logo

фарҳанг

ТАҶЛИЛИ БОШУКӮҲИ РӮЗИ КИНОИ ТОҶИК

Дар толори Кохи Лоҳутии шаҳри Бохтар ба муносибати Рӯзи кинои тоҷик ҳамоиши тантанавӣ баргузор гардид. Дар ин бора ба «Ҷумҳурият» Носирҷон Маъмурзода, мудири шуъбаи иттилоотию таҳлилии дастгоҳи раиси вилояти Хатлон, хабар дод.

Дар он муовини раиси вилоят Фирӯза Шарифӣ, раиси шаҳри Бохтар Сиҷоуддин Саломзода, директори Муассисаи давлатии “Тоҷикфилм” Маҳмадсаид Шоҳиён ва як қатор ҳунарпешаҳои маъруфи мамлакат иштирок доштанд.
Нахуст, муовини раиси вилоят Ф. Шарифӣ номаи шодбошии раиси вилояти Хатлон Қурбон Ҳакимзодаро ба филмофарон ва ҳаводорони синамои миллӣ ба муносибати 90-солагии таъсисёбии киностудияи “Тоҷикфилм” қироат намуда, зикр кард, ки халқи тоҷик аз аввали садаи ХХ ба шарофати таҳаввулоти сиёсии замон ба ин навъи санъат рӯ овард ва тавонист, ки давоми қариб як аср ба оламиён оид ба таъриху фарҳанг ва давраҳои мухталифи ҳаёти халқи тоҷик филмҳои ҷолиб офарад ва тоҷиконро бо ин роҳ ба ҷаҳониён муаррифӣ созад.
Таъкид гардид, ки тайи се соли охир раёсати Муассисаи давлатии «Тоҷикфилм» дар вилояти Хатлон дар ҳамкорӣ бо олимони Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Ҷумҳурии Тоҷикистон ва Донишгоҳи давлатии Бохтар ба номи Носири Хусрав бахшида ба Солҳои рушди деҳот, сайёҳӣ ва ҳунарҳои мардумӣ (2019 – 2021) 30 лавҳаи тарғиботӣ оид ба созандагию бунёдкорӣ ва зебоиҳои вилоят, 5 филми мустанади таърихӣ, аз қабили «Бохтар аз бостон то бӯстон» ва «Кӯшониён» аз силсилафилми «Нигини Хатлон», «Ҳалевард», «Аҷинатеппа» ва «Ҳулбук» таҳия намуд.
Бо дастгирии мақомоти иҷроияи ҳокимияти давлатии вилоят соли 2017 дар доираи Барномаи рушди кинои тоҷик Муассисаи давлатии вилоятии «Хатлонсинамо» таъсис ёфт. Давоми се соли фаъолият, муассиса филмҳои ҳунарии “Асрори тақдир”, “Хаёлӣ”, “Саҳв”, “Фариштаи Умед” ва филми мустанади “Норак - шаҳри нур”, инчунин, чанд ролику лавҳаҳои телевизионӣ аз манзараҳои зебои вилоят омода намуда, тавассути шабакаҳои телевизиониву интернетӣ ва кинотолорҳо пешкаши тамошогарон гардонд.
М. Шоҳиён, директори “Тоҷикфилм”, зимни суханрониаш 90-солагии синамои миллиро ба кулли ҳунармандон, кормандони соҳа ва алоқамандони кинои тоҷик самимона муборакбод гуфта, ба роҳбарияти мақомоти иҷроияи ҳокимияти давлатии вилоят барои мусоидати ҳамаҷониба ва дастгирии соҳаи синамои миллӣ арзи сипос намуд.
Сипас, ба як қатор ҳунармандони маъруф, аз ҷумла ба ҳунарпешаҳои халқии Тоҷикистон Убайдулло Раҷабов, Назирмат Мӯсоев, Зулхумори Иброҳим, Тоҷинисо Саидова, Моҳпайкар Ёрова ва филмофарони МД вилоятии “Хатлонсинамо” ва раёсати “Тоҷикфилм” дар вилоят сипоснома ва туҳфаҳои хотиравии мақомоти иҷроияи ҳокимияти давлатии вилояти Хатлон тақдим шуд.
Дар ҳамоиш, инчунин, нахустнамоиши филми ҳунарии “Фариштаи умед” (“Хатлонсинамо”) манзури ҳаводорони синамои миллӣ гардид.

Кароматулло АТО,
«Ҷумҳурият»


Баёни ақида (0)    Санаи нашр: 20.10.2020    №: 208    Мутолиа карданд: 258
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед