logo

фарҳанг

РӮЗГОРЕ БАРОИ ИБРАТ

Убайдулло Раҷабов кист? Ба ин пурсиш қариб ҳамаи шаҳрвандони кишвар ҳатман посух мегӯянд, балки гуфта метавонанд. Албатта, посухҳои гуногунро мешунавем. Дар онҳо лаҳзаҳои ширину талхи рӯзгор, лаҳзаҳои хотирмони дидору суҳбат ва бардоштро аз тамошои асарҳое, ки дар онҳо ӯ нақш офаридааст, мешунавем, мебинему бори дигар пеши назар меорем. Бешак, шод аз он мегардем, ки бо гузашти рӯзгори пешин дар хотираҳои ҳаводорони ин ҳунарпешаи асил ва худодод боқӣ мондаанду зиндаанд.
Имрӯз ҳам, бо он ки барфи пирӣ бар боми вуҷуди ӯ асари худро гузоштааст ва бар ин мӯйҳои сафеди сараш гувоҳӣ медиҳад, ихлосмандонаш асарҳои тозаву навбанавашро интизоранд. Бовар доранд, ки ҳанӯз ҳам метавонад беҳтару бештар аз солҳои гузашта беҳтарину хотирмонтарин нақшҳоро биёфарад. Ин гуна боварро ба ҳаводоронаш худи ҳунарпешаи маҳбуб боз панҷ сол пештар, он гоҳ ки ба синни 75 ворид шуд, ато карда, бахшида буд.
Убайдулло Раҷабов, воқеан, ҳунарпешаест, ки ҳамеша ба қуллаҳои баландтару баландтар баромадааст, ҳеҷ дар як ҷой, дар як манзил гом назадаву наистодааст. Бар як қулла, ки баромада, дидааст, ки боз қуллаи баландтарест ва мақсад гузошта, ки онро фатҳ бикунад. Гузашти солҳои умри азизаш ӯро неруи нав мебахшиданду масъулияташро меафзуданд. Дар ин муддат донишу таҷриба ва маҳораташ меафзуду бештар сайқал меёфт. Дарк кард, ба тамоми масъулият эҳсос намуд, ки дигар ҳуқуқи ба қафо баргаштан ва дар як ҷой истоданро надорад. Дид, ки ҳама бар ӯ наззора доранд ва хоҳони бозу боз ба боло рафтанаш мебошанд. Ва ҳам  аз вуҷуди худ шунид: «Мо зи болоему боло меравем».
Ӯ ба ҳеҷ кас монанд набуд ва нест. Дигарон ҳарчанд ки кӯшиданд, мисли ӯ бошанд, натавонистанд. Абулмаонӣ барҳақ фармуда:
Обру зотист, Бедил, в-арна
монанди гуҳар
Муҳраи гил ҳам тавонад дар
дили дарё нишаст.
Ҳамин тавр, дар асри рафта ӯ нотакрор монд. Дар асри ҳозир низ нотакрор аст.
Ӯ зебоӣ меофарад. Ӯ зебоиро дар назди чашми мардум ҷилва медиҳад. Ӯ ба ноошноён, ноогоҳони ҳунари воло таъкид мекунад, ки зебоиро бидонанд, қадр бикунанд, қиматашро бишиносанд. Мурод аз ин ҳама он аст, ки бидонанд: Танҳо зебоӣ оламро наҷот мебахшад.
Ӯ барои гуфтани ҳақиқат, нишон додан ва пойдории он ҳаст шуда.
Ӯ ба мо ба забони ҳунари асил гуфтаву мегӯяд: «Роҳ дар ҷаҳон якест ва он роҳи ростист».
Ӯ моро хушҳол дидан мехоҳад, аммо болотару бештар аз ин таманно дорад, ки асли зиндагиро бишносем ва аз худ барои огоҳӣ бипурсем: «Мо кистем? Чаро ҳаст шудем? Чӣ масъулияту рисолату вазифа дар ин зиндагӣ, дар ин дунёи нопайдоканор дорем? Оё ба асли худ расидаем?».
То ки мо бо хештаншиносӣ мо бошем, ӯ ранҷ кашид, омӯхт, таҷриба андӯхт, ҳунарашро, истеъдодашро сайқал дод.
То ки мо як бор бихандем, ӯ бисёр гиристааст.
Метавонист, ки дар зиндагӣ роҳи осонро интихоб бикунад ва ба ҳамаи орзуҳои худ чун як сарватманд бирасад. Не, ин гуна роҳро написандид.
Ба поси ин ҳама азхудгузаштанҳо ва офариданҳо мардум, тамоми қишри ҷомеа дӯсташ медоранд. Бо ӯ, бо ҳунари волояш ифтихор мекунанд ва дар хонаҳои дилашон ҷой додаву медиҳанд.
Ӯ азизу муътабар буд ва ҳамин гуна монду мемонад. Шуҳрати ӯ, маҳбубияти ӯ, барои як давраи муайян набуд ва нест.
Убайдулло Раҷабов кист? Оё метавонем, ки ба ин пурсиш ба пуррагӣ посух бигӯем? Албатта, не. Оре, агарчи ба ҳақиқат ҳазор сифаташро мегӯем, аз ҳунари волояш, одамияташ мегӯем, аммо қаноат ҳосил намекунем. Ва баъд, ки тан дармедиҳем, ризо мешавем, ки эътироф бинамоем: ӯ дар гуфтаҳо, навиштаҳо намеғунҷад. Ӯ инсонест, ҳунарпешаест, ки ҳанӯз мо барои худ, барои пешрафти ҳунар, хештаншиносӣ, тарбияи наслҳои имрӯзу баъдӣ кашф накардаем. Ба дунёи зебову пурҳикмати асрори эҷодаш низ ворид нашудем.
Ӯро ба ҳамаи унвону мукофотҳо мушарраф гардондаанд ва тамоми мардум инҳоро хуш пазируфтаанду гуфтаанду мегӯянд, ки арзандааст.
Насли мо, ончунон ки бояд, натавонист, ки ин ҳунарпешаро дурусту ба пуррагӣ муаррифӣ бикунад. Ноумед намешавем, ба ин хотир, ки масъулияти кашидани ин бори гаронро наслҳои баъдӣ бо шодмониву қаноатмандӣ ба уҳда хоҳанд гирифт.

Абдулқодири РАҲИМ,
«Ҷумҳурият»
 


Баёни ақида (0)    Санаи нашр: 09.11.2020    №: 217    Мутолиа карданд: 285
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед