logo

фарҳанг

ШОҲИН – ШОИРИ БЕДОРУ РАВШАНГАР

Дар Академияи илмҳои Ҷумҳурии Тоҷикистон Конфронси ҷумҳуриявии илмӣ – амалӣ таҳти унвони «Шамсиддин Шоҳин ва адабиёти тоҷики асри ХIХ» баргузор гардид. Конфронс ба 160 - умин солгарди шоир бахшида шуда, дар он президенти Академияи илмҳо Фарҳод Раҳимӣ, мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва кор бо ҷомеа Масрур Абдуллозода, раиси Иттифоқи нависандагони Тоҷикистон Низом Қосим, директорони институтҳои соҳавӣ ва олимону шоирон иштирок ва суханронӣ намуданд.
Масрур Абдуллозода оид ба ҷойгоҳи шоир дар адабиёти тоҷик сухан гуфта, изҳор дошт, ки Шамсиддин Шоҳин аз рӯшанфикрони бедору боҷасорати асри худ буд.
- Аз осори гаронмояи ин суханвари бузург пайдост, ки ӯ бо ғояҳои баланди инсонпарварӣ мехост аз ҳуқуқу озодиҳои раияти заҳматкаш дифоъ намояд. Зеро ҳукуматдорони манғитӣ зулму истибдод-ро ба авҷи аъло расонда буданд. Заминаҳои инқилоби фикриро маҳз аз осори Шоҳин барин шоирон ҷустан равост. Чунки онҳо дар партави андешаҳои фардонигари Аҳмади Дониш дарк карда буданд, ки ҷомеа таҷаддуд ва ривоҷи тоза мехоҳад, - афзуд М. Абдуллозода.
Дар ҳақиқат, Шоҳин дар он замони каҷдорумарез на танҳо бо қалам, балки бо шамшери адолат низ муҷаҳҳаз мешуд. Махсусан, дар асари насрии худ «Бадоеъ - ус - саноеъ» амирону амалдорони даврро сахт зери тозиёнаи танқид гирифт ва камбуду костагиҳои кори эшонро ошкор намуд.
- Шоҳин аз зумраи он шоирон аст, ки ҳамагӣ 35 сол  ё мувофиқи баъзе аз маълумоти дигар, 36 сол умр дид, аммо дар ин муддати кӯтоҳ тавонист мақоми худро дар адабиёти ҳазорсолаи тоҷик таъйин намояд. Мероси гаронбаҳои ӯ – девони ашъор, «Лайлӣ ва Маҷнун», «Туҳфаи дӯстон» ва асари насрии «Бадоеъ - ус - саноеъ» далелҳои маҳками абадияти номи ӯст, - баён кард узви пайвастаи Академияи илмҳои ҷумҳурӣ Ҷӯрабек Назриев.
Бино ба гуфтаи ӯ, Шоҳин бо ғазалҳои марғубу дилошӯб ва тозамаънии хеш афкори ҷадиду рӯҳбахшеро дар зеҳнҳо бедор мекунад. Ғазалиёти ӯ дар заминаи ҳақиқату воқеияти зиндагӣ, шунидаву мушоҳидаҳои инфиродӣ, тахайюли шоирона, ҳикмату фалсафа, мазомини қуръониву аҳодиси набавӣ ташаккул ва ба дилу дидаҳо роҳ ёфтанд.
Аз ибтидои асри бистум то имрӯз беҳтарин оҳангсозони ватанӣ бар матни ашъораш оҳанг баставу устодони шашмақому фалаксаро ғазалҳояшро сурудаанд. Содирхони Ҳофиз, Ҳоҷӣ Абдулазиз, Левӣ Бобохон, Акашариф Ҷӯраев, Фазлиддин Шаҳобов, Маъруфхоҷа Баҳодуров, Барно Исҳоқова, Боймуҳаммад Ниёзов, Абдулло Назриев, Аҳмад Бобоқулов, Одина Ҳошим ва Зафар Нозим аз он ҷумлаанд.
Б. САЛИМОВ,
“Ҷумҳурият”


 


Баёни ақида (0)    Санаи нашр: 23.10.2018    №: 206    Мутолиа карданд: 450
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед