logo

Хабарҳо

ҶАЛАСАИ ШӮРОИ ВАЗИРОНИ МУДОФИАИ КИШВАРҲОИ УЗВИ СААД БАРГУЗОР ГАРДИД

Дирӯз дар пойтахти кишвар таҳти раёсати вазири мудофиа Шералӣ Мирзо ҷаласаи Шӯрои вазирони мудофиаи Созмони Аҳдномаи амнияти дастаҷамъӣ (СААД)  баргузор гардид.
Дар он вазирони мудофиаи Федератсияи Россия, Беларус, Қазоқистон, Қирғизистон, намояндаи вазорати мудофиаи Арманистон, Дабири кулли СААД Станислав Зас ва сардори Ситоди муштараки СААД Анатолий Сидоров иштирок намуданд.
Зимни ҷаласа вазъи минтақаҳои гуногуни давлатҳои аъзои Созмони Аҳдномаи амнияти дастаҷамъӣ, чолишҳо ва таҳдидҳои ҷаҳони муосир, чораҳои безараргардонии онҳо, рушди ҷузъи низомии созмон, ки бо назардошти воқеиятҳои имрӯза аҳамият ва муҳимияти хос пайдо мекунанд, баррасӣ шуданд.
Дар ҷаласаи пленарӣ Созишнома дар бораи салоҳият ва расондани ёрии ҳуқуқӣ дар ҳолатҳои марбут ба ҳузури муваққатии қувваҳо ва воситаҳои системаи амнияти дастаҷамъӣ дар қаламрави кишварҳои узви СААД, нақшаи чорабиниҳо бахшида ба 30-юмин солгарди имзои Созишномаи амнияти дастаҷамъӣ ва 20-солагии Созмони Аҳдномаи амнияти дастаҷамъӣ, рушди минбаъдаи ҳамкории СААД бо ИДМ ва СҲШ, муҷаҳҳаз кардани неруҳои дастаҷамъии вокуниши сареи СААД бо аслиҳаи муосир, техникаи низомӣ ва махсус, воситаҳои махсус, нақшаи омодагии муштараки мақомоти фармондеҳӣ ва ташаккули неруҳо ва воситаҳои системаи амнияти дастаҷамъии Созмони Аҳдномаи амнияти дастаҷамъӣ барои соли 2022 маъқул дониста шуданд.
Дар ҳошияи ҷаласа мулоқоти вазири мудофиаи Ҷумҳурии Тоҷикистон Шералӣ Мирзо ва вазири мудофиаи Федератсияи Россия Сергей Шойгу доир гашт.
Зимни вохӯрӣ масъалаҳои ҳамкории ҳарбӣ ва ҳарбӣ-техникӣ байни ду кишвар дар муборизаи муштарак бар зидди таҳдидҳо ва хатарҳои ҷаҳонӣ, таъмини амнияти минтақавӣ, вазъ дар Афғонистони ҳамсоя ва таҳкими ҳифзи сарҳади давлатӣ байни Тоҷикистон ва Афғонистон мавриди баррасӣ қарор гирифтанд.
Ҳамзамон, дар мулоқот Созишнома байни Ҷумҳурии Тоҷикистон ва Федератсияи Россия дар бораи ташкили системаи ягонаи минтақавии мудофиаи зиддиҳавоӣ ба имзо расид. 
 
 
МАСЪАЛАҲОИ МУБРАМИ ҲАМКОРИҲО МАТРАҲ ШУДАНД
Миёни муовини вазири молияи Тоҷикистон Юсуф Маҷидӣ ва намояндагони Агентии байналмилалии рейтингии «Moody’s» мулоқоти видеоӣ сурат гирифт.
Дар он ҷонибҳо нишондиҳандаҳои асосии макроиқтисодӣ ва фискалӣ, самтҳои афзалиятноки иқтисодиёти Тоҷикистон, масъалаҳои вобаста ба сиёсати фискалии кишвар, мудирияти қарзи хориҷӣ ва ҷалби сармоягузориҳои хориҷиро матраҳ намуданд.
Дар анҷоми вохӯрӣ мусоҳибон изҳори бовар карданд, ки ҳамкорӣ байни Вазорати молияи Ҷумҳурии Тоҷикистон ва Агентии байналмилалии рейтингии «Moody’s» дар оянда низ ба таври самаранок рушд меёбад.
 
 
БАРРАСИИ ЛОИҲАИ БАРНОМАИ МИЁНАМУҲЛАТИ РУШДИ ТОҶИКИСТОН 
Дар  ҷаласаи навбатии Шӯрои ҷамъиятии Ҷумҳурии Тоҷикистон лоиҳаи «Барномаи миёнамуҳлати рушди Ҷумҳурии Тоҷикистон барои солҳои 2021 – 2025» ба сифати марҳилаи дуюми татбиқи Стратегияи миллии рушди Ҷумҳурии Тоҷикистон барои давраи то соли 2030 баррасӣ шуд.
Муовини якуми вазири рушди иқтисод ва савдо Ашӯрбой Солеҳзода ба аъзои шӯро лоиҳаро муаррифӣ карда, доир ба ҳадафу афзалият, тадбирҳо, дурнамо, натиҷаҳои пешбинишуда, нақшаи амалҳо ва хусусияти фарқкунандаи он аз барномаи қаблӣ маълумот дод.
Дар ҷаласа кормандони масъули Дастгоҳи иҷроияи Президенти ҷумҳурӣ, парлумон, доираи васеи намояндагони ҷомеаи шаҳрвандӣ, аз ҷумла ҳизбҳои сиёсӣ, ассотсиатсияҳо, олимону коршиносон, иштирок намуда, доир ба барнома ва аҳамияти татбиқи он табодули назар карданд.
Пас аз баррасиҳо, лоиҳаи «Барномаи миёнамуҳлати рушди Ҷумҳурии Тоҷикистон барои солҳои 2021 – 2025» аз ҷониби аъзои Шӯрои ҷамъиятии Ҷумҳурии Тоҷикистон баҳои баланд гирифт.
 


Баёни ақида (0)    Санаи нашр:    №:    Мутолиа карданд: 444
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед