logo

иқтисод

«ҶУМҲУРИЯТ». ТАТБИҚИ ТАҶРИБАИ НАВ

Дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бобати то 40 дарсад афзун намудани майдони кишти картошка аз ҷониби аҳли заҳмати кишвар аз истиқболи гарм бархӯрдор шуд. Шояд нафарони огоҳ, аллакай, медонанд, ки танҳо дар ноҳияи Нуробод кишти ин навъи зироати ниёзи аввал аз 700 гектари қаблӣ наздик ба 2000 гектар расонда шуд.
Вале гап сари амали дигари созандаест, ки низ аз дастурҳои Пешвои муаззами миллат сарчашма гирифтаву бо мусоидати мақомоти иҷроияи маҳаллии ҳокимияти давлатии ноҳияи Нуробод самаровар шудааст. Дар асл аҳли қалами рӯзномаи «Ҷумҳурият» ҳеҷ бовар надоштанд, ки кор то ин ҳад барор мегирад. Вақте барои ҷудо намудани қитъаи замин ба раиси ноҳия муроҷиат карданд, ҳатто тухмии картошка дар ихтиёр надоштанд. Вале чун дархосташон ҷавоби мусбат ёфт, дар муддати хеле кӯтоҳ камари ҳиммат баста, дар 1,5 гектар замини соҳили дарёи Сурхоб чун таҷрибаи аввалин картошка шинонданд ва аз ҳисоби даромадҳои иловагии идораи рӯзнома барои нигоҳубини «хоҷагии деҳқонӣ» бо чанд нафар аз кормандони маҳаллӣ шартномаи мавсимӣ бастанд...
Вақт чун хоб ширину тезгузар аст, ки имрӯз, аллакай, гурӯҳе аз кормандони рӯзнома барои ғундоштани дастранҷи аввалини худ ба ноҳияи Нуробод омаданд. Рӯзи дуюми ҳосилғундорӣ аз мақомоти ноҳия чанд нафар бо роҳбарии худи раис Ҳасан Дӯстзода ва аз хоҷагиҳои ҳамсоя боз чандин нафари дигар ба ёрдами деҳқонжурналистони «Ҷумҳурият» сари замин ҳозир шуданд. Боз ҳам мусоидати ноҳиядорон буд, ки трактори картошкачин ҳам субҳи саҳар чун мушкилкушо дар «хоҷагии деҳқонӣ»-и «Ҷумҳурият» ҳозир шуд. Танҳо тамошои ҳамин манзара кофист, то дарк  намоем, ки ҳар як таъкиди Пешвои муаззам созандаву дурандешона аст, бахусус, вақте мегӯянд, ки «кори иҷро намешудагӣ нест, фақат завқ доштан лозим…». Воқеан, ҳамин завқи баланди дуҷониба буд, ки дар як лаҳза халтаҳои картошкаи тару тоза заминро ҷомаи сафед пӯшонданд. Тибқи ҳисоби тахминии деҳқонони соҳибтаҷриба то нисфирӯзӣ, аллакай, беш аз 5 тонна картошкаи «Ҷумҳурият» ҷамъоварӣ шуда буд. Нимаи дуюми рӯз то омадани мошини боркаш ҳосили қисми боқимондаи замин ҳам аз баракати ҳашар ғундошта шуду хурсандии ҳар ду ҷониб ҳадду канор надошт. Боз ҳам ба ҳисоби деҳқонони нурободӣ журналистони «Ҷумҳурият» қариб 10 тонна ҳосил гирифтаанд, ки бо назардошти номусоидии боду ҳаво, аниқтараш бориши аз меъёр зиёди имсола ва низ бетаҷрибагӣ, дастоварди хуби хуб аст.
Хуллас, субҳи рӯзи душанбе нахуст-дастранҷи аҳли эҷоди рӯзномаи рақами 1-и кишвар ба ҳар як нафар корманд ба миқдори 50 килограмм ва низ ройгон тақсим гардид. Як қисми дигари ҳосил бо арзиши 2 сомонӣ барои 1 килограмм ба хоҳишмандони дигари нашриёти «Шарқи озод» пешниҳод шуд. Роҳбарияти рӯзнома азм дорад, ки аз ҳисоби даромад, аллакай, барои мавсими нав тухмии хушсифат дастрас намуда, дар партави сиёсати ояндасози муассисони худ Президенти Ҷумҳурии Тоҷикистон ва Ҳукумати Ҷумҳурии Тоҷикистон ҷиҳати боз ҳам беҳтар намудани аҳволи иҷтимоии аҳли эҷод ин таҷрибаро бомаром идома диҳад. 
АЗ ИДОРА: Роҳбарият ва аҳли эҷоди рӯзнома дар шахси раиси ноҳия ба ҳамаи онҳое, ки дар татбиқи нахустин таҷриба ба мо дасти ёрӣ дароз намуданд, сидқан изҳори сипос менамояд.

Дилшод АМИРОВ, «Ҷумҳурият»


Баёни ақида (0)    Санаи нашр: 07.10.2020    №: 197    Мутолиа карданд: 411
27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд

АЗ НИШАСТҲОИ МАТБУОТӢ

15.07.2021


347 шаҳрванди Афғонистон дар Тоҷикистон паноҳ бурд

АЗ НИШАСТҲОИ МАТБУОТӢ

БОЗИҲОИ ОЛИМПИИ ТОКИО – 2020

Сухане чанд дар бораи СҲШ

Ҷаҳон дар як сатр

14.07.2021


Мулоқоти вазирони корҳои хориҷии Тоҷикистон ва Покистон

Аз нишастҳои матбуотӣ


Дар сомонаҳои дигари Тоҷикистон хонед