logo

туризм

РУШДИ САЙЁҲӢ - РУШДИ ИҚТИСОДИЁТИ ДЕҲОТ

Тоҷикистон барои амалисозии лоиҳаи «Рушди иқтисодиёти деҳот» аз Ассотсиатси байналмилалии рушд (Гурӯҳи Бонки ҷаҳонӣ) маблағи грантӣ ба даст овард. Тавре Кумитаи рушди сайёҳӣ иттилоъ медиҳад, лоиҳаи мазкур дар партави сиёсати созандаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади рушди соҳаи сайёҳӣ, аз ҷумла инфрасохтори соҳа дар деҳоти мамлакат роҳандозӣ мегардад.

Тибқи иттилои Вазорати молияи Ҷумҳурии Тоҷикистон, Ассотсиатсияи байналмилалии рушд барои амалисозии лоиҳаи «Рушди иқтисодиёти деҳот» ба Тоҷикистон 30 миллион доллари ИМА грант ҷудо менамояд. 
Лоиҳа давоми солҳои 2020-2023 амалӣ шуда, ба афзоиши даромади аҳолии деҳоти вилояти Хатлон ва ВМКБ тавассути рушди сайёҳӣ ва тиҷорати кишоварзӣ мусоидат мекунад. Қисми дуюми лоиҳаро рушди инфрасохтори деҳот ташкил медиҳад, ки ба пешрафти сайёҳӣ дар ин минтақаҳои кишвар равона шудааст.
Лоиҳа, ба рушди се самти сайёҳӣ аҳамият медиҳад. Аввалан, ҳифз, барқарорсозӣ ва тиҷоратикунонии якчанд объектҳои асосии фарҳангӣ ва таърихӣ. Сониян, навсозии инфрасохтори маҳаллӣ, аз қабили марказҳои фарҳангӣ, осорхонаҳо, ташкили ҷашнвораҳо ва дигар чорабиниҳо. Ахиран, дастгирии Ҳукумат ҷиҳати пешбурди Тоҷикистон дар бозори ҷаҳонӣ. 
- Ҳудуди 15 миллион доллари лоиҳаи «Рушди инфрасохтори деҳот»  ба соҳаи сайёҳӣ равона мегардад, - гуфт Абдукарим Қурбонов, сармутахассиси Кумитаи рушди сайёҳӣ. Ба гуфтаи ӯ, бо сарфи ин маблағҳо мавзеъҳои сайёҳии вилояти Хатлон ва Вилояти Мухтори Кӯҳистони Бадахшон, назири қалъаҳои Ямчуну Ҳулбук, мадрасаи Хоҷа Машҳад ва маҷмааи Чилучорчашма таҷдиду барқарор шуда, дар гирду атрофи онҳо инфрасохтори ёрирасони сайёҳӣ бунёд мегардад. Дар натиҷа, ин мавзеъҳои сайёҳӣ ба объектҳои сайёҳӣ табдил ёфта, минбаъд ба сифати объекти сайёҳӣ муаррифӣ мешаванд.  
Бино ба гуфтаи Шамсулло Салимзода, мудири шуъбаи сайёҳии вилояти Хатлон, сабаби интихоб шудани маҳз ҳамин объектҳо барои барқароршавӣ, диққати бештари сайёҳон ба онҳо мебошад. Яъне, ҳангоми сафар ба вилояти Хатлон, сайёҳон ҳатман аз ин мавзеъҳои сайёҳӣ дидан мекунанд. Бино ба гуфтаи ӯ, ин мавзеъҳои сайёҳӣ таъмиру барқарор шуда, дар гирду атрофи онҳо фаввораҳо, суҳбаткадаҳо, марказҳои дилхушӣ, хӯроки умум ва дигар иншооти ёрирасони соҳа сохта мешаванд.
Тавре Ш. Салимзода иброз дошт, барои амалисозии лоиҳа, аллакай, координаторҳо интихоб шудаанд. Онҳо масъалаи амалишавии лоиҳа, ҳисоби маблағҳои сарфшаванда ва дигар корҳои вобаста ба амалишавии лоиҳаро дар вилояти Хатлон ва Вилояти Мухтори Кӯҳистони Бадахшон бар уҳда доранд. 
Лоиҳа, инчунин, ҷудо кардани грантҳои эквивалентӣ (мувофиқаткунанда)-ро барои беҳтар кардани инфрасохтори сайёҳӣ ва бозорҳои кишоварзӣ дар маҳалҳо пешбинӣ менамояд. Аз ҷумла, ба хонаҳои оилавӣ, тарабхонаҳо, туроператорҳо ҷиҳати беҳтар намудани сифати хонаҳои онҳо, хизматрасонӣ ва маҳсулот, ҳамчунин, нисбатан диққатҷалбкунанда гардондани онҳо барои сайёҳон маблағҳо пешбинӣ гардидаанд. Масалан, соҳиби хонаи оилавӣ барои беҳтар кардани шароити беҳдоштӣ метавонад аз грант истифода барад.
Бо назардошти он ки 70 дарсади аҳолии Тоҷикистон ҷавонони то 30-сола мебошанд, соҳаи сайёҳӣ манбаи хуби таъсиси ҷойҳои корӣ барои аҳолии афзоянда мебошад.
Лоиҳаи «Рушди сайёҳии деҳот» тавассути маблағгузории соҳаи сайёҳӣ ва тиҷорати кишоварзӣ дар вилояти Хатлону ВМКБ маҳз ба афзоиши даромадҳои аҳолии маҳаллӣ равона шудааст.
Мавриди татбиқ қарор гирифтани лоиҳаи грантӣ оид ба «Рушди иқтисодиёти деҳот» бо фарогирии рушди соҳаи сайёҳӣ ва инфрасохтори он барои фароҳам овардани шароити мусоиди қабули сайёҳон шаҳодати ҳамкориҳои самаранок бо ниҳодҳои байналмилалии молиявӣ ва сармоягузорони хориҷӣ мебошад.
Лоиҳа ба таъсиси ҷойҳои корӣ, ба даст овардани фоида ва коҳиши бекорӣ, махсусан барои занҳо, ҷавонон ва муҳоҷирони баргаштаистода, ки ба гурӯҳи нисбатан ниёзманд дар вилояти Хатлон ва Вилояти Мухтори Кӯҳистони Бадахшон дохил мешаванд, равона шудааст. 
Чи қадаре ки дар ин ҷойҳо сайёҳон бештар бошанд, ҳамон андоза даромад ва шуғлнокии аҳолӣ  зиёд мешавад. Маҳз ҳамин аст мақсади ниҳоии лоиҳа.

Ш. ҚУРБОН, “Ҷумҳурият”


Баёни ақида (0)    Санаи нашр: 26.08.2020    №: 162    Мутолиа карданд: 1020
19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД


Дар сомонаҳои дигари Тоҷикистон хонед