logo

фарҳанг

САБТ АСТ ДАР ҶАРИДАИ ОЛАМ ДАВОМИ МО. АЗ ТАҶЛИЛИ 110-УМИН СОЛГАРДИ ЗОДРӮЗИ ҚАҲРАМОНИ ТОҶИК

Бахшида ба 110 - солагии Шоири халқии Тоҷикистон, Қаҳрамони Тоҷикистон устод Мирзо Турсунзода дар Муассисаи давлатии таълимии “Донишкадаи давлатии фарҳанг ва санъати Тоҷикистон ба номи Мирзо Турсунзода”  бо иштироки  Саломиён Муҳаммаддовуд,  муовини аввали вазири маориф ва илми Ҷумҳурии Тоҷикистон, Манучеҳр Шарифзода, муовини вазири фарҳанг, Миралӣ Достизода, ректори Консерваторияи миллӣ ва дигар намояндагони фаъоли кишвар, ҳайати профессорону устодон ва донишҷӯёни донишкада ду чорабинии муҳими фарҳангӣ - пардабардорӣ аз рӯйи нимпайкараи устод Турсунзода ва Конфронси ҷумҳуриявии илмию назариявӣ дар мавзӯи “Нақши Мирзо Турсунзода дар рушди адабиёт ва фарҳанги миллӣ” доир гардид. 
Нахуст таҳти навои мусиқии марғуб парда аз рӯи нимпайкараи устод Мирзо Турсунзода бардошта, бо қироати шеъру пораҳо аз достонҳояш хотири фарзанди фарзонаи миллатро гиромӣ доштанд.
Сипас, меҳмонон ва устодону донишҷӯён ба толори “Арғунун” ташриф оварда, дар Конфронси ҷумҳуриявии илмию назариявӣ ширкат варзиданд. 
- Меҳри устод Мирзо Турсунзода дар ошёни баландтарин - дили мардум маъво гирифтааст ва халқ хотираи неки фарзанди маҳбуби хешро то абад ҳифз хоҳад кард. Шоири башардӯст дар хонаи дили худ на танҳо меҳру муҳаббати халқи азизаш, балки озодихоҳони ҷаҳонро низ ҷой дода буд. 
Мирзо Турсунзода бо фарҳангу миллати худ ҳамеша мефахриду миллат бо ин фарзанди боистеъдоду некномаш. Шоир ҳамеша мекӯшид, ки ба миллату Ватани худ хизмати  шоиста намояд, бо халқ ҳамнафасу ҳамқадам бошад, суханро ба манфиати давлат ва ҷамъият истифода барад. Ашъори дилпазири шоир муҳимтарин масъалаҳои ҳаёти мамлакат, дарди миллат ва орзуву ормонҳои ӯро  дар бар мегиранд. Гуфта шуд, ки айни замон онҳо на танҳо арзишҳои олии иҷтимоии халқи тоҷик, балки  идеалҳои  инсонпарваронаи дигар миллатҳоро низ ифода намуда, ба манфиати пешрафти иҷтимоӣ, сулҳ ва ҳамкории халқҳои ҷаҳон хизмат мекунанд. Бесабаб нест, ки асарҳои шоири шуҳратёри тоҷик ба беш аз панҷоҳ забони халқҳои ҷаҳон тарҷума шудаанд, - иброз дошт Муҳриддин Низомӣ, ректори донишкада, доктори илмҳои филология, профессор. 
Саломиён Муҳаммаддовуд, Мирзо Турсунзодаро тараннумгари дӯстии халқҳо шумурд.  Гуфт, ки ҷаҳониён ӯро ҳамчун арбоби ҷамъиятӣ, публитсист, вассофи шуълавари дӯстиву бародарии халқҳо эътироф намудаанд. 
Фирӯза Турсунзода, духтари устод, барои дар сатҳи баланд таҷлил намудани 110 -  солагии падари бузургвораш изҳори сипос карда, хотироти хешро аз ҳаёту фаъолияти қиблагоҳаш  ба ёд овард.
Тамара Махсумова, собиқ ректори донишкада, аз сафаре ба шаҳри Боку ёдовар шуд, ки ҳамроҳи академик Бобоҷон Ғафуров ва устод Мирзо Турсунзода барои иштирок дар конфронси байналмилалӣ  рафта буд. Ӯ бо ифтихор зикр кард, ки ин ду абармарди миллатро ҳамагон бо нидоҳои “Ғафуров, Ғафуров, Ғафуров!” ва “Турсунзода, Турсунзода, Турсунзода!” истиқбол гирифта, зимни суханрониашон борҳо кафкӯбиҳои бардавом намуданд. Ин аз он шаҳодат медод, ки фарзандони содиқи Тоҷикистони маҳбубро дар саросари собиқ Иттиҳоди Шӯравӣ ва ҷаҳон шинохтаву эътироф мекардаанд.
 
Гулнисои САЪДОНШО, “Ҷумҳурият”


Баёни ақида (0)    Санаи нашр: 04.05.2021    №: 89    Мутолиа карданд: 490
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед