logo

иқтисод

ТАДБИРҲОИ МУАССИР РОҲАНДОЗӢ МЕШАВАНД

 

Посух ба матлаби «Хатлон. Бефаъолиятии корхонаҳо соҳаи саноатро қафо мекашад!!!», ки 19 июни соли 2019 дар рӯзномаи «Ҷумҳурият» чоп шудааст.

Иттилоъ медиҳем, ки матлаби интиқодии «Хатлон. Бефаъолиятии корхонаҳо соҳаи саноатро ба қафо мекашад!!!» дар ҷаласаи васеи назди раиси ноҳияи Қубодиён мавриди баррасӣ қарор гирифт. Таъкид гардид, ки дар ҳақиқат, иҷрои дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи тараққӣ додани соҳаи саноат ва то ҳадди ниҳоӣ коркард намудани маҳсулоти кишоварзӣ, хусусан пахта, бо назардошти тағйирёбии вазъу талаботи бозори ҷаҳонӣ ва таъмини рушди устувори иқтисодӣ аз ҷумлаи вазифаҳои муҳимтарини рӯз мебошад.
Тибқи нақшаи чорабиниҳои мақомоти иҷроияи ҳокимияти давлатии ноҳия ҷиҳати татбиқи ҳадафи чоруми миллӣ – саноатикунонии босуръати кишвар барои соли 2019, таъсиси 8 корхонаю коргоҳи нави саноатӣ - коргоҳҳои дару тирезаҳои пластикӣ, дӯзандагӣ, қаннодӣ ва корхонаи истеҳсоли хишти бетонӣ тарҳрезӣ шуда буд. Ҳоло корхонаи истеҳсоли хишти бетонӣ, коргоҳҳои дару тирезаҳои пластикӣ, қаннодӣ ва дӯзандагӣ ба фаъолият оғоз намуда, маҳсулот истеҳсол мекунанд.
Дар нимсолаи аввали соли равон ҳаҷми истеҳсоли маҳсулоти саноатӣ ба 49,3 миллион сомонӣ расонда шуд, ки назар ба ҳамин давраи соли гузашта 3,7 дарсад зиёд буда, 50 дарсади дурнамои солонаро ташкил медиҳад.
Аз 24 корхонаи саноатии ноҳия 7 корхона бинобар сабаби надоштани ашёи хом ва мавсимӣ будан фаъолият накард ва 2 корхона аз сабаби муфлисшавӣ фаъолияташро қатъ намуд. Барои бунёди корхонаҳои хурди истеҳсолӣ ва барқарорсозии иқтидори корхонаҳо мушкили асосӣ ҷудо нагардидани маблағҳои қарзӣ бо фоизи паст барои дастгирии соҳибкорон аз тарафи бонкҳо ва ташкилотҳои қарздиҳӣ мебошад.
Дар ноҳия ду корхонаи дӯзандагӣ - «Мавлуда» ва «Мастура Авезова» дар самти таъмин намудани хонандагон бо либоси ягонаи мактабӣ  фаъолият дошта, дар нимсола 8340 дона (комплект) либоси мактабӣ истеҳсол кардаанд, ки нисбат ба ҳамин давраи соли гузашта 4840 адад зиёд аст.
Барои истиқболи сазовори Ҷашни 30 – солагии Истиқлолияти давлатии Ҷумҳурии Тоҷикистон ва иҷрои Амри Президенти Ҷумҳурии Тоҷикистон аз 22 майи соли 2018 дар ин бора нақшаи чорабиниҳои мақомоти иҷроияи маҳаллии ҳокимияти давлатии ноҳия тасдиқ шудааст, ки бунёду навсозии 149 иншоотро фаро мегирад.
Дар ин радиф, тибқи нақша, бунёди 8 коргоҳи дӯзандагӣ, ду дукони ҳунарҳои мардумӣ, ду коргоҳи дӯхти либосҳои мактабӣ ва коргоҳи омӯзиши адрасбофӣ тарҳрезӣ шудааст.
То ин муддат 3 коргоҳи дӯзандагӣ, коргоҳи дӯхти либоси мактабӣ ва як дукони ҳунармандӣ бунёд гардида, мавриди баҳрабардорӣ қарор доранд.
Мақомоти иҷроияи ҳокимияти давлатии ноҳияи Қубодиён баҳри иҷрои дастуру супоришҳои Сарвари давлат муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон, рушди иҷтимоию иқтисодии ноҳия, ислоҳи камбудиҳои ҷойдошта, хусусан дар самти ба кор андохтани корхонаҳои аз фаъолият бозмонда, бо истифода аз имконияту захираҳои мавҷуда чораҳои муассири амалӣ меандешад.  
Зафар ФАЙЗУЛЛОЗОДА, раиси ноҳияи Қубодиён


Баёни ақида (0)    Санаи нашр: 18.08.2019    №: 158    Мутолиа карданд: 936
03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД


Дар сомонаҳои дигари Тоҷикистон хонед