logo

фарҳанг

ФУРӮҒИ "ЧАРОҒИ ДИЛ"

Нашри ҳар китоби нави Абдулҳамид Самад, Нависандаи халқии Тоҷикистон, барандаи Ҷоизаи давлатии Тоҷикистон ба номи Абуабдулло Рӯдакӣ (соли 1990), баранди нишон ва дипломи байналмилалии «Сарвати зеҳнӣ» (соли 2011, Женева) рухдоди тозаву нек дар ҳаёти фарҳангии кишвар маҳсуб мешавад. Ҳаводорони асили каломи бадеъ ин гуна рухдодро ҳамеша интизоранд.

Абдулҳамид Самад бо достонҳо, қиссаҳо ва ҳикояҳояш на танҳо дар миёни хонандагони огоҳ маҳбубияти хос дорад, балки ӯ дар инкишофи насри муосири тоҷик саҳми назаррас гирифтааст. Ҳанӯз нахустин навиштаҳояш дар жанрҳои гуногуни адабиёт диққати муҳаққиқону мутахассисони соҳаро ҷалб намуда буданд. Перомуни ин асарҳо фикру андешаҳояшонро иброз намуданд, қимати онҳоро муайян карданд ва номи нависандаро дар қатори устодони насри муосири тоҷик гузоштанд. Фаъолияти минбаъдаи эҷодияш ин ҳақиқатро бештару беҳтар возеҳ сохт ва ҳам собит намуд, ки ӯ ҳамеша тавониста дар эҷод ба мақоми болотару болотар бираваду қуллаҳои нави фатҳношударо фатҳ бикунад.
Ҳамин тавр, метавон бо сарфарозӣ ва ифтихор ба хонандагон, муҳаққиқону мутахассисону ҳаводорони нависанда мужда расонд, ки чанде пеш китоби нави ӯ бо номи «Чароғи дил» аз тариқи нашриёти «Русская литература» дар ҳаҷми 24 ҷузъи чопӣ ба табъ расид.
Тавре дар анотатсия ё худ маълумоти мухтасар дар бораи китоб омадааст: «Иншои ҳикояҳо ва нашри китобҳои нахустини нависанда 40 – 50 сол пеш сурат гирифта. Вале ҳамеша таҳқиқи бадеии олами ботинии инсон дар шебу фарози зиндагӣ, тасвири лаҳзаҳои дилангезу ибратомӯз ҳадафи ниҳоии адиб будааст. Муаллиф бо сарфарозӣ аз муъҷизаи  фазои озоди Истиқлолияти Тоҷикистони азиз ҷо – ҷо забони ҳикояҳои солҳои пешинро таҳриру поксозӣ кардааст, ки бешак, посухгӯи талаботи имрӯзаи меъёрҳои забони давлатианд».
Дар ин китоби тозанашр беш аз 60 асари адиб ҷой дода шудаанд. «Занталаб ва маликаҳои саҳро», «Аробакаши идораи боло», «Моҳи хомпаз», «Хазон», «Базм», «Асп мерафт», «Ишқи тирамоҳӣ», «Ошноҳои падарам», «Модар», «Офтобаки сари мо», «Арӯсро дуздиданд» дар ин шуморанд.
«Чароғи дил», ки номи китобро дорад, ҳикояи воқеӣ буда, ба ёди омӯзгори ятимпарвар Самад Фаттоҳ бахшида шудааст. Дар давраи сарварии ин маорифпарвари асил мактаб – интернати Саричашма бо дастовардҳои назарраси худ на танҳо дар кишвар, балки собиқ Иттиҳоди Шӯравӣ ба некӣ ном бароварда буд. Таҷрибаву усулҳои пешқадамаш мавриди омӯзишу пайравии муҳаққиқону мутахассисон ва ҳамтоёнаш қарор гирифт. Ҳар лаҳзаи зиндагӣ ва суҳбати ӯ ибратбахшу хотирмон мебошад.
Ба яқин, нашри китоби «Чароғи дил» - и адиби маҳбуб, нависандаи чирадаст, дар шинохти ҳақиқати зиндагӣ, боло бурдани завқи бадеии хонандагон, ҳифзу покизагии забони миллат таъсири нек дорад ва ҳам мусоидат мекунад.
Албатта, муҳаққиқон, мутахассисон низ бо мутолиаи ин китоб паҳлуҳои нави эҷоду истеъдод ва ҷаҳонбинии фарохи нависандаро бештару беҳтар кашф мекунанд ва ба ин васила ба хонандагони одӣ дар фаҳмиши дурусти он ёрии худро мерасонанд.
Фурӯғи бисёр зебову равшани «Чароғи дил», бовар ҳаст, ки дилҳоро мунаввар месозад.

Абдулқодири Раҳим, «Ҷумҳурият»
 


Баёни ақида (0)    Санаи нашр: 18.11.2020    №: 222    Мутолиа карданд: 135
21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД


Дар сомонаҳои дигари Тоҷикистон хонед