logo

иқтисод

БОХТАР. ШАҲРЕ, КИ АЗ ФАЙЗИ ҚУДУМИ ПЕШВОИ МИЛЛАТ ШУКУФТАН ДОРАД

Шаҳри Бохтар тӯли чанд соли охир дар партави сиёсати дурандешонаи Сардори давлат муҳтарам Эмомалӣ Раҳмон ба таври устувор рушд карда, аз ҷиҳати меъморӣ, фарҳангӣ-фароғатӣ, сайёҳӣ ба тақозои шиори инсондӯстонаи “Ҳама барои халқ!” дар миёни дигар шаҳру навоҳӣ ҳамчун намуна чун нигини дурахшони Хатлонзамин ҷилои тоза ёфтан дорад.
Ба гуфтаи раиси шаҳр Сиҷоуддин Саломзода, коллективҳои меҳнатӣ дар ҳошияи қонунҳои амалкунандаи Тоҷикистон, дастуру супоришҳои Ҳукумати ҷумҳурӣ ва қарорҳои раиси вилояти Хатлон барои дар амал татбиқ намудани ҳадафҳои стратегии миллӣ ва иҷрои комили корҳои ҳамешагӣ дар нуҳ моҳи соли ҷорӣ ба як қатор музаффариятҳои шоён комёб шуданд.

ИҚТИСОДИЁТ АЗ “ЗАРБА”-ҲОИ ВИРУСИ НАВ ВОРАҲИД
– Ҳалли аксар масъалаҳои иҷтимоию иқтисодӣ, вусъати корҳои ободонӣ дар шаҳр, баланд бардоштани сатҳ ва сифати  зиндагии мардум ба иҷрои нақшаҳои ҷамъоварии андозҳо вобаста мебошад, ки ин масъала ҳамеша зери диққати мақомоти иҷроияи ҳокимияти давлатии шаҳр қарор дошта, баҳри истифодаи самаранок аз имкониятҳои мавҷуда, пурра ба кор андохтани механизм ва манбаъҳои иловагии ҷамъоварии андозҳо тадбирҳои судманд андешида шуданд. Бо вуҷуди таъсири шадиди бемории коронавирус нақшаи қисми даромади  буҷет аз рӯйи контингенти умумӣ 88 фисад иҷро гардида, ба буҷет ба ҷойи 121,7 миллион сомонӣ 107,6 миллион сомонӣ ворид гардид, – зикр кард раиси шаҳр. – Ҳарчанд ин нишондод аз нақшаи мо 14,1 миллион сомонӣ кам мебошад, аммо мувофиқи таҳлилҳои пешакии коршиносони байналмилалию дохилӣ мо бояд ба ин натиҷа ҳам даст намеёфтем. Фикр мекунам, боз ҳам аз файзи дастгириҳои ҳамешагии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муҳайё шудани шароити созгори фаъолият дар давраи хуруҷи коронавирус барои сектори хусусӣ, алалхусус доираҳои соҳибкорӣ буд, ки мо қариб ҳама бунбаст ва монеаҳои ғайриинтизори иқтисодиро пушти сар карда тавонистем.  
Нақшаи андозҳо ва дигар пардохтҳои ҳатмӣ низ ба андозаи 88 дарсад таъмин гардида, ба ҷойи 95,3 миллион сомонӣ ба буҷет 84,1 миллион сомонӣ ворид гардид, ки барои нақша 11,3 миллион сомонӣ намерасад.
 Ҷиҳати барҳам додани бақияпулиҳои андоз ва андози иҷтимоӣ  тадбирҳои зарурӣ андешида, барои кам кардани бақияпулиҳо ба андозсупорандагони қарздор огоҳнома фиристода, аз ин ҳисоб беш аз 5 миллион сомонӣ ба буҷет ворид шуд.

БЕШ АЗ 1 МИЛЛИАРД СОМОНӢ БАРОИ БУНЁДКОРӢ 
– Яке аз омилҳои даст ёфтан ба тараққиёти дилхоҳ ин қабул ва татбиқи марҳила ба марҳилаи Барномаи рушди иҷтимоию иқтисодии шаҳри Бохтар барои солҳои 2016-2020 мебошад, – иброз дошт Асадулло Шоҳзода, мудири шуъбаи рушди иқтисод ва савдои мақомоти иҷроияи ҳокимияти давлатии шаҳри Бохтар. – Дар ин ҳуҷҷати панҷсолаи амал кам не, зиёда аз 76 лоиҳа бо маблағи умумии 1 миллиарду 252 миллиону 100 ҳазор сомонӣ ба нақша гирифта шуда, то ин давра 51 лоиҳа татбиқи худро ёфт. Маҳз дар асоси ҳамин барнома шумораи биноҳои муосиртарҳи хидматрасонӣ, маишӣ ва маъмурӣ, ки воқеан ҳам дорои имкониятҳои фарох ва меъмории ҷолибанд, тӯли чанд соли охир якбора афзуда, маркази маъмурии вилоят ба як гӯшаи мақбули шаҳрвандон ва меҳмонон табдил ёфт.

АГАРЧИ ШАҲР АСТ, ДЕҲҚОНӢ БАРОР ДОРАД
Дар истинод ба Аҳлиддин Абдулмуъминзода, мудири бахши кишоварзии мақомоти иҷроияи ҳокимияти давлатии шаҳри Бохтар, ҳаҷми маҳсулоти умумии кишоварзӣ дар нуҳ моҳ ба 63,3 миллион сомонӣ расид, ки ин дар қиёс ба ҳамин давраи соли гузашта 4,5 миллион сомонӣ зиёд буда, афзоиши истеҳсол 7,7 фисадро ташкил медиҳад. Маҳсулоти кишоварзӣ дар ҳаҷми 5 ҳазору 752 тонна содирот гардидааст, ки ин 191,7 фисади дурнаморо ташкил медиҳад.        
– Бохтар, агарчи шаҳр аст, сокинонаш ба пешаи деҳқонӣ таваҷҷуҳи зиёд доранд, - мегӯяд Аҳлиддин Абдулмуъминзода. – Ин аст, ки пахтакорони бохтарӣ дар даҳаи ҳосилғундорӣ дар вилоят сазовори мақоми сеюм гардида, аз ҷиҳати афзоиши ҳаҷми истеҳсол, яъне бинобар аз ҳар як гектар ғундоштани 26-сентнерӣ “тиллои сафед” ҷойи аввалро гирифтанд. Зиёда аз ин, сабзавоткорони мо дар миқёси ҷумҳурӣ машҳур буда, аввалин сабзавоти барвақтии тару тозаро дар рӯзҳои нахустини баҳор маҳз сокинони меҳнатқарини маҳаллаи “Ғайрат”, ба бозорҳои Душанбе мебароранд. Ҳамин меҳнатқаринии истиқоматкунандагони ин маҳалла аст, ки Президенти кишвар муҳтарам Эмомалӣ Раҳмон дар солҳои гуногун се дафъа аз ҷараёни умури кишоварзии он дидан карда, ба онҳо дуои нек додаанд.

ЗАҲМАТИ ИМРӮЗ – ЗАМИНА БАРОИ ФАРДО
Тараққиёти чашмгире, ки дар ин гӯшаи диёр бо кӯшишҳои давомдори Сарвари давлат муҳтарам Эмомалӣ Раҳмон ва, ҳамзамон, масъулиятшиносии роҳбарияти мақомоти иҷроияи ҳокимияти давлатии вилояти Хатлон ва шаҳри Бохтар мушоҳида мешавад, ба соҳибназарон ва ҳақиқатмеҳварон аз фардои дурахшони он дарак медиҳад. Фардои фараҳфизои як шаҳри ормонҳо, ки он аз мост ва барои мост.

Муҳаммадзоиршо ШАРИФЗОДА,
Зокир ҲАСАН,
“Ҷумҳурият”
 


Баёни ақида (0)    Санаи нашр: 20.11.2020    №: 224    Мутолиа карданд: 150
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед