logo

фарҳанг

РӮЗГОРЕ БАРОИ ИБРАТ

Дар зиндагӣ ашхоси некному қавииродае ҳастанд, ки фаъолияти меҳнатии онҳо на танҳо барои имрӯз, балки барои фардои ҷомеа ибратбахш мебошад. Ватандорӣ, дӯстдории марзу буми он дар симои халқи кишвар ба ҳар навъ таҷаллӣ меёбад. Ташаббус, ҷустуҷӯи роҳи ҳаллу фасли мушкилиҳо, хайру эҳсон дар ин ҷода аз рукнҳои  шоистаи меҳанпарастианд. Барои нафарони хайрхоҳ баҳри ободонӣ ва осудаҳолии мардум заҳмат кашидан, саҳм гузоштан дар ободонии як гӯшаи нообод вазифаи муқаддас ва ифтихорист. Агар ҳама сидқан камбудӣ,  норасоии як бахш, як соҳа,  як маҳалро ислоҳ созанд, дар маҷмӯъ,  кишвари мо ба саодати комил хоҳад расид.
Шахсони ташаббускору  хайрхоҳ  арзандаи  таҳсину ситоишанд, зеро дар замири онҳо танҳо андешаи саҳм гузоштан ба ободии диёр ва хурсандӣ бахшидан ба диле шуълавар аст. Манзур аз ин гуфтаҳо амалҳои хайру савоби Аъзам Садиров, сокини деҳаи Кӯлдараи ноҳияи Ховалинг, мебошад. 
Нахуст мушкилиҳои деҳа ва зиндагии аҳолии он ӯро ба ободонӣ водор сохт. Дар деҳаи Кӯлдара системаи обёрӣ мавҷуд набуд ва мардуми деҳа аз масофаи  зиёда аз як километр бо маркабу ароба об мекашонданд. Роҳҳо таъмирталаб буданду  дар деҳа беморхона вуҷуд надошт. Мақсад гузошт, ки заррае ҳам бошад, баҳри ободии деҳа саҳми худро гузорад.
Аъзам Садиров, пеш аз ҳама, нақшаи ба деҳа овардани оби нӯшоиро ба миён гузошт. Бо ин мақсад аз ташкилотҳое, ки самти фаъолияташон маҳз ба ободонии деҳаҳои дурдаст равона гардидааст, кумак хост. Лоиҳаи аз масофаи 7 километр ба деҳа овардани оби нӯшоӣ қабул гардид. Бо роҳбарии ӯ ҳамаи таҷҳизоти зарурӣ дастрас гардид ва бо саҳми сокинони деҳа корҳои кандани замин, хобондану пайваст ва хокпӯш кардани лӯлаҳо тариқи ҳашар анҷом дода шуданд. Ҳамин тавр, дар рӯзи Модар ва бонувон - 8 март ба маркази деҳа аз зери кӯҳ оби тозаи нӯшоӣ  оварда шуд. Хурсандии мардумро ҳадду канор набуд. Мувофиқи ҳисоби мутахассисон, ҳаҷми об дар як шабонарӯз 25 тоннаро ташкил дод, ки ба сари ҳар як оилаи деҳа 600 - литрӣ рост меояд.
Тавре сокинони  деҳа мегӯянд, ин амал аз ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон дар бораи ободонӣ манша мегирад.
Пас аз ҳалли мушкилоти об боз зарурати бунёди як нуқтаи тиббии замонавӣ бо таҷҳизоти лозимӣ ба миён омад, зеро аҳолии деҳа дар ин самт мушкилӣ доштанд ва барои муолиҷа ба ҷойҳои дур мерафтанд. Бо ташаббуси А. Садиров бо роҳи дастаҷамъӣ аз ҳисоби  мардуми деҳа маблағи зарурӣ ҷамъ гардид. Онҳо бо роҳи ҳашар як бунгоҳи тиббӣ сохта, мавриди истифода қарор доданд. Ҳоло дар ин бунгоҳи тиббӣ 5 нафар кор мекунанд ва корафтодагони ду деҳа - Кӯлдара ва Навроҳо аз он истифода мебаранд.
Ободониҳо идома ёфтанд. Бо саҳми сокинон роҳҳои байни деҳа пурра таъмир шуданд. Инчунин, аз дараи байни кӯҳ бо воситаи лӯлаҳои обгузар об оварда, барои чорвои сокинони деҳа обхӯра сохта шуд.
Иқдоми хуби сокинони  Кӯлдараро мардуми деҳаҳои ҳамсоя хуш пазируфта,  барои ободии деҳаҳои худ камар бастанд.
Аъзам Садиров пешаи омӯзгорӣ дораду  тӯли 25 сол дар мактаби деҳа фаъолият намуда, барои пешрафти соҳа ва тарбияи шогирдон ҳиссаи арзандаи худро гузоштааст. Обрӯи инсон, пеш аз ҳама, аз бо ғаму шодии халқ шарик будан, эҳтироми мардумро ба ҷо овардан, меҳнати ҳалол кардан ва хоксорию  фурӯтанӣ ба даст меояд. Натиҷаи заҳматҳои пайваста ва чунин хислатҳои ӯст, ки имрӯз дар байни ҷомеа соҳиби обрӯю эҳтироми хосса мебошад.
- Мақсади мо ин аст, ки мардумро ба корҳои хайр далолат намоем, то ки сафи нафарони хайрхоҳ афзуда, барои рушду нумӯи Ватани азизамон саҳмгузорӣ кунанд, - гуфт А. Садиров.

Матлубаи АБДУҚАҲҲОР, “Ҷумҳурият”


Баёни ақида (0)    Санаи нашр: 02.11.2020    №: 214    Мутолиа карданд: 239
21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД


Дар сомонаҳои дигари Тоҷикистон хонед