logo

маориф

ВМКБ. ФАРОГИРӢ БА МУАССИСАҲОИ ТОМАКТАБӢ ҚОНЕЪКУНАНДА НЕСТ!

Яке аз самтҳои асосии соҳаи маориф ин фарогирии ҳар чи бештари кӯдакони хурдсол ба муассисаҳои томактабӣ мебошад.Солҳои охир дар ин самт гомҳои устувор гузошта шуда, ба бунёд ва таъсиси  муассисаҳои томактабӣ, аз ҷумла кӯдакистонҳо таваҷҷуҳи бештар равона мегардад. Дар бобати пешбурди фаъолияти онҳо ва фарогирии  кӯдакони синну соли томактабӣ ба чунин муассисаҳо дар Вилояти  Мухтори  Кӯҳистони Бадахшон кадом корҳо роҳандозӣ гардидаанд?
 
Дар робита ба вазъи фаъолияти муассисаҳои томактабӣ  сардори раёсати маорифи вилоят Одинашо Мардов чунин ибрози назар намуд: 
 - Дар Ҷумҳурии Тоҷикистон вобаста ба иҷрои барномаҳои давлатии соҳаи маориф дар самти таҳкиму пешбурди фаъолияти муассисаҳои томактабӣ асосан ду барнома амал менамояд. Якум, Барномаи панҷсолаи рушди таҳсилоти томактабӣ  дар Ҷумҳурии Тоҷикистон барои солҳои 2020-2025 ва дигар, Барномаи сохтмон ва таъсиси муассисаҳои таҳсилоти томактабӣ ва миёнаи умумии хусусӣ. 
Президенти Ҷумҳурии Тоҷикистон муҳтарам Эмомалӣ Раҳмон вазъияти мураккаби  фарогирии кӯдакон ба  муассисаҳои  томактабиро ба назар гирифта, дар Паёми худ ба Маҷлиси Олии ҷумҳурӣ аз соли 2019 таъкид намуданд, ки ба афзоиши  шумораи ин муассисаҳо дар тамоми манотиқи кишвар аҳамияти даркорӣ дода шавад. Дастур дода шуд, ки дар ҳар деҳае, ки зиёда аз 100 хоҷагӣ дорад, бояд   кӯдакистон бунёд  ва мавриди баҳрабардорӣ қарор гирад.
Дар асоси дастури Президенти мамлакат то Ҷашни 30 - солагии Истиқлолияти давлатии Ҷумҳурии Тоҷикистон бояд фарогирии кӯдакон ба муассисаҳои томактабӣ ба 40 дарсад расонда шавад. Айни ҳол фарогирии кӯдакон ба кӯдакистонҳо дар вилоят ба 34 фоиз расидааст. Дар миқёси вилоят 26 кӯдакистон ва 297 маркази инкишофи барвақтии кӯдак фаъолият менамоянд. Аз ин шумора 12 муассиса дар деҳот, боқимонда дар марказҳои ноҳияҳо ва шаҳри Хоруғ амал мекунанд. Ҳамзамон, дар вилоят 13 маркази хусусии инкишофи барвақтии кӯдак, аз ҷумла 11 – то дар шаҳри Хоруғ, 1 муассиса дар ноҳияи Шуғнон ва 1 марказ дар ноҳияи Ишкошим фаъолият менамоянд, ки онҳо аз тарафи Хадамоти Оғохон оид ба маориф ва дигар шарикони рушд сохта шуда, дорои шароити хуби замонавӣ ва бо тамоми таҷҳизот муҷаҳҳаз мебошанд. Мураббиён ва хонандагон ба муассисаҳои томактабии хусусӣ тариқи озмун қабул шудаанд.
Соли 2020 аз тарафи мақомоти иҷроияи ҳокимияти давлатии вилоят бинои дуюми кӯдакистони рақами 1 шаҳри Хоруғ  ба истифода дода шуд. Айни ҳол аз тарафи Дирексияи сохтмонии иншоотҳои ҳукуматии Дастгоҳи иҷроияи Президенти Ҷумҳурии Тоҷикистон дар ноҳияи Ванҷ сохтмони кӯдакистон барои 200 нафар давом дорад. Ҳамчунин, дар соли 2020 кӯдакистони рақами 2 шаҳри Хоруғ аз таъмири ҷорӣ бароварда шуда, кӯдакистони рақами 5 аз тарафи Донишгоҳи Осиёи Миёна азнавсозӣ гардид. Ҳоло сохтмони кӯдакистонҳо дар ноҳияҳои Шуғнон, Рӯшон ва Роштқалъа идома дорад.  Бо вуҷуди ин, вазъи фарогирии  кӯдакон ба муассисаҳои томактабиро дар вилоят наметавон  қонеъкунанда арзёбӣ кард.  Дар ҳоле ки  теъдоди кӯдакони аз 1 то 6 - сола дар шаҳру деҳоти вилоят  25119 нафарро ташкил менамояд, ҳамагӣ 2144 нафар дар кӯдакистонҳои давлатӣ тарбия гирифта, 6465 нафарашон ба марказҳои инкишофи барвақтии  кӯдак, ки  ғайрибуҷетӣ мебошанд, фаро гирифта шудаанд. 
Боиси нигаронист, ки дар вилоят айни ҳол 16510 нафар кӯдакони синну соли  томактабӣ  аз тарбия дар чунин муассисаҳо  дар канор мондаанд. Дар муассисаҳои томактабии мавҷуда ҳам  то ба ҳол мушкилиҳои зиёде ҷой доранд, ки ба фаъолияти босамари онҳо  халал ворид месозанд. Нарасидани маблағ ҷиҳати таъмини муассисаҳо бо маводи хӯрокаву аёният барои машғулиятҳо, ташкилу гузарондани семинару машваратҳо барои мураббияҳо ва омӯзгорон аз мушкилоти асосии соҳа маҳсуб меёбанд. 
Вале дастуру супоришҳои  роҳбарияти  олии кишварро дар бобати афзалияти бештар ба самти тарбияи томактабии кӯдакон ба роҳбарӣ гирифта, раёсати маорифи вилоят бо дастгирии мақомоти иҷроияи маҳаллии ҳокимияти давлатӣ, Вазорати маориф ва илми  Ҷумҳурии  Тоҷикистон дар ҳамкорӣ бо шарикони  рушд ва соҳибкорони маҳаллӣ ҷиҳати бунёд ва таъсиси муассисаҳои нави тарбияи томактабӣ, беҳтар намудани шароити таълиму тарбия дар  кӯдакистонҳо чораҳои мушаххас роҳандозӣ менамояд. Ба кор андохтани иншооти нави соҳа дар шаҳру ноҳияҳои вилоят то Ҷашни  30 – солагии Истиқлолияти давлатӣ аз ҷумлаи ин тадбирҳо мебошад.
 
Раҳмони ГУЛЗОР, 
“Ҷумҳурият”
 


Баёни ақида (0)    Санаи нашр: 01.06.2021    №: 107 - 108    Мутолиа карданд: 5456
07.07.2022


Вохӯрии вазири молия бо Ули Маурер

МУЛОҚОТИ ҲОКИМ ХОЛИҚЗОДА БО ДИРЕКТОРИ ХБА

Зарбаи таҳримот ба иқтисоди ҷаҳонӣ

Ҷаҳон дар як сатр

“ШИРКЕНТ”. ҚАБУЛИ 1200 НАФАР ДАР ЯК МАВСИМ ДАСТОВАРДИ КАМ НЕСТ

05.07.2022


Рӯзҳои фарҳанги Тоҷикистон дар Арабистони Саудӣ дар назар аст

Шаббос дар «Ҷоми Элорда – 2022» мақоми сеюмро гирифт

Суҳбати телефонии Токаев бо Мирзиёев

Ҷаҳон дар як сатр

ДОНИШГОҲИ МИЛЛӢ. 299 ХАТМКУНАНДА СОҲИБИ ДИПЛОМИ СУРХ ШУД

Ҷаласаи Шурои вазирони адлияи давлатҳои ИДМ

01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР


Дар сомонаҳои дигари Тоҷикистон хонед