logo

фарҳанг

СЕСАД АСАРИ НОДИРИ ЯК ОСОРХОНА

Осорхонаи ҷумҳуриявии таърихию кишваршиносии ба номи Абуабдуллоҳи Рӯдакии шаҳри Панҷакент тӯли фаъолияти зиёда аз нимасраи хеш барои ҷамъоварӣ ва ҳифзу нигоҳдории нодиртарин осори хаттӣ саҳми муносиб гузоштааст. Маҳз бо саъю кӯшиши пурарзиши ходимони муассиса беҳтарин намунаи осори хаттӣ ҷамъоварӣ шуд.
Соли 1958 қисми зиёди осори хаттӣ аз нахустин осорхонаи таърихию кишваршиносии шаҳри Панҷакент, ки соли 1931 таъсис дода шуда буд, ба осорхонаи навтаъсис интиқол ёфт. Дар натиҷаи таҳқиқу омӯзиш муайян гардид, ки имрӯз дар фонди осорхона, дар маҷмӯъ, 148 номгӯ китобҳои нодир ба забонҳои тоҷикии форсӣ (75 номгӯ), арабӣ (54 номгӯ) ва туркӣ (19 номгӯ), инчунин, 25 номгӯ китобу санадҳои вақфӣ ҳифзу нигоҳдорӣ мешаванд. Аз ин миқдор, 82 номгӯ дастхатҳо ва 66 номгӯи онро нусхаҳои чопӣ ташкил медиҳанд. Ҳамин тариқ, бо назардошти он, ки як қатор ҷилдҳои маҷмӯаҳо, дастхатҳо ва китобҳои чопи сангӣ якчанд асарҳоро дарбар мегиранд, теъдоди умумии осори қадимаи махзани осорхона зиёда аз 300 номгӯст. 
Аксари дастхатҳо дар шаҳрҳои Самарқанду Бухоро бо хати настаълиқи шикаста дар қоғази сафеди қӯқандӣ китобат гардида, нусхаҳои чопи сангӣ дар чопхонаҳои Навлакшури Лакҳнави Ҳиндустон, шаҳрҳои Тошканд ва Қазон табъу нашр гардидаанд. Аз ҷумла, «Таърихи Табарӣ» - и Балъамӣ, «Ҳафт авранг» - и Абдураҳмони Ҷомӣ, «Гулистон» - и Саъдии Шерозӣ, «Хористон» - и Маҷди Хофӣ, «Хамса» - и Низомии Ганҷавӣ, «Ҳидояи шариф» - и Бурҳониддин Алӣ ибни Абубак-ри Марғелонӣ, «Маснавии маънавӣ» ва «Девони кабир» - и Ҷалолиддини Балхӣ,  «Ахлоқи муҳсинӣ» - и Кошифӣ, ғазалиёти Бедил, «Равзат ус - сафо» - и Мирхонд, девонҳои Ҳофиз, Навоӣ ва Қассоб, «Матлаъ ул - улум ва маҷмаъ ул - фунун» - и Воҷид ва дигар осори муътабар маҳфузанд.
Осори хаттии ин хазинаи бебаҳои миллат тамоми мавзӯот, аз қабили мантиқ, тиб ва фалсафа, илми балоғату баён, сарфу наҳв, таърих ва тамаддун, шеъру адаб, дину таълимоти тасаввуф, ахлоқ ва русум ва садҳо мавзӯоти дигарро, ки то ҳоли ҳозир қимат ва арзишҳои илмӣ, таърихӣ ва фарҳангии худро аз даст надодаанд, дар бар мегирад.
Феҳраст аз қисматҳои «Пешгуфтор», «Феҳрасту тавсифи ос ори хаттӣ», «Нусхаҳои аксии осори хаттӣ», «Нишондоди осори хаттӣ» (аз рӯи алифбо) иборат аст.
Нахустин феҳрасти осори хаттӣ ва тавсифи мухтасари дастхатҳо, ки баъд аз баррасӣ ва тасдиқ дар Шӯрои илмии осорхона таҳия ва мураттаб гардидааст, бешак, ба пажӯҳиш, омӯзиши амиқи илмӣ ва муаррифии осори хаттии ниёгонамон мусоидат менамояд.
Умарҷон САИДОВ, Расул РАҶАБОВ,
кормандони осорхона


Баёни ақида (0)    Санаи нашр: 26.10.2018    №: 209    Мутолиа карданд: 520
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед