logo

номаҳо

МАҚСАДИ МО ҶУЗ ОБОДӢ ЧИЗИ ДИГАРЕ НЕСТ!

Дар деҳаи Ҳаёти Нави Ҷамоати деҳоти Ҳисори шаҳри Ҳисор маркази гармидиҳӣ барои муассисаҳои таълимӣ ва гармхона, заводи консервабарорӣ, муассисаи томактабӣ, ҳаммом, бинои алоқа ва хизматрасонӣ, идораи хоҷагӣ ва ПРУ паноҳгоҳи махсуси зиддирадиатсионӣ, 16 зеристгоҳи насосҳои обкашии чоҳии артезианӣ, ҷӯйборҳои оҳану бетонӣ, қубурҳои интиқоли гази табиӣ ва газтақсимкунӣ, базаи сохтмони деҳот ва заводи машрубот (дар масоҳати 6 гектар) мавҷуд буд. Баъзеи онҳо ҳанӯз ҳам ҳастанд ва дар тобеияти шахсони алоҳидаанд, ки аз соли 1996 фаъолият надоранд. Боғчаи бачагон, ҳаммом, бинои алоқа ва хизматрасониро шахсони алоҳида чун манзили истиқоматӣ истифода мебаранд.
Ман аз соли 1979 сокини ин деҳаам ва то соли 1996 дар хоҷагии "50 - солагии Октябр" чун бинокор, назоратчии техникӣ ва фармоишгари сохтмон фаъолият доштам. Имрӯз ба валангории иншооту биноҳо назар карда, дилам реш - реш мешавад. Борҳо ба мақомоти иҷроияи ҳокимияти давлатӣ ва маҳал доир ба ин масъала муроҷиат намудам. Мутаассифона, муроҷиату аризаҳо ҷавоби худро наёфтанд.
Дар маҷлиси умумии маҳаллаи Ҳаёти Нав мардум гуфтанд, ки дар деҳаи мазкур зиёда аз 700 хоҷагӣ иқомат дорад. Мардуми деҳа ба бунгоҳи тиббӣ ва маркази солимгардонию баланд бардоштани масунияти бадан ниёз доранд. Аз ин лиҳоз, хоҳиш менамоянд, ки бинои фарсудашудаи назди литсейи ба номи Собири Шоҳониро барои истифодаи бунгоҳи тиббӣ ва эҳтиёҷоти мардум ба ихтиёри кумитаи маҳалла вобаста намоянд. Ҳамзамон, бинои мазкур дар тавозуни литсей боқӣ монад. Таъмиру тармими бунгоҳ ва варзишгоҳро кумитаи маҳалла ба уҳда мегирад. 5 декабри соли 2020 муроҷиати мо бо ариза сурат гирифт. 18 декабри соли 2020 ҷавоб гардонданд, ки дар асоси Қарори Ҳукумати Ҷумҳурии Тоҷикистон аз 30 декабри соли 2009, № 705 «Дар бораи манъ намудани хусусигардонии иншоотҳои соҳаи маориф» МИҲД - и шаҳри Ҳисор ваколати аз ҳисоби муассисаҳои соҳаи маориф ҷудо намудани қитъаи замин барои сохтмони маркази саломатиро надорад.
Дар таърихи 13 феврали соли ҷорӣ сеюмин аризаро бо протоколи маҷлиси умумии маҳалла ба раиси шаҳри Ҳисор пешниҳод намудем. Бо ин амал мо, мардуми деҳаи Ҳаёти Нав ба истиқболи сазовори Ҷашни 30 - солагии Истиқлолияти давлатии Ҷумҳурии Тоҷикистон мехоҳем деҳаамонро ободу зебо гардонем ва онро мисли шаҳрак ороставу пероста бубинем.
Умед дорем ин дархости мо аз тарафи мақомоти иҷроияи ҳокимияти давлатии шаҳри Ҳисор дастгирӣ меёбад. 
            
Мардон АШУРОВ, 
сокини деҳаи Ҳаёти Нави Ҷамоати деҳоти Ҳисори 
шаҳри Ҳисор
 


Баёни ақида (0)    Санаи нашр: 10.03.2021    №: 50    Мутолиа карданд: 6035
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед