logo

Хабарҳо

ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

Дар доираи Солҳои рушди деҳот, сайёҳӣ ва ҳунарҳои мардумӣ (2019 – 2021) соли савум аст, ки дар ҷумҳурӣ озмуни «Дастархонороӣ» баргузор мегардад. Даври ҷамъбастии озмуни имсолаи вилоятӣ дар тарабхонаи «Файз»-и шаҳри Хоруғ доир шуда, дар он кадбонуҳои беҳтарин – ғолибони  даври ноҳиявию шаҳрӣ ширкат варзиданд.
 
Тавре Назира Амирбекзода, муовини раиси вилоят, дар суҳбат ба хабарнигори  “Ҷумҳурият” зикр кард, ҳадаф аз баргузории ин  чорабинӣ эҳё намудани ҳунарҳои мардумӣ, кор гирифтан аз шеваи сарфаву сариштакорӣ, камхарҷ ва зебову хушрӯ оростани дастархон дар ҷашну маросимҳо мебошад.  Ин  ташаббуси Ҷаноби  Олӣ байни омма  ҳамовозӣ пайдо карда, сол ба сол дар озмун бонувон фаъолияти бештар зоҳир менамоянд. 
Имсол ҳам иштирокдорони озмун бо тайёрии пухта ба озмун ҳозир шуда, кӯшиш менамуданд, ки дар он бо муаррифии беҳтарин таомҳо мақоми баландро соҳиб гарданд. Таомҳои миллӣ, аз қабили атолаи зардолуву боқило, ҳалвои маҳаллӣ, кочӣ, ғӯзқамоч, нони равғанӣ, бат, ширбиринҷ, боҷ, оши боқило, амоч, нонҳои ҳархелаи танӯрӣ, кулча, фатир, бурсоқ, самбӯса, қурутоб, шириниҳои гуногун, меваю сабзавот дастархони ҳар як кадбонуро оро додаанд.
Ҳакамон аз намоиши таомҳои миллӣ дидан намуда, ба маҳорат ва истеъдоди  бонувони кӯҳистон  баҳои баланд доданд.
Мувофиқи баҳои ҳакамон, дастархони бонувони шаҳри Хоруғ дар озмун мақоми аввалро соҳиб гардид. Тавре  онҳо  зикр карданд, дастархони  бонувони  шаҳр бо тарҳи замонавӣ оро ёфта, пешхизматон бо либоси миллии ба замони муосир мувофиқ дар хидмат қарор доштанд. Ҳамчунин, бартарияти ин дастархон  дар он арзёбӣ гардид, ки бонувони  шаҳр тавонистанд, дар гирди он зимни мулоҳизарониҳо оид ба  китоби “Тоҷикон”-и аллома Бобоҷон Ғафуров намунаи як оилаи бофарҳанги бадахшониро муаррифӣ  намоянд. Ороиши дастархонҳои ноҳияҳои Шуғнону Ишкошим мутаносибан сазовори ҷойҳои дувуму сеюм шуданд.
Ғолибон ва соҳибони мақоми ифтихорӣ аз ҷониби муовини раиси вилоят бо ифтихорномаю мукофотҳои пулӣ қадр шуданд. Барои иштироки фаъол  кадбонуҳои ноҳияҳои Роштқалъа, Ванҷ, Рӯшон, Дарвоз ва Мурғоб низ бо ифтихорнома сарфароз гаштанд.
            
Раҳмони  ГУЛЗОР, 
“Ҷумҳурият”
 


Баёни ақида (0)    Санаи нашр:    №:    Мутолиа карданд: 206
14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД


Дар сомонаҳои дигари Тоҷикистон хонед