logo

иқтисод

ЧИПТАБИЗНЕС. КӢ БОЯД ПЕШИ РОҲИ БЕСАРУСОМОНИҲОРО ГИРАД?!

Аз аввали моҳи апрел баъди иҷозати расмии парвозҳо ба самти Душанбе -Москва талабот ба чипта ончунон боло рафт, ки нархи он то 18 ҳазор сомонӣ расид. Навбатпоии сокинон ҳадду канор надошт. Ҳарчанд пас аз андешидани тадбирҳои зарурӣ аз ҷониби мақомоти дахлдор арзиши чипта ба 8 ҳазору 690 сомонӣ пойин фаромад, ҳанӯз ҳам аз нархи муқарраргардида зиёд аст.
 
АЗ НОҲАҚҚИИ ШИРКАТҲО ТО ФУРСАТТАЛАБИИ МИЁНАРАВҲО
Агентии авиатсияи граждании назди Ҳукумати Ҷумҳурии Тоҷикистон нахуст аз рӯзҳои парвози ҳавопаймо ба самти Россия ва авҷи талабот ба чипта шаҳрвандонро итминон дод, ки фурӯши чиптаҳо таҳти назорати қатъӣ гирифта мешавад.
Икром Субҳонзода, директори агентӣ, иброз дошт, ки арзиши чиптаи рафтуомад миёни Душанбе ва Москва набояд аз 500 доллари амрикоӣ баланд бошад. Албатта, вақте ки талабот меафзояд, нарх метавонад баланд шавад, вале на бештар аз 250 - 350 доллар, дар ҳоле ки арзиши аслии чипта дар рӯзҳои муқаррарӣ то 200 доллар буда метавонад. Дар ҳар ду ҳолат, ширкатҳои ҳавоӣ ҳақ надоранд, ки аз муштариён беш аз 500 доллар ситонанд.
Ба андешаи мутахассисон, дар баробари ширкатҳои ҳавоӣ, ки аз ҷониби онҳо фурӯши чипта берун аз нархнома сурат мегирад, аз фурсат истифода бурдани миёнаравҳо вазъро дучанд мушкил сохт. Ҳолати баамаломада зери назорати ҷиддии мақомоти ҳифзи ҳуқуқ қарор дорад. Тавре аз маркази матбуоти раёсати Вазорати корҳои дохилӣ дар шаҳри Душанбе, иттилоъ доданд, қатъи назар аз чораандешии мақомоти ваколатдор ҳолати ба таври сунъӣ боло бурдани нархи чипта ба қайд гирифта шуд. Аз ҷониби кормандони милитсияи пойтахт зимни корҳои фаврӣ - ҷустуҷӯӣ Нуриддин Шарифов, истиқоматкунандаи шаҳри Ваҳдат, ки қаблан ду маротиба бо ҷурмҳои гуногун суд шудааст, бо шаҳрванд Саховат Қодирова, хазиначӣ дар нуқтаи фурӯши чиптаҳои ҳавопаймо дар ширкати “Зур-Тур”, маслиҳат намуда, ба муштариён чиптаҳои ҳавопайморо аз нархи муқарраргашта гарон фурӯхтанд, дастгир шуданд.
 
ЧИПТА ЯК - НАРХ ГУНОГУН
Бо маслиҳати пешакӣ пинҳонӣ ба фурӯш баровардани чипта, воқеан ҳам, боиси нигаронии сокинон гашта, онҳо бо ҳар роҳу восита бо нархҳои гуногун чипта мехаранд. Дар назди нуқтаи асосии фурӯш, воқеъ дар кӯчаи Нисор Муҳаммадӣ, муштариён аз харидани як чипта, аммо бо арзиши гуногун (баъзе 7 ҳазор сомонӣ, баъзеи дигар 8-9 ҳазор) гуфтанд. Камина дар рӯзҳои аввали кушодашавии хатсайри Душанбе - Москва аз рӯи зарурат бо арзиши 12 ҳазор сомонӣ чипта харидам. Яъне, чипта нархи муайян надорад. Он аз даст ба даст нархи ҳархела пайдо кард ва ин, бешубҳа, кори миёнаравҳост. Бо наздик шудан ба хазинаи фурӯш аввалин чизе, ки аз ҷониби хазинадор пурсида мешавад, чипта барои кадом сана лозим? Агар дар посух муҳлат то 15 май ироа гардад, нархи чипта ду баробар зиёд мешавад. Ширкатҳо, ки аз рӯи нархнома кор набурда, чиптаро беш аз 500 доллар фурӯхтанд, ҷамъ бо маблағи илованамудаи миёнаравҳо арзиши он гарон афтод. Яъне, “айб ҳам дар ош ҳасту ҳам дар мош”.
- Дар сурати сар задани чунин ҳолатҳо шаҳрвандони кишвар бояд ба сохторҳои дахлдор дар бораи қонуншиканӣ хабар диҳанд, - гуфт Икром Субҳонзода.
 
АГЕНТӢ: “МАРДУМ БОЯД ДУРУСТ ДАРК КУНАД”
Ёдовар мешавем, ки ҳоло парвоз ба самти Федератсияи Россия дар як ҳафта ду маротиба аз ҷониби ширкатҳои “Сомон эйр” ва “ЮТэйр” анҷом дода мешавад. Парвозҳо бо назардошти он ки қаблан тақрибан 12 маротиба ба шаҳрҳои гуногуни Россия амалӣ мешуданд, кофӣ нестанд. Вале хоҳишмандони сафар ба Россия ҳамоно хеле зиёданд. Дар ин маврид, Агентии авиатсияи гражданӣ аз шаҳрвандон даъват менамояд, ки вазъи мавҷударо дуруст дарк намоянд, зеро хатсайрҳои ҳавоӣ миёни кишварҳо, аз ҷумла Тоҷикистону Россия баъд аз авҷи пандемия дар саросари ҷаҳон акнун кушода шуда истодаанд. Агентӣ, ҳамчунин, овоза атрофи фурӯши чиптаро, ки гӯё он танҳо то моҳи июн фурӯхта мешавад, рад кард. Барои боз ҳам  (яъне аз 8 ҳазору 690 сомонӣ) кам кардани нархи чипта ва зиёд намудани теъдоди парвозҳо ба самти Душанбе - Москва агентӣ маротибаи дуюм бо ширкатҳои ҳавоии Россия, аз ҷумла “ЮТэйр”, “Сибирь”, “Уральские авиалинии” ва “Северный ветер”,  гуфтушунид анҷом дод. Дар доираи он дар назар аст, ки масъалаи мазкур ояндаи наздик ҳалли худро меёбад. 
 
Оҳистамоҳ ВАФОБЕК, “Ҷумҳурият”


Баёни ақида (0)    Санаи нашр: 19.05.2021    №: 98    Мутолиа карданд: 497
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед