logo

Хабарҳо

СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

- Тибқи талаботи моддаи 13 Конститутсияи Ҷумҳурии Тоҷикистон, об моликияти истисноии давлат мебошад ва давлат истифодаи самараноки онро ба манфиати халқ кафолат медиҳад. Амали шахсони воқеӣ ва ҳуқуқӣ, ки рӯирост ё пинҳонӣ ҳуқуқи моликияти давлатиро ба об вайрон мекунанд, мувофиқи қонунгузории кишвар боиси ҷавобгарӣ мегардад. Мутаассифона, таҷрибаи судии ҳалли баҳсҳо оид ба масъалаҳои об дар шаҳру ноҳияҳои минтақаи Суғд собит намуд, ки истифодаи дурусти об ва сари вақт пардохт нагардидани ҳаққи истифодаи он аз мушкилоти ҳалталаб боқӣ мемонад. Тайи се соли охир, дар маҷмӯъ, 32 даъво ба маблағи 11 миллиону 519 ҳазору 400 сомонӣ ба суди иқтисодии вилоят ворид гардида, аз ин танҳо 12 даъво ба маблағи беш аз 2 миллион сомонӣ иҷро гардид.
Бо зикри ин нукта муовини раиси cуди иқтисодии вилояти Суғд Раҳмоналӣ Исмоилзода, дар доираи суҳбати гирди миз вобаста ба мавзӯи «Мушкилоти об дар пешорӯи ҷаҳон» ва «Баррасии баҳсҳо оид ба масоили об дар судҳои иқтисодӣ» гуфт, ки бо назардошти аҳамияти об ба сарсабзиву шукуфоӣ ва зироатҳои кишоварзӣ, он неъмати ҳаётан муҳим барои ҳар мамлакат ва сокинонаш мебошад. Рушди тамоми соҳаҳои афзалиятнок аз фарҳанги дурусту истифодаи мақсадноки он вобаста аст. Сари вақт пардохт намудани маблағи оби истифодашуда омили пешбарандаи иқтисодӣ ва боло бурдани сатҳи зиндагии мардум мебошад. 
- Мутаассифона, таҳлилу санҷишҳо ва таҷрибаи судии судҳои иқтисодии шаҳру ноҳияҳои минтақаи Суғд нишон медиҳанд, ки дар самти истифодаи мақсадноку оқилонаи об, ҳамчунин, сари вақт барнагардондани маблағи хаққи истифодабарии он мушкилоти зиёд ҷой доранд.
Ба таъкиди Раҳмоналӣ Исмоилзода, агар аз як ҷониб истифодаи нодурусти тақсимоти об ва сари вақт пардохт нагардидани маблағи истифодашудаи он бошад, омили дигар ин омӯзиши нопурраи даъвоҳо аз ҷониби судяҳои суди иқтисодӣ ва бемасъулиятии обистифодабаранда, хоҷагиҳои деҳқонӣ дар иҷрои уҳдадориҳои худ миёни обтаъминкунанда – ассотсиатсияҳо боиси сар задани чунин ҳолатҳо гардидааст. Аз ҷумла, бо назардошти мавҷудияти мушкилот дар самти сари вақт пардохт накардани маблағи об ва фаъолияти ғайриқаноатбахши ассотсиатсияҳо, ки ягона ниҳоди миёнарав дар бахши обтаъминкунӣ ва пардохтҳои аъзоҳаққиву ҷамъоварии маблағ мебошанд, аз соли 2018 то имрӯз иҷрои 17 ҳолати рӯёндани маблағи оби истифодашуда дар ҳаҷми 8 миллион сомонӣ таъмин нагардидааст. Бо вуҷуди ин, ассотсиатсияҳо бо даъвоҳои комилан беасос обистифодабарандагонро барои сари вақт пардохт накардани ҳаққи маблағи об сабабгор медонанд. Ҳоло он ки ҳангоми баррасии даъвоҳо маълум мегардад, ки обистифодабаранда ҳаққи маблағи обро сари вақт дар доираи шартномаи ҳамкорӣ пардохт намудааст, аммо ассотсиатсияҳо маблағи ҷамъоваришударо ба идораҳои давлатии беҳдошти замин ва обёрии шаҳру ноҳияҳо намесупоранд, ки оқибати ин амал ба пайдо шудани омилҳои коррупсионӣ имкон медиҳад. 
- Танҳо дар 5 моҳи соли ҷорӣ 2 даъво барои баррасӣ ба маблағи 178 ҳазору 730 сомонӣ ба суди иқтисодии вилоят ворид гардида, ҳар ду даъво бо сабаби ҷой доштани мушкилоти болозикр қисман ба манфиати даъвогарон қонеъ гардонда шуданд,  - гуфт номбурда. 
 
Муҳаммад САИДВАЛӢ, «Ҷумҳурият»


Баёни ақида (0)    Санаи нашр:    №:    Мутолиа карданд: 636
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед