logo

маориф

БАЛҶУВОН. МАСЪУЛИЯТИ ОМӮЗГОРОН ДАР КАМОЛОТИ МАЪНАВИИ НАСЛИ НАВРАС МЕАФЗОЯД

 
Соҳаи маориф, ки ҳадафи умдаи он тарбияи насли наврас ва омода намудани мутахассисони оянда ба ҳисоб меравад, пайваста дар маркази таваҷҷуҳи давлату Ҳукумати кишвар қарор дорад. Рушди тамоми соҳаҳои хоҷагии халқи ҷумҳурӣ аз тайёр кардани кадрҳои баландихтисос вобаста мебошад. Пешвои муаззами миллат муҳтарам Эмомалӣ Раҳмон рушди соҳаи маорифро самти афзалиятнок ҳисобида, ҳамасола барои бунёди муассисаҳои таълимӣ, биноҳои таълимии иловагӣ, инчунин, муҳайё намудани шароити мусоид барои донишандӯзии хонандагон тадбирҳои заруриро роҳандозӣ менамоянд. Бояд эътироф намуд, ки дастоварду пешравиҳо дар ин соҳаи ҳаётан муҳиму калидӣ давоми беш аз ду даҳсола бесобиқа арзёбӣ мегардад. 
Тавре Умеда Бекова, мудири шуъбаи маорифи ноҳияи Балҷувон, ба хабарнигори махсуси «Ҷумҳурият» иброз дошт, муҳимтарин омили комёбӣ дар соҳаи маориф таълиму тарбия аст, зеро омӯзгори фаъолу кордон, дониши баланди касбидошта, бузургтарин дороӣ ва калиди дари ганҷинаи маънавии ҳар маърифатгоҳ мебошад. Чуноне ки Сарвари давлат дар паёмашон иброз доштанд, агар омӯзгор сатҳи баланди касбият надошта бошад, мо ҳеҷ гоҳ ва бо ягон восита  сифати таълиму тарбияро беҳтар карда наметавонем.
Бояд гуфт, ки ноҳияи Балҷувон зодаи даврони истиқлол буда, соли 1996 таъсис ёфтааст. Давоми 23 сол дар баробари дигар соҳаҳо рушди соҳаи маориф низ таъмин гардида, ба бунёду навсозии зиёда аз 34 муассисаи соҳаи маориф заминаи воқеӣ гузошта шуд.
Дар соли 2020 дар ҷамоатҳои деҳоти Сайф Раҳим, Балҷувон, Сафар Амиршоев, Сари Хосор ва Тоҷикистон 4 муассисаи таҳсилоти миёнаи умумӣ, 1 муассисаи таҳсилоти умумии асосӣ ва 2 муассисаи таҳсилоти умумии ибтидоӣ, ки дар ҳолати садамавӣ қарор доштанд, навсозӣ гардида, мавриди баҳрабардорӣ қарор гирифта, сохтмони 3 муассисаи таълимӣ ва 12 синфхонаҳои иловагии дигар идома дорад. Инчунин, гимназияи давлатии ноҳия аз таъмири асосӣ бароварда шуд.
Ҳоло дар 49 муассисаи таълимии ноҳия  7 ҳазору 150 хонанда ба таҳсил фаро гирифта шудааст, ки ба онҳо 701 омӯзгор, аз ҷумла 193 нафар зан, ба таълиму тарбияи насли наврас машғуланд. Ҳамчунин, дар 2 муассисаи томактабӣ 92 кӯдак ба таълиму тарбия фаро гирифта шуда, дар назди 15 муассисаи таълимии ноҳия 264 нафар кӯдаки синни 5-6 - сола ба маркази инкишофи кӯдакон фаро гирифта шудаанд. Дар соли сипаришуда аз тарафи роҳбари гурӯҳи корӣ оид ба Ҷашни 30 - солагии Истиқлолияти давлатии Ҷумҳурии Тоҷикистон, раиси Кумитаи андози назди Ҳукумати Ҷумҳурии Тоҷикистон Нусратулло Давлатзода ба шуъбаи маорифи ноҳияи Балҷувон 300 миз ва 600 курсӣ барои муассисаҳои таълимӣ ворид гардид, ки ин иқдоми нек барои донишомӯзии хонандагону наврасон буд. Натиҷаи ҳамин дастгирию ғамхориҳои давлату Ҳукумати кишвар нисбат ба соҳаи маориф буд, ки дар олимпиадаҳои ноҳиявӣ, вилоятӣ ва ҷумҳуриявӣ 843 хонандаи муассисаҳои таълимии ноҳия ширкат варзида, 19 хонанда сазовори ҷойҳои якум, дувум ва сеюм дар даври вилоятӣ ва 1 нафар сазовори ҷойи дувум дар олимпиадаи ҷумҳуриявӣ гардид. Дар озмуни «Фурӯғи субҳи доноӣ китоб аст» 10 намояндаи ноҳия дар даври вилоятӣ ширкат варзида, 1 нафар бо сипосномаи мақомоти иҷроияи ҳокимияти давлатии вилояти Хатлон сарфароз гардид. Итминони комил дорем, ки рушди соҳаи маорифи ноҳия дар партави сиёсати созандаву хирадмандонаи Пешвои муаззами миллат боз ҳам вусъати бештар ёфта, 30 – солагии Истиқлолияти давлатии Ҷумҳурии Тоҷикистонро сазовор истиқбол хоҳем гирифт, -  афзуд Умеда Бекова.
 
Холназар КАСИРОВ, «Ҷумҳурият»


Баёни ақида (0)    Санаи нашр: 10.06.2021    №: 116    Мутолиа карданд: 4804
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед