logo

туризм

САЙЁҲӢ. ПЕШ АЗ ҲАМА МАРДУМ ФОИДА БА ДАСТ МЕОРАД

Дар ҷаҳон аз ҳисоби фоидаоварӣ баъди нафт ва доруворӣ соҳаи сайёҳӣ ҷои сеюмро ишғол менамояд. Ба ҳисоби миёна ҳар як доллари дар бахши сайёҳӣ сарфшуда ба соҳаҳои дигари алоқаманд се доллар фоида оварда, инчунин аз ҳар як доллари харҷшуда 91 сенти он дар иқтисоди ватанӣ боқӣ мемонад.  Тибқи маълумоти Созмони ҷаҳонии сайёҳӣ, даромади ҳарсола аз туризм, тақрибан, 10 дарсади маҷмӯи маҳсулоти дохилии ҷаҳонро ташкил медиҳад.

Бо назардошти ин маънӣ ва баҳри тараққӣ додани соҳаи сайёҳӣ,  омода кардани кадрҳои болаёқат соли 2017 дар кишвар Кумитаи рушди сайёҳии назди Ҳукумати Ҷумҳурии Тоҷикистон таъсис ёфт. Дар муддати кӯтоҳ кумита бисёр корҳои назаррасро ба анҷом расонд. Масалан, бо ташаббус ва дастгириҳои кумита ширкатҳои сайёҳии ватанӣ ба бозори сайёҳии ҷаҳонӣ роҳ ёфта, дар ярмаркаҳои сайёҳии ҷаҳонӣ ба монанди “ITB-Берлин” (Олмон) “МИТТ” ва “Интурмаркет” (Федератсияи Россия), “Топ Реса” (Фаронса), “JATA Япония” (Япония) Намоишгоҳи байналмилалии сайёҳии Рим (Италия) ва ғайра ширкат варзида, дар форумҳою намоишгоҳҳои дуҷонибаи сайёҳии Тоҷикистону Корея, Тоҷикистону Малайзия, Тоҷикистону Қатар,  форумҳои сармоягузорию сайёҳии Тоҷикистону Арабистони Саудӣ, Тоҷикистону  Ӯзбекистон ва монанди инҳо имкониятҳои сайёҳии кишварро муаррифӣ намуданд. Иштирок дар ярмаркаҳо ва намоишгоҳҳо ба ширкатҳои сайёҳии ватанӣ имкон дод, ки мавзеъҳои туристии кишварро таблиғ намуда, ҳамкориро бо ширкатҳои хориҷӣ густариш диҳанд. 
Баҳри ривоҷу равнақи сайёҳӣ Ҳукумати Ҷумҳурии Тоҷикистон тадирҳои зарурӣ меандешад ва дар ин ҷода имтиёзҳои андозӣ ҷорӣ шудаанд. Аз  ҷумла, барои бунёди иншоотҳои сайёҳӣ воридоти таҷҳизоту техника ва маводи сохтмон аз андоз аз арзиши иловашуда ва боҷи гумрукӣ, ширкатҳои навтаъсис дар 5 соли фаъолият аз андози фоида озод шудаанд. Натиҷаи фароҳам овардани имтиёзҳо имкон дод, ки соли 2018 75 ширкати нави сайёҳӣ таъсис ёфта, соли 2019 теъдоди онҳо ба 215 адад расад.
Соҳаи сайёҳӣ ва ҳунарҳои мардумӣ бо ҳам алоқаи зич доранд. Асосан, харидорони маҳсулоти дастии мардумӣ сайёҳони хориҷӣ мебошанд. Аз ин рӯ, рушди соҳаи сайёҳӣ – ин рушди ҳунарҳои мардумӣ  низ мебошад. Ба ин хотир, бо мақсади ҳавасмандгардонии аҳолӣ, аз 1 январи соли 2018 фурӯши маҳсулоти ҳунарҳои мардумӣ аз андозбандӣ озод гардид. Ин имконият медиҳад, ки маҳсулоти ҳунарҳои дастӣ ба бозорҳои ҷаҳонӣ роҳ ёбанд ва манбаи даромади иловагӣ гарданд.
Сарзамин ва табиати нотакрори Тоҷикистон барои ҷалби сайёҳони хориҷӣ имкониятҳои зиёд дорад ва моро мебояд аз он самаранок истифода барем. Бешубҳа, дар ояндаи наздик барпо кардани саноати сайёҳӣ метавонад миллионҳо сайёҳро ба кишвари мо ҷалб намояд ва яке аз самтҳои асосии тараққиёти иқтисодии ҷумҳурӣ гардад.
     
Изатулло ЗОКИРЗОДА,
сардори шуъбаи иҷозатномадиҳии
Кумитаи рушди сайёҳӣ
 


Баёни ақида (0)    Санаи нашр: 07.10.2020    №: 197    Мутолиа карданд: 665
19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД

ҶАҲОН ДАР ЯК САТР

ДУШАНБЕ. ОЗМУНИ МАЪРИФАТАФЗО ҶАМЪБАСТ ШУД

БМТ АЗ ИҚДОМИ НАҶИБИ САРВАРИ ДАВЛАТ ҶОНИБДОРӢ КАРД

07.01.2021


ДАНҒАРА. ВУСЪАТИ КОРҲОИ НИҲОЛШИНОНӢ

ВАРЗИШ

САТҲИ ҶАҲОНИИ ФАҚР БОРИ АВВАЛ ДАР 22 СОЛИ ОХИР БОЛО РАФТ

ҶАҲОН ДАР ЯК САТР

РУЙДОДҲОИ ИЛМӢ

06.01.2021


ТАҚДИМИ ТЕХНИКА БА КИШОВАРЗОНИ НОҲИЯҲОИ ДЕВАШТИЧ ВА ШАҲРИСТОН

СУҒД. 92 ИНШООТИ ТАНДУРУСТӢ БА ИСТИФОДА ДОДА ШУД

ҲАР КӢ ХАНДОНАД ЯТИМИ ХАСТАРО...

ПУТИН ВА МЕРКЕЛ МАСЪАЛАИ ИСТЕҲСОЛИ ВАКСИНАИ ЗИДДИ COVID-19 - РО БАРРАСӢ КАРДАНД


Дар сомонаҳои дигари Тоҷикистон хонед