатҳои хориҷӣ бо нархҳои стандартҳои байналмилалӣ харид шуда, ба аҳолӣ арзон фурӯхта мешавад.
Умуман, тарифи неруи барқи Тоҷикистон нисбат ба дигар давлатҳои Иттиҳоди Давлатҳои Мустақил хеле арзон аст. Тибқи маълумоти Кумитаи иҷроияи Шӯрои электроэнергетикии ИДМ, соли 2015 тарифи миёнаи 1 кВт. соат неруи барқ дар Озарбойҷон 3,3, Ӯзбекистон 3,9, Русия 4,59, Украина 6,52, Арманистон 8,38, Молдова 8,91 ва Беларус 10,93 сентро ташкил медод. Дар Тоҷикистон бошад, тарифи миёнаи 1 кВт.соат неруи барқ 1,51 сент буд. Ҳоло баъд аз ворид намудани тағйирот дар тарифҳои барқу гармӣ нархи 1 кВт.соат энергияи барқ барои аҳолӣ ба 1,86 сент баробар хоҳад шуд.
Айни замон Хадамоти зиддинҳинсорӣ якҷоя бо ШСХК «Барқи тоҷик» дар асоси қарори дахлдори Ҳукумати Ҷумҳурии Тоҷикистон нархномаи нави тарифҳои барқу гармиро таҳия намуда истодаанд, ки ба муштариён пешниҳод мешавад.


Баёни ақида (0)    Санаи нашр: 27.10.2016    №: 214    Мутолиа карданд: 18138
15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД

ҶАҲОН ДАР ЯК САТР

05.01.2021


ҶАҲОН ДАР ЯК САТР

МАЪМУРИЯТИ БАЙДЕН НИЯТИ БО РОССИЯ ДОИР БА ССҲ БА МУВОФИҚА РАСИДАН ДОРАД

WORLD JUDO MASTERS

ОЗМУНИ ҶУМҲУРИЯВИИ «КИТОБИ СОЛ – 2020». ҒОЛИБОН МУАЙЯН ШУДАНД

04.01.2021


ХОВАЛИНГ БА ҶАШНИ 30 - СОЛАГИИ ИСТИҚЛОЛИЯТИ ДАВЛАТӢ ОМОДА МЕШАВАД


Дар сомонаҳои дигари Тоҷикистон хонед