logo

иқтисод

ДАРВОЗ – РӮШОН. АЗНАВСОЗИИ РОҲИ БАЙНАЛМИЛАЛӢ АЗ МОҲИ ИЮН ОҒОЗ МЕЁБАД

Дар ин бора Қодири Қосим, муовини Раиси Маҷлиси намояндагони Маҷлиси Олӣ, дар вохӯрӣ бо сокинони Ҷамоати  деҳоти Сучони ноҳияи Шуғнон иттилоъ дод. Ӯ бо такя ба дастуру супоришҳое, ки Президенти мамлакат дар Паёми навбатӣ ба Маҷлиси Олӣ дода буданд, изҳор дошт, ки «сокинони баъзе деҳоти ҷамоати мазкур бар асари тармафароӣ ва дар фасли зимистон зуд-зуд баста шудани роҳҳо бо мушкилот рӯ ба рӯ мегарданд. Ҳамчунин, аз байни деҳоти ҷамоат шоҳроҳи Хоруғ- Кулма мегузарад, ки он чанд сол пеш бар асари фаромадани сел дар мавзеи Барсеми тамоман хароб гардида буд. Бо дастури Пешвои миллат муҳтарам Эмомалӣ Раҳмон имсол ин қитъаи роҳ азнавсозӣ шуда, дар мавзеъҳои хатарноки он бунёди долонҳои зиддитармавӣ оғоз меёбад».
Қодири Қосим, инчунин, бо сокинони ноҳияҳои Дарвозу Ванҷ мулоқот намуда, доир ба муҳтавои Паёми Пешвои миллат муҳтарам Эмомалӣ Раҳмон изҳори андеша намуд. Ӯ, аз ҷумла зикр кард: “Мақсаду мароми ҳар сатри ин ҳуҷҷати тақдирсоз баланд бардоштани сатҳу сифати зиндагии мардум мебошад. Барои муҳайё намудани зиндагии шоиста барои шаҳрвандони кишвар дар назди Ҳукумати ҷумҳурӣ вазифа гузошта шуд, ки дар зарфи чанд соли оянда бо истифода аз таҷрибаи ҷаҳонӣ корхонаҳои хурду бузурги саноатӣ бунёд шаванд. Ин тадбир аз як сӯ, агар пеши роҳи молҳои зиёди воридотиро гирад, аз сӯи дигар, садҳо ҷои кориро барои шаҳрвандон фароҳам меорад. Танҳо соли гузашта дар кишвар 300 коргоҳу корхонаи нави саноатӣ бо беш аз 6 ҳазору 500 ҷойи корӣ мавриди истифода қарор гирифтанд”.
Таъкид гардид, ки 75 фисади аҳолӣ дар деҳот зиндагӣ мекунад ва 24 фоизи маҳсулоти хоҷагии халқ маҳз дар деҳот тавлид меёбад. Бинобар ин Президенти мамлакат дар Паёми имсолаи худ дар баробари инкишофи соҳаҳои дигари хоҷагии халқи мамлакат ба соҳаи кишоварзӣ таваҷҷуҳи ҷиддӣ зоҳир карда, тамоми кишоварзонро аз андози яксолаи замин озод намуданд. 
Қодири Қосим дар мулоқот бо сокинони ноҳияи Ванҷ таъкид кард, ки ин ноҳия яке аз минтақаҳои асосии истеҳсоли маҳсулоти кишоварзӣ дар ВМКБ ба ҳисоб рафта, сабзавоту меваҷоти он аз ҷиҳати мазза дар бозорҳои вилоят ва ҷумҳурӣ харидорони зиёд дорад. Тадбирҳои Ҳукумати мамлакат ба кишоварзон имкон медиҳад, ки солҳои минбаъда истеҳсоли меваю сабзавотро боз ҳам бештар гардонда, на танҳо дар бозорҳои дохилӣ, балки берун аз мамлакат ҳам ҷойгоҳи худро пайдо намоянд. Намояндаи мардумӣ дар ин самт таҷрибаи кишоварзони вилояти  Суғдро қобили ибрат маънидод кард.
Ба гуфтаи муовини Раиси Маҷлиси намояндагон, солҳои соҳибистиқлолӣ дар соҳаи нақлиёти кишвар 53 лоиҳаи давлатии сармоягузорӣ ба маблағи 20,3 миллиард сомонӣ амалӣ гардида, беш аз 2 ҳазору 200 километр роҳҳои дорои аҳамияти байналмилалӣ аз нав бунёд ва ба истифода дода шуданд. Дар ин раванд солҳои наздик боз зиёда аз 1 ҳазору 500 километр роҳҳои байналмилалӣ мавриди баҳрабардорӣ қарор мегиранд, ки як қисмати роҳҳои ҳудуди Вилояти Мухтори Кӯҳистони Бадахшон ба ин шомиланд.
Дар мулоқот аз сокинони ин гӯшаи Ватан даъват ба амал оварда шуд, ки дар корҳои ободонию созандагӣ ба истиқболи Ҷашни 30-солагии Истиқлолияти давлатӣ минбаъд ҳам фаъолона ширкат намуда, дар ободонии диёр бештар саҳм гузоранд.
 
Раҳмони ГУЛЗОР, “Ҷумҳурият”


Баёни ақида (0)    Санаи нашр: 01.04.2021    №: 65    Мутолиа карданд: 185
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед