logo

ҳуқуқ

"ҲАЛНОМАИ БАҲСБАРАНГЕЗ Ё ҲАҚ БА ҶОНИБИ КИСТ?"

Суди Олии Ҷумҳурии Тоҷикистон матлаби шаҳрвандон Олимшо Ҳазараев ва Шодмон Ҳазараевро, ки таҳти унвони «Ҳалномаи баҳсбарангез ё ҳақ ба ҷониби кист?» 26 ноябри соли 2019 дар рӯзномаи «Ҷумҳурият» нашр шудааст, дар якҷоягӣ бо маводи парвандаи гражданӣ мавриди омӯзиш қарор дод.
Дар натиҷа муайян гардид, ки бо ҳалномаи суди ноҳияи Шоҳмансури шаҳри Душанбе аз 16 ноябри соли 2018 аризаи даъвогии Диловаршо Ҳазараев дар бораи барқарор намудани муҳлати даъво, беэътибор донистани шартномаи харидуфурӯши манзили истиқоматӣ аз 26 марти соли 1993, таҳти № 9Д-938, ки байни М. Я. Безродная ва Олимшо Ҳазараев баста шудааст, инчунин, беэътибор донистани шартномаи харидуфурӯши манзили истиқоматӣ аз 15 сентябри соли 2006, таҳти № 1111- 1174, ки байни Олимшо Ҳазараев ва Шодмон Ҳазараев ба расмият дароварда шудааст, эътирофи ҳуқуқи соҳибмулкии Диловаршо Ҳазараев ва кӯчондани Олимшо ва Шодмон аз манзили баҳсӣ бидуни додани хонаи дигари истиқоматӣ қонеъ шудааст. Зимнан, аризаи Шодмон Ҳазараев оид ба татбиқи муҳлати даъво нисбат ба парвандаи мазкур рад гардидааст.
Аз болои ҳалномаи суд О. Ҳазараев ва Ш. Ҳазараев шикояти кассатсионӣ пешниҳод намудаанд, ки бо қарори коллегияи судӣ оид ба парвандаҳои граждании суди шаҳри Душанбе аз 17 апрели соли 2019 он бетағйир ва шикояти кассатсионӣ беқаноат мононда шудааст.
Аз ҳолатҳои кор бармеояд, ки Диловаршо Ҳазараев аз М. Я. Безродная манзили истиқоматии баҳсиро харидорӣ намуда, онро 26 марти соли 1993 ба номи бародараш Олимшо Ҳазараев ба расмият дароварда, маслиҳат кардаанд, ки баъдан манзили баҳсиро ба номи Диловаршо Ҳазараев ҳуҷҷатгузорӣ менамоянд.
Ҳангоми дар Федератсияи Россия қарор доштани Д. Ҳазараев бародараш Олимшо Ҳазараев, тибқи шартномаи хариду фурӯш аз 15 сентябри соли 2006, таҳти № 1111 - 1174, манзили истиқоматиро ба номи ҷиянаш Шодмон Ҳазараев гузарондаст. Сипас, Олимшо ва Шодмон Ҳазараевҳо манзили истиқоматиро ба мағоза табдил додаанд.
Бо ҳамин асосҳо байни Ҳазараевҳо баҳс пайдо шуда, Д. Ҳазараев 15 июли соли 2016 ба суд бо аризаи даъвогӣ дар бораи барқарор намудани муҳлати даъво, беэътибор донистани шартномаҳои харидуфурӯш ва эътирофи ҳуқуқи соҳибмулкӣ ба хонаи истиқоматии баҳсӣ, инчунин, кӯчондани Олимшо ва Шодмон Ҳазараевҳо аз манзили мазкур муроҷиат кардааст.
Суди ноҳияи Шоҳмансур бо далелҳои боэътимод муайян кардааст, ки манзили истиқоматии баҳсиро Диловаршо Ҳазараев харида, муваққатан ба номи бародараш Олимшо Ҳазараев ва охирин онро бо мақсади барнагардондани манзили истиқоматӣ ба Диловаршо Ҳазараев ба номи ҷиянаш - Шодмон Ҳазараев гузарондааст.
Тибқи талаботи қисми 1 моддаи 195 Кодекси граждании Ҷумҳурии Тоҷикистон, аҳди рӯякӣ, яъне аҳде, ки танҳо рӯякӣ, бидуни нияти барои он бунёд намудани оқибати дахлдори ҳуқуқӣ баста шудааст, эътибор надорад. Бо назардошти ин муқаррарот суд аризаи даъвогии Д. Ҳазараевро қонеъ намуда, шартномаҳои харидуфурӯши байни М. Я. Безродная ва Олимшо Ҳазараев, Шодмон Ҳазараев барасмият даровардашударо беэътибор донистааст.
Ваҷҳи дар муроҷиати Олимшо ва Шодмон Ҳазараевҳо дарҷгардида оид ба он, ки суди марҳилаи якум муҳлати даъвои Д. Ҳазараевро ғайриқонунӣ барқарор кардааст, бо асосҳои зерин қобили қабул нест:  Тибқи талаботи қисми 2 моддаи 224 Кодекси гражданӣ, ҷараёни муҳлати даъво аз рӯзе, ки шахс огоҳ гардидааст ё мебоист аз вайрон гардидани ҳуқуқаш огоҳӣ меёфт, оғоз мегардад. Мувофиқи моддаи 229 ҳамин кодекс, дар ҳолатҳое, ки суд сабаби гузарондани муҳлати даъворо узрнок эътироф кунад, ҳуқуқи вайронгардидаи шаҳрванд бояд ҳифз шавад.
Тавре аз далелҳои  парванда бармеояд, Диловаршо Ҳазараев дар Федератсияи Россия қарор дошта, аз вайрон гардидани ҳуқуқҳояш соли 2016 огоҳ гардида, худи ҳамон сол, яъне 15 июли соли 2016 ба суд бо даъво муроҷиат кардааст.
Бояд зикр кард, ки Олимшо Ҳазараев ва Шодмон Ҳазараев нисбат ба санадҳои судии дар боло зикргардида ба марҳилаи назоратии суди шаҳри Душанбе ва Суди Олӣ шикоятҳои назоратӣ пешниҳод намудаанд. Бинобар беасос будан шикоятҳояшон беқаноат мононда шуда, ба онҳо ҷавобҳои муфассал ирсол гардидааст. Ҳангоми омӯзиши такрорӣ низ барои овардани эътирози назоратӣ ҷиҳати тағйир додан ва ё бекор кардани санадҳои судӣ асос дарёфт нагардид.

А. ИСҲОҚӢ, муовини раиси Суди Олии  Ҷумҳурии Тоҷикистон


Баёни ақида (0)    Санаи нашр: 19.12.2019    №: 241 - 242    Мутолиа карданд: 402
07.05.2021


13 МАЙ – РӮЗИ ИДИ САИДИ ФИТР

ИСТАРАВШАН. ЁРИПУЛИИ ПЕШВОИ МИЛЛАТ БА ИШТИРОКЧИЁНИ ҶБВ

СУҒД. ЗАХМИҲОИ ДАРГИРИҲОИ МУСАЛЛАҲОНА ЁРИПУЛӢ ГИРИФТАНД

Ч О Р К Ӯ Ҳ. ОҚИБАТҲОИ МУНОҚИШАИ МАРЗӢ БАРТАРАФ МЕГАРДАНД

06.05.2021


ИСФАРА. КУМАКИ ПЕШВОИ МИЛЛАТ БА ОИЛАҲОИ ШАХСОНИ ФАВТИДА

ЁРИПУЛИҲО БА СОБИҚАДОРОНИ ҶАНГИ БУЗУРГИ ВАТАНӢ

ДЕВОНИ ДУШАНБЕ - ТОШКАНД

ТАВОНОИИ НЕРУГОҲИ БАРҚИ ОБИИ “ҚАЙРОҚҚУМ” БА 176 МЕГАВАТТ МЕРАСАД

ИСТИҚЛОЛ. КӮДАКИСТОНИ ЗАМОНАВӢ БУНЁД МЕШАВАД

“ШАБЕ ДАР ОСОРХОНА”

Изҳороти G7 оид ба тағйирёбии иқлим

Ҷаҳон дар як сатр

ЛИГАИ ОЛӢ

05.05.2021


ШАҲРИ ТУРСУНЗОДА. ТАҚДИМИ КИТОБИ «ТОҶИКОН»

Байден бо Путин вомехӯрад?

ҶАҲОН ДАР ЯК САТР

ТЕКБОЛ. ФЕДЕРАТСИЯИ НАВ ДАР ФАЗОИ ВАРЗИШИИ КИШВАР

«МИЛЛАТЕ МЕЗИСТ ДАР РӮИ ЗАМИН»

ИСФАРА.ВОХӮРӢ БО СОКИНОНИ ДЕҲОТИ ВОРУХ, ЧОРКӮҲ ВА ХОҶАИ АЪЛО

ТОҶИКИСТОН ДАР МИЁНИ СММ ВА СҲШ МАСИРИ НАВИ ҲАМКОРӢ КУШОД

ТИБ ВА ДУРНАМОИ РУШДИ СОҲА. НУФУЗИ БАЙНАЛМИЛАЛИИ ДДТТ БОЛО МЕРАВАД

G7 15 МИЛЛИАРД ДОЛЛАРИ ИМА БАРОИ ТАЪЛИМИ ДУХТАРОН ҶУДО МЕНАМОЯД

ҶАҲОН ДАР ЯК САТР

ЛИГАИ ОЛӢ

САНГВОР. ОМОДАГӢ БА ҶАШНИ МИЛЛӢ ДАР НИГИНИ КӮҲИСТОНИ ТОҶИК

03.05.2021


ҶАЛАСАИ ҲАЙАТҲОИ ҲУКУМАТӢ ОИД БА ДЕЛИМИТАТСИЯ ВА ДЕМАРКАТСИЯИ САРҲАДИ ДАВЛАТӢ

ХУБ ШУД, КИ ЗАН БА ДАВЛАТ ЁР ШУД...

ҲИФЗИ МЕҲНАТ. МУШКИЛЕ, КИ ҲАЛТАЛАБ БОҚӢ МЕМОНАД

САД РАНГИ ЧАКАН

ФУТБОЛ

30.04.2021


БАРРАСИИ ДОИРАИ ВАСЕИ ҲАМКОРИҲОИ ТОҶИКИСТОНУ БОНКИ ҶАҲОНӢ

ПАРЛУМОН. ЧАҲОР ВАКИЛИ НАВ САВГАНД ЁД КАРД

ДДХ. ОҒОЗИ ОЗМУНИ ҶУМҲУРИЯВИИ ”ИЛМ – ФУРӮҒИ МАЪРИФАТ”

28.04.2021


ҶАЛАСАИ ШӮРОИ ВАЗИРОНИ МУДОФИАИ КИШВАРҲОИ УЗВИ СААД БАРГУЗОР ГАРДИД

ИММУНИЗАТСИЯ. ВАКСИНАҲО МОРО БО ҲАМ НАЗДИК МЕКУНАНД


Дар сомонаҳои дигари Тоҷикистон хонед