logo

иқтисод

«АНДОЗ АЗ GOOGLE». ТАҶРИБАИ ҶАҲОНӢ БАРОИ ҒАНИСОЗИИ БУҶЕТ

Моҳи декабри соли гузашта Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон» дар таҳрири нав ба тасвиб расид. Ин иқдом ба хотири дарёфти даромадҳои иловагӣ ба Буҷети давлатӣ буда, дар сурати ба ҳукми амал даромадан, минбаъд аз хизматрасонии ширкатҳои бузург ба монанди «Google», «Apple», «Microsoft», «Facebook» ва дигарҳо андоз аз арзиши иловашуда ситонда мешавад.
 
ПЕШНИҲОД АЗ КУҶО ОҒОЗ ШУД?
Тасмими андозбандии ин гуна ширкатҳоро Нусратулло Давлатзода, раиси Кумитаи андоз, ҳанӯз соли 2015 зимни як нишасти матбуотӣ гуфта буд. 
Бино ба пешниҳоди номбурда, вақти он расидааст, ки тамоми корҳоеро, ки ба воситаи интернет анҷом меёбанд, ба танзим дарорем. Яъне, мақсад аз ин пешниҳод ширкатҳои хориҷие мебошанд, ки хизматрасониҳои электрониро дар ҳудуди Тоҷикистон амалӣ мекунанд, аммо андозро дар дигар ҷо месупоранд. Андозбандии ширкатҳои «Google», «Facebook», «Apple» ва «Microsoft» имконият медиҳад, то ба Буҷети давлатӣ як манбаи дигари даромад пайдо шавад. 
Файзиддин Қаҳҳорзода, вазири молияи Ҷумҳурии Тоҷикистон, соли гузашта зимни муаррифии тағйирот дар ҷаласаи Маҷлиси намояндагон изҳор дошт, ки боби алоҳида барои ба андозбандӣ ҷалб намудани шахсони хориҷӣ равона шудааст, ки тавассути интернет дар Тоҷикистон хизмат мерасонанд. 
Аз гуфтаи раҳбарони ин ду сохтори молиявии кишвар бармеояд, ки пас аз такмили Кодекси андоз аз хизматрасонии ширкатҳои бузург ба монанди «Google», «Apple», «Microsoft», «Facebook» ва дигарҳо андоз аз арзиши иловашуда ситонда шавад. 
Каъбатулло Меликзода, муовини раиси Кумитаи андоз, дар шарҳи ин тарҳ ба «Ҷумҳурият» гуфт, ки имрӯз интернет на танҳо барои ба даст овардани иттилоот истифода мешавад, балки бо истифода аз он хизматрасонии зиёди пулакӣ амалӣ мегардад. Аз ҷумла, фурӯши бозиҳои электронӣ, филмҳо, китобҳо, барномаҳои мусиқӣ, чиптаҳои ҳавопаймоӣ, иҷораи меҳмонхонаҳо, манзил, барномаҳои сафар ва дигар хизматрасониҳо, ки ҳамаи инро мо ҳамарӯза истифода мебарем. Чунин хизматрасониҳоро, асосан, ширкатҳои хориҷӣ анҷом медиҳанд, ки бо сабаби номукаммал будани қонунгузорӣ худро дар мақомоти андоз ба қайд намегиранду аз андозсупорӣ берун мемонанд.
Ин иқдом дар доираи фаъолияти Созмони байналмилалии маъмуриятҳои андози давлатҳои Аврупо (IOTA) ва Созмони ҳамкориҳои иқтисодӣ ва рушд (ОЭСР) мавриди баррасӣ қарор дорад. Дар қонунгузории андози давлатҳои аъзои ин созмонҳо низ меъёрҳои дахлдори танзимнамоии чунин муносибатҳо дар назар гирифта шудааст.
Ба андешаи Каъбатулло Меликзода, ин таҷрибаи нав набуда, дар кишварҳои ИДМ, аз ҷумла дар Россия (соли 2017), ҷумҳуриҳои Беларус (2018), Ӯзбекистон ва Молдова (2020) ва давлатҳои Иттиҳоди Аврупо ҷорӣ гардида, айни замон ҷумҳуриҳои Қирғизистону Қазоқистон низ барои ҷалби ин гуна андозбандӣ чораҷӯӣ доранд. Дар маҷмӯъ, дар қонунгузории зиёда аз 100 кишвар чунин механизми андозбандӣ амал мекунад.
 
«АНДОЗ АЗ GOOGLE» - БАРОИ ДАСТГИРИИ ШИРКАТҲОИ ВАТАНӢ 
 
- Хизматрасониҳои электронӣ (аз ҷумла, бозиҳо, наворҳо, китобҳо) бештар ба шахсони хориҷӣ тааллуқ дошта, аз ин ҳисоб даромад ба даст меоранд. Онҳо, қаблан бинобар номукаммалии санадҳои меъёрии ҳуқуқии андоз дар кишвари мо, аз андозбандӣ дур монда буданд. Бинобар ин, аз хизматрасониҳои электронии худ ба шахсони воқеии Ҷумҳурии Тоҷикистон даромад ба даст оварда, маблағи ААИ - ро ба буҷети давлатҳои қайди худ пардохт менамуданд. Чунин ҳолат фаъолияти ширкатҳои ватаниро маҳдуд намуда, байни ширкатҳои Ҷумҳурии Тоҷикистон ва шахсони хориҷӣ фазои носолими рақобатро ба вуҷуд меовард. Кумитаи андоз дар ҳамкорӣ бо Созмони ҳамкории иқтисодӣ ва рушд чанд маротиба бо намояндагони ширкатҳои «Amazon», «Booking.com», «Facebook», «Google» ва «Netflix», ки ба шахсони воқеии Ҷумҳурии Тоҷикистон хизматрасонӣ мекунанд, вохӯриҳои виртуалӣ баргузор намуд. Корҳои фаҳмондадиҳӣ ва ҳамкорӣ дар ин самт бо намояндагони Созмони ҳамкории иқтисодӣ ва рушд идома дорад, -  афзуд К. Меликзода.
 
«GOOGLE» АНДОЗ НАМЕСУПОРИДААСТ, БАЛКИ...
Бояд гуфт, ки ААИ - ро на фақат ширкати «Google», инчунин, дигар шахсони хориҷии хизматрасониҳои электронӣ ба буҷети Ҷумҳурии Тоҷикистон пардохт менамоянд. Ба монанди «Google», «Apple», «Netflix International B.V.» ва ғайраҳо низ ба андозбандӣ ҷалб мешаванд. 
Каъбатулло Меликзода гуфт, ки тағийрот ба фаъолияти ширкатҳои ватание, ки хизматрасониҳои электрониро анҷом медиҳанд, умуман, таъсир намерасонад. Ҳамчунин, ин тағйирот ба блогерҳо дар YouTube (Ютюб) тааллуқ надорад. Чунки онҳо ҳамчун шахси воқеӣ, асосан, аз ҳисоби шумораи зиёди обуначиҳо (подписчики), барои тамошои наворҳои гуногун ва дигар корҳо аз YouTube даромад ба даст меоранд, ки тибқи қонунгузории андоз даромади онҳо қаблан низ аз рӯйи андоз аз даромади шахсони воқеӣ андозбандӣ мешуданд. 
Тибқи гузориши охири Кумитаи андоз, аллакай, Facebook, Google Doodle inc, Novatech IT ltd ва Xsolla (USA) Inc худро дар портали andoz.tj ба қайд гирифтаанд.
 
Шаҳбоз АБРОР, «Ҷумҳурият»


Баёни ақида (0)    Санаи нашр: 23.04.2021    №: 81    Мутолиа карданд: 374
07.05.2021


13 МАЙ – РӮЗИ ИДИ САИДИ ФИТР

ИСТАРАВШАН. ЁРИПУЛИИ ПЕШВОИ МИЛЛАТ БА ИШТИРОКЧИЁНИ ҶБВ

СУҒД. ЗАХМИҲОИ ДАРГИРИҲОИ МУСАЛЛАҲОНА ЁРИПУЛӢ ГИРИФТАНД

Ч О Р К Ӯ Ҳ. ОҚИБАТҲОИ МУНОҚИШАИ МАРЗӢ БАРТАРАФ МЕГАРДАНД

06.05.2021


ИСФАРА. КУМАКИ ПЕШВОИ МИЛЛАТ БА ОИЛАҲОИ ШАХСОНИ ФАВТИДА

ЁРИПУЛИҲО БА СОБИҚАДОРОНИ ҶАНГИ БУЗУРГИ ВАТАНӢ

ДЕВОНИ ДУШАНБЕ - ТОШКАНД

ТАВОНОИИ НЕРУГОҲИ БАРҚИ ОБИИ “ҚАЙРОҚҚУМ” БА 176 МЕГАВАТТ МЕРАСАД

ИСТИҚЛОЛ. КӮДАКИСТОНИ ЗАМОНАВӢ БУНЁД МЕШАВАД

“ШАБЕ ДАР ОСОРХОНА”

Изҳороти G7 оид ба тағйирёбии иқлим

Ҷаҳон дар як сатр

ЛИГАИ ОЛӢ

05.05.2021


ШАҲРИ ТУРСУНЗОДА. ТАҚДИМИ КИТОБИ «ТОҶИКОН»

Байден бо Путин вомехӯрад?

ҶАҲОН ДАР ЯК САТР

ТЕКБОЛ. ФЕДЕРАТСИЯИ НАВ ДАР ФАЗОИ ВАРЗИШИИ КИШВАР

«МИЛЛАТЕ МЕЗИСТ ДАР РӮИ ЗАМИН»

ИСФАРА.ВОХӮРӢ БО СОКИНОНИ ДЕҲОТИ ВОРУХ, ЧОРКӮҲ ВА ХОҶАИ АЪЛО

ТОҶИКИСТОН ДАР МИЁНИ СММ ВА СҲШ МАСИРИ НАВИ ҲАМКОРӢ КУШОД

ТИБ ВА ДУРНАМОИ РУШДИ СОҲА. НУФУЗИ БАЙНАЛМИЛАЛИИ ДДТТ БОЛО МЕРАВАД

G7 15 МИЛЛИАРД ДОЛЛАРИ ИМА БАРОИ ТАЪЛИМИ ДУХТАРОН ҶУДО МЕНАМОЯД

ҶАҲОН ДАР ЯК САТР

ЛИГАИ ОЛӢ

САНГВОР. ОМОДАГӢ БА ҶАШНИ МИЛЛӢ ДАР НИГИНИ КӮҲИСТОНИ ТОҶИК

03.05.2021


ҶАЛАСАИ ҲАЙАТҲОИ ҲУКУМАТӢ ОИД БА ДЕЛИМИТАТСИЯ ВА ДЕМАРКАТСИЯИ САРҲАДИ ДАВЛАТӢ

ХУБ ШУД, КИ ЗАН БА ДАВЛАТ ЁР ШУД...

ҲИФЗИ МЕҲНАТ. МУШКИЛЕ, КИ ҲАЛТАЛАБ БОҚӢ МЕМОНАД

САД РАНГИ ЧАКАН

ФУТБОЛ

30.04.2021


БАРРАСИИ ДОИРАИ ВАСЕИ ҲАМКОРИҲОИ ТОҶИКИСТОНУ БОНКИ ҶАҲОНӢ

ПАРЛУМОН. ЧАҲОР ВАКИЛИ НАВ САВГАНД ЁД КАРД

ДДХ. ОҒОЗИ ОЗМУНИ ҶУМҲУРИЯВИИ ”ИЛМ – ФУРӮҒИ МАЪРИФАТ”

28.04.2021


ҶАЛАСАИ ШӮРОИ ВАЗИРОНИ МУДОФИАИ КИШВАРҲОИ УЗВИ СААД БАРГУЗОР ГАРДИД

ИММУНИЗАТСИЯ. ВАКСИНАҲО МОРО БО ҲАМ НАЗДИК МЕКУНАНД


Дар сомонаҳои дигари Тоҷикистон хонед