logo

иқтисод

КӢ ҲАҚ АСТ? БАҲСИ ИДОРАҲОИ ЧАРОҒОНКУНӢ ВА БАРҚ

Роҳбарияти муассисаи чароғонкунии шаҳри Бохтар мавҷудияти қарзҳои ҳангуфт аз ҳаққи истифодаи барқро бо далелҳо рад кардан мехоҳад.
Шабакаҳои барқи шаҳри Бохтар қарзи муассисаи давлатии коммуналӣ ва чароғонкунию ороишии шаҳри Бохтарро 10 миллион сомонӣ ҳисоб кардааст. Аммо Миралишоҳи Сайфиддин, сардори ин муассиса, мегӯяд, ки онҳо ҳамагӣ 2 миллиону 50 ҳазор сомонӣ қарздоранд. 
- Имсол ҳангоми тартиб додани хароҷотнома қарзҳоро 300 ҳазор сомонӣ ҳисоб карда, 150 ҳазор сомонӣ маблағи истифодаи барқро пардохт кардем. Ният дорем, ки ҳамаи қарзро то охири сол ҳисобӣ кунем. Мушкил дар он аст, ки ҳарчанд мо 70 дарсади чароғҳои ҳудуди шаҳрро ба ҳисобкунакҳо пайваст кардаем, аммо мутасаддиёни шабакаҳои барқи шаҳр нишондодҳои онҳоро сарфи назар карда, мегӯянд, ки баъд аз 100 дарсад пайваст кардан ҳисоби онҳоро ба инобат мегиранд. Оид ба пардохтҳоямон расид (квитансия) ҳам дорем. Шабакаи барқ истифода шудани неруи барқро аз рӯйи ченаки тавоноии барқӣ дар тобистон 12 соат ва дар зимистон 16 соат ҳисоб карда, аз мо маблағ талаб дорад. Албатта, мо ба ин розӣ нестем, - гуфт М. Сайфиддин.
Дар мавриди қарзҳо Аҳлиддин Шарифзода, сардори Шабакаҳои барқи шаҳри Бохтар, гуфт, ки қисми маблағҳо (зиёда аз 7 миллион сомонӣ), ки муассисаи чароғонкунӣ қабулашон надорад, беэътимод ҳисобида шудаанд ва агар пардохт нашаванд ҳам, шабакаҳои мазкур ягон эрод надорад.
- Ин қарзҳо аз солҳои пешанд. Мо фақат зиёдтар аз 2 миллион сомониашро талаб дорему бас, - тавзеҳ дод ӯ.
Дар бобати ба назар нагирифтани нишондодҳои ҳисобкунакҳои барқӣ А. Шарифзода чунин гуфт:
- Агар онҳо ҳисобкунак васл карда бошанд, бояд ба мо мактуб ирсол карда, дар ин хусус маълумот диҳанд. Чаро мо нишондодҳои ҳисобкунакҳои барқиро қабул намекунем?! Мекунем! Соли 2018 ҳамагӣ 8 - 9 ҳисобкунак насб карданд. Аз ин рӯ, маблағашон то ҳол аз рӯйи тавоноии барқӣ ҳисобукитоб мешавад. Ва агар онҳо марҳила ба марҳила ҳисобкунак насб мекарданд, ин мушкил то ин ҳад намерасид.
Масъалаи мазкур дар ҳоле ҳалношуда боқӣ мемонад, ки шумораи фурӯзонакҳои ҳудуди шаҳр имсол боз 1 ҳазор адад афзудааст.
Миралишоҳи Сайфиддин мегӯяд, ки агар баҳсро бо шабакаҳои барқи шаҳр ба тариқи мусолиҳа ё ба таври ҳисоббаробаркунӣ миёни вазоратҳояшон ҳал карда натавонанд, он гоҳ маҷбуранд аз тадбирҳои ҳуқуқӣ кор бигиранд.
Дар маҷмӯъ 720 ташкилоту корхона ва муассиса дар назди Шабакаҳои барқи шаҳри Бохтар 90 миллион сомонӣ қарздоранд. Калонтарин қарздорон идораҳои чароғонкунӣ, тандурустӣ, маориф ва фарҳанг мебошанд.
“Ҷумҳурият” ин мавзӯъро ҳанӯз аввали соли ҷорӣ ба хотири байни ҳам “забон ёфтан”-и қарздорон ва Шабакаҳои барқи шаҳри Бохтар инъикос карда буд, аммо маълум шуд, ки мушкил то ҳол ҳалношуда боқӣ мондааст.

Зокир ҲАСАН, “Ҷумҳурият”


Баёни ақида (0)    Санаи нашр: 02.11.2020    №: 214    Мутолиа карданд: 407
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед