logo

туризм

САЙЁҲӢ. СОҲАЕ, КИ МОРО НОМ ВА НОН МЕДИҲАД

Табиати Тоҷикистон ва ёдгориҳои табииву таърихии кишвари   азизи   мо барои ҷалби сайёҳон ва рушди соҳаи сайёҳӣ хеле мувофиқ мебошад. Бо назардошти ин, моҳи декабри соли 2017 Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018-ро Соли рушди сайёҳӣ ва ҳунарҳои мардумӣ эълон карданд. Ин иқдом барои муаррифии имкониятҳои сайёҳии кишвар ва ҷалби бештари сайёҳони хориҷӣ шароити мусоид фароҳам овард. Бинобар ин, барои вусъат бахшидани ҳалли масъалаҳои рушди сайёҳӣ, инкишофи   инфрасохтори деҳот, аз ҷумла беҳзистии мардуми деҳот ва маҳали аҳолинишин аз ҷониби Президенти Ҷумҳурии Тоҷикистон муҳтарам Эмомалӣ Раҳмон солҳои 2019-2021 - Солҳои рушди деҳот, сайёҳӣ ва ҳунарҳои мардумӣ эълон гардид. Мақсади ин иқдоми Сарвари давлат боз ҳам тараққӣ додани соҳаи сайёҳӣ ва муаррифии ҳунару фарҳанги миллӣ дар арсаи байналмилалӣ мебошад.
Айни ҳол сайёҳӣ яке аз соҳаҳои бо суръат тараққикунандаи хоҷагии халқи Тоҷикистон ба шумор меравад. Рушди сайёҳӣ соҳаҳои дигари иқтисодиётро инкишоф дода, барои бунёди ҷойҳои нави корӣ мусоидат мекунад. Инчунин, сайёҳӣ воридшавии асъори хориҷиро ба ҷумҳурӣ вусъат медиҳад, ки боиси ғанӣ гардидани буҷети мамлакат мегардад. Аҳамияти   дигари рушди соҳа дар он аст, ки барои пешрафти соҳаҳои хизматрасонӣ - нақлиёт, алоқа, савдо ва хӯроки умум таъсири мусбат мерасонад.
Ҳоло дар тамоми минтақаҳои ҷумҳурӣ иншооти зиёди сайёҳӣ аз қабили муассисаҳои санаторию истироҳатӣ, меҳмонхонаҳо ва пойгоҳҳои сайёҳӣ мавҷуданд. Агар то соли 1992 дар Тоҷикистон ҳамагӣ ду ширкати сайёҳӣ фаъолият мекард, пас ин шумора ҳоло зиёда аз дусад адад буда, дар ҳоли зиёдшавӣ қарор дорад.
Сайёҳии кӯҳнавардӣ, сайёҳии варзишӣ, сайёҳии таърихӣ ва этнографӣ, лижаронӣ, сайёҳии экологӣ, шиноварӣ дар дарёҳои кӯҳӣ, сайёҳии шикорӣ, тиббӣ, самтҳои ояндадори соҳаи сайёҳӣ дар ҷумҳурии мо маҳсуб меёбанд.
Зиёда аз 93 фоизи сарзамини кишвари моро кӯҳсор ишғол кардааст, ки дар онҳо 85000 пирях мавҷуд аст. Манзараҳои зебои кӯҳӣ, дарёҳои пуртуғён, қуллаҳои баланди қаторкӯҳҳои кишвар ба сайёҳии кӯҳнавардӣ шароити мусоид фароҳам меоранд. Баландиҳои зиёда аз 3000 метр 6 фоизи масоҳати Тоҷикистонро ташкил медиҳанд. Бо мақсади пешгирии ҳодисаҳои нохуш ва таъмини бехатарии сайёҳон дар ҷумҳурии мо мавзеъҳои муайяни сайёҳӣ интихоб шудаанд. Дар ин мавзеъҳо шахсони масъул мувофиқи реҷаи махсуси корӣ фаъолият мекунанд. Дар Тоҷикистон чашмаҳои зиёди маъданӣ мавҷуданд, ки дар аксари онҳо иншооти истироҳатӣ бунёд гардидаанд. Гармчашма, Шоҳамбарӣ, Оби гарм, Зумрад, Ҳавотоғ, Явроз ва Хоҷаобигарм машҳуртарин иншооти табобативу истироҳатии кишвари мо ба шумор мераванд. Фарҳанги бою ғанӣ, урфу одат, таърихи қадими аҷдодон ба мо мероси гаронбаҳо боқӣ гузоштаанд. Дар ин шакли сайёҳӣ меҳмонон ба осорхонаҳо, шаҳракҳои бостонӣ ва тарзи зисту зиндагонии халқиятҳои гуногун шинос мешаванд. Ба ҳайвонҳои шикории кишвари мо, асосан хуки ваҳшӣ, харгӯш, рӯбоҳ, бузи кӯҳӣ, архар, оҳу ва ғайра дохил мешаванд. Мутахассисон ҳисоб карданд, ки агар имкониятҳои сайёҳии шикори Тоҷикистонро дуруст истифода   баранд, ҳар сол чандин миллион доллар ба хазинаи кишвари мо ворид   мешавад.
Сайёҳӣ омили беҳтарини баландшавии эътибори мамлакат, аҳамияти он дар ҷомеаи ҷаҳонӣ ба ҳисоб меравад. Дар Тоҷикистон соҳаи сайёҳӣ зери таваҷҷуҳи бевоситаи Президенти мамлакат муҳтарам Эмомалӣ Раҳмон қарор дорад. Ин ҷиҳат мутмаин месозад, ки сайёҳӣ рӯ ба беҳбудӣ мениҳад ва ҳар сайёҳи аз Тоҷикистон боздидкарда аз табиати зебову мардуми меҳмондӯсти он мутаассир мегардад.

Холмурод МУСОЕВ,
омӯзгори калони кафедраи методикаи таълим
дар муассисаҳои томактабӣ ва миёнаи умумии Донишкадаи ҷумҳуриявии такмили ихтисос ва
бозомӯзии кормандони соҳаи маориф


Баёни ақида (0)    Санаи нашр: 13.04.2020    №: 72    Мутолиа карданд: 2303
19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД


Дар сомонаҳои дигари Тоҷикистон хонед