logo

ҳуқуқ

12 СОЛУ 6 МОҲИ ЗИНДОН БА ҶАВОНИ 27 - СОЛАЕ, КИ ҚАСДИ ШОМИЛШАВӢ БА ГУРӮҲИ ИФРОТИРО ДОШТ

Зуҳуроти даҳшатноки терроризму экстремизм таҳти шиорҳои динӣ ва шомилшавии ҷавонони содаву гумроҳ ба гурӯҳҳои ифротӣ, бахусус “Давлати исломӣ” ва иштироки онҳо дар муҳорибаҳои ҳарбии Сурияву Ироқ ҳеҷ як фарди солимфикри ҷомеаро бетараф гузошта наметавонад.

Табиист, ки ин раванд мақомоти давлатӣ ва тамоми ҷомеаи кишвари моро низ ба андешидани тадбирҳои таъхирнопазир водор намуда, то кунун дар ин самт корҳои судманд анҷом шуданд. Ниҳодҳои қудратӣ ва мақомоти ҳифзи ҳуқуқи кишвар ҷиҳати пешгирӣ, ошкор ва таҳқиқу тафтиши ҷиноятҳои хусусияти террористиву ифротгароидошта пайваста чораҷӯи менамоянд.
Бояд тазаккур дод, ки иттиҳоди террористии ба ном «Давлати исломӣ» дар асоси ҳалномаи Суди Олии Ҷумҳурии Тоҷикистон аз 14 апрели соли 2015 ташкилоти террористӣ - экстремистӣ (ифротгароӣ) эътироф шуда, фаъолияташ дар қаламрави Ҷумҳурии Тоҷикистон манъ гардидааст. Бо вуҷуди он, ки гурӯҳи террористии «Давлати исломӣ» дар ҳудуди Ироқу Сурия шикаст хӯрда, пойгоҳҳои аслии худро аз даст дод, ҳастанд нафарони гумроҳе, ки то кунун хаёли “ҷиҳод” дар сафи ин гурӯҳро аз мағзи тиҳии худ дур накардаанд.
Ислом Сафоев, сокини шаҳри Душанбе, моҳи октябри соли 2016  ба муҳоҷирати меҳнатӣ рафта, тавассути телефони мобилӣ бо аъзои иттиҳоди террористии ба ном «Давлати исломӣ» шинос шуда, ақидаи онҳоро ҷонибдорӣ кардааст. Сипас, бо Алишер ном нафари шахсияташ ба тафтишот номаълум вохӯрда, таклифи ӯро барои ба Ҷумҳурии Сурия рафтан  ва ширкат дар «ҷиҳод» қабул кардааст. Рӯзи 10 апрели соли 2017 ӯ бо даъвату маблағгузории Алишер ва рафиқонаш бо мақсади ғайриқонунӣ дар воҳидҳои мусаллаҳи иттиҳоди террористии ба ном «Давлати исломӣ» пайваст шудан ва дар задухӯрдҳои мусаллаҳона иштирок намудан, тавассути хатсайри Москва – Алмаато - Истамбул ба шаҳри Истамбули Ҷумҳурии Туркия парвоз кард. Ислом Сафоевро дар шаҳри Истамбул бародари Алишер бо номи Зафар пешвоз гирифта, дар хонаи истиқоматиаш маскун кард ва ваъда дод, ки бо пайдо шудани имконият барои убур кардани сарҳади давлати Туркия ба Ҷумҳурии Сурия мусоидат мекунад.  Ӯ баъд аз 20 рӯзи иқомат дар Истамбул аз ҷониби кормандони полиси Туркия дастгир ва 17 августи соли 2017 ба Ҷумҳурии Тоҷикистон истирдод шуд.
Суди ноҳияи Исмоили Сомонии шаҳри Душанбе таҳти раёсати судя Сангинзода Ғайрат 10 январи соли 2018 дар мурофиаи ошкорои судӣ парвандаи ҷиноятиро нисбат ба ӯ баррасӣ кард. Суд Ислом Сафоевро бо моддаҳои 32 қисми 3 4011 Кодекси ҷиноятии Ҷумҳурии Тоҷикистон гунаҳгор дониста, нисбаташ 12 солу 6 моҳ ҷазои маҳрум сохтан аз озодӣ бо нигоҳ доштан дар колонияҳои ислоҳии дорои низомаш сахт таъйин кард. Маҳкумшуда 27 сол дошта, аз карда пушаймон аст, вале подоши ҳар амали нангин чунин хоҳад буд.
Мунаввари САФАР,
“Ҷумҳурият”


Баёни ақида (0)    Санаи нашр: 16.02.2018    №: 36    Мутолиа карданд: 642
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед