logo

Хабарҳо

АЗ НИШАСТҲОИ МАТБУОТӢ

ВАЗОРАТИ АДЛИЯ.  СОМОНА АЗ НАВ ФАЪОЛ МЕГАРДАД
Вазорати адлия ҷиҳати мутобиқнамоӣ ба талаботи Конститутсия ва қонунҳо, инчунин бо мақсади бартараф намудани ихтилофу норасоиҳо дар санадҳои меъёрии ҳуқуқӣ 4 лоиҳаи Қонуни Ҷумҳурии Тоҷикистон (як қонуни том), 7 лоиҳаи қарори Ҳукумати Ҷумҳурии Тоҷикистонро таҳия намудааст. Дар ин бора Музаффар Ашуриён, вазири адлия, дар нишасти матбуотӣ хабар дод.
Ба саволи хабарнигори «Ҷумҳурият» дар иртибот ба фаъол набудани сомонаи вазорат (охирин хабар таҳти унвони «Чорабинӣ баҳри ҳифзи кӯдакони зери таъсири муҳоҷират қарордошта» 26 феврали соли 2021 нашр шудааст) Музаффар Ашуриён чунин посух дод: «Дар ҳақиқат, фаъолияти баъзе паҳлуҳои вазорат нашр намегардад. Дар иртибот ба ин, мо шахси масъули сомонаро вазифадор кардем ва ин мушкилӣ ҳалли худро хоҳад ёфт». 
Маҳмуд МИРЗОЁН, «Ҷумҳурият»
 
 
 
ДАЛЕР ҶУМЪА:  «12 ЛОИҲАИ ДАВЛАТИИ САРМОЯГУЗОРӢ ТАТБИҚ ХОҲАД ШУД”
Далер Ҷумъа, вазири энергетика ва захираҳои об, зимни нишасти матбуотӣ гуфт, ки вазорат бо дастгирии Ҳукумати мамлакат дар баробари бунёди неругоҳҳои барқи обии нав, ба масъалаи барқарор намудани иқтидорҳои мавҷуда низ таваҷҷуҳи хоса зоҳир менамояд. Ҳоло корҳои таҷдиду навсозии неругоҳҳои барқи обии «Норак», «Сарбанд» ва «Қайроққум» идома дошта, баъди таҷдиди пурра тавоноии умумии ин се неругоҳ нисбат ба тавоноии воқеии имрӯзаи онҳо 374 МВт афзоиш меёбад. 
Ба гуфтаи ӯ, ҳоло дар соҳаҳои энергетика ва захираҳои об 12 лоиҳаи давлатии сармоягузорӣ дар марҳилаи татбиқ қарор доранд, ки дар доираи онҳо 1,3 миллиард доллари амрикоӣ ҷалб шудааст. Илова бар ин, татбиқи ҳафт лоиҳаи дигар дар Вилояти Мухтори Кӯҳистони Бадахшон, аз ҷумла «Сохтмони неругоҳи барқи обии Себзор», «Электрофикатсияи деҳот», «Бунёди хати интиқоли барқи 110 кВ Хоруғ-Шуғнон» – марҳилаи 1, «Бунёди хати интиқоли барқи 110 кВ Хоруғ-Шуғнон» – марҳилаи 2, «Марҳилаи ҳафтуми лоиҳаи Шуғнон ё худ ҷорӣ намудани низоми электронии пардохти ҳаққи неруи барқ», «Бунёди хати интиқоли барқи 110 кВ барои пайвасткунии Дарвоз - Ванҷ ба шабакаҳои асосии ширкати «Помир Энерҷӣ» ва лоиҳаи  хусусии  энергетикии  Помир - марҳилаи 3  бо маблағи 96,9  миллион доллар идома дорад.
 
Кароматулло АТО,  
“Ҷумҳурият”
 
 
 
БОЛОРАВИИ НАРХИ САБЗӢ.  ВАЗИРИ КИШОВАРЗӢ САБАБҲОИ ОНРО ШАРҲ ДОД 
Мувофиқи маълумотҳои оморӣ, дар нимсолаи якуми соли равон дар ҳамаи шаклҳои хоҷагидории ҷумҳурӣ ҳаҷми умумии маҳсулоти кишоварзӣ ба беш аз 12 миллиарду 375 миллион сомонӣ расонда шуд, ки нисбат ба ҳамин давраи соли гузашта 8,1 дарсад зиёд мебошад. Афзоиш дар соҳаи рустанипарварӣ ва чорводорӣ мутаносибан 8,5 ва 7 дарсадро ташкил дод.  Ин рақам зимни нишасти матбуотии Вазорати кишоварзӣ манзури рӯзноманигорон гашт. 
Вазири кишоварзӣ Сулаймон Зиёзода сабабҳои ҷаҳиши нархи сабзиро дар мавсими имсола шарҳ дод: 
«Соли гузашта дар майдони беш аз 80 ҳазор гектар сабзӣ коштем. Нархи як килои он дар полиз 40 – 50 дирам буду то расидан ба дасти истеъмолгарон як сомониро ташкил дод. Дар анбору сардхонаҳо низ захира намудем. Ин мавсим сардиҳои моҳи ноябр – декабр ва март таъсири худро ба кишти сабзӣ расонд. Майдони он дар муқоиса бо соли гузашта 185 гектар кам шуд. Аз ин рӯ, нарх боло рафт. Аз 15 июл сар карда нархи сабзӣ дар бозорҳои ҷумҳурӣ коҳиш ёфт. Деҳқонони шаҳру ноҳияҳои Истаравшан, Деваштич ва вилояти Хатлон дар таъмини фаровонии бозор бо ин маҳсулот саҳми бештар доранд. Як килограмм сабзӣ дар саҳро ҳоло 3 – 4 сомонист. Дар бозорҳои шаҳри Душанбе 6 – 8, Суғд 4 – 5, Хатлон 5 – 6 ва ВМКБ 6 – 8 сомонӣ. 
Бояд нақшабандӣ кунем, ки ба кадом навъи маҳсулот чӣ қадар ниёз ҳаст ва бо корҳои тарғиботӣ инро ба кишоварзон фаҳмонем. Бо ин роҳ ҳам деҳқон маҳсулоти бозоргир истеҳсол менамояду ҳам камчинии маҳсулот аз байн меравад». 
Меҳрангез ҚОДИРОВА, «Ҷумҳурият»
 
 
АЛОҚАИ МОБИЛӢ.  БЕШ АЗ 2 МИЛЛИОН МУШТАРӢ ТО ҲОЛ АЗ БАҚАЙДГИРӢ НАГУЗАШТААНД
Айни замон дар мамлакат шумораи истифодабарандагони алоқаи мобилӣ, ки азнавбақайдгирии симкортҳоро нагузаштаанд, беш аз 2 миллион нафар мебошанд. Дар ҷумҳурӣ, дар маҷмӯъ, 4 миллиону 960 ҳазору 152 симкорт ба қайд гирифта шуда, аз ин 200 ҳазор муштарӣ кори азнавбақайдгириро дар давоми шаш моҳи сипаригашта иҷро намуд. Дар ин бора муовини директори Хадамоти алоқа Илҳомҷон Атоев иттилоъ дод.
Ба гуфтаи ӯ, истифодабарандагони боқимондаи алоқаи мобилӣ бояд то моҳи феврали соли 2022, охирин муҳлат, азнавбақайдгирии симкортҳоро дар асоси шиносномаи шаҳрванди Ҷумҳурии Тоҷикистон, намунаи соли 2014, яъне IT анҷом диҳанд. 
Азнавбақайдгирӣ дар доираи иҷрои Қарори Ҳукумати Ҷумҳурии Тоҷикистон «Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он» дар ҳамкорӣ бо опператорони ширкатҳои мобилӣ амалӣ мегардад. Дар шаҳру ноҳияҳои ҷумҳурӣ зиёда аз 500 марказҳои хизматрасонӣ шабонарӯзӣ фаъолият менамоянд.
Оҳистамоҳ ВАФОБЕК, «Ҷумҳурият»
 
 
 
ДМТ
Донишгоҳи миллии Тоҷикистон дар миқёси ҷумҳурӣ ва кишварҳои Осиёи Миёна аввалин шуда аз аккредитатсияи байналмилалии институтсионалӣ гузашт. Моҳи январи соли равон Шӯрои экспертони Агентии эстонии ЭККА сатҳу сифати таълим, фаъолияти илмию байналмилалӣ, тарбия ва хоҷагидории донишгоҳро ба муқаррароти аврупоӣ ҷавобгӯ эътироф намуд.
Ҳамчунин, дар рейтинги муассисаҳои таҳсилоти олии касбии кишвар, ки моҳи апрели соли ҷорӣ аз ҷониби Агентии давлатии назорат дар соҳаи маориф ва илми назди Президенти Ҷумҳурии Тоҷикистон аз рӯи 36 нишондиҳандаи таълимию методӣ роҳандозӣ гардид, донишгоҳ миёни 31 муассисаи таҳсилоти олии касбӣ, бо касби 182 хол сазовори ҷойи 1 - ум шуд. 
Дар ин бора, ректори донишгоҳ Қобилҷон Хушвахтзода зимни ҷамъбасти натиҷаҳои шашмоҳа ба хабарнигорон иттилоъ дод. Ба саволи хабарнигори рӯзнома дар мавриди он ки аз аккредитатсияи байналмилалӣ гузаштани донишгоҳ то куҷо барои эътирофи бештари он дар кишварҳои хориҷӣ мусоидат менамояд, ректор чунин посух дод: 
- Айни замон дипломи Донишгоҳи миллии Тоҷикистонро 40 давлати Аврупо эътироф менамояд. Ба наздикӣ намояндагони ин сохтор ба донишгоҳ ташриф оварданд. Суҳбати мо перомуни минбаъд гузарондани аккредитатсия сурат гирифт. Онҳо ҳамасола дар бораи фаъолияти яксолаи донишгоҳ ва пешравиҳои он ҳисобот мепурсанд. Сертификатеро, ки ба даст овардем, то соли 2024 амал мекунад. Онро ба 7 сол дароз карданием. 
Меҳрангез ҚОДИРОВА, «Ҷумҳурият»
 
 
 
ДДОТ
Нуъмонҷон Ғаффорӣ, ректори Донишгоҳи давлатии омӯзгории Тоҷикистон ба номи Садриддин Айнӣ, зимни нишасти матбуотӣ дар посух ба суоли хабарнигори рӯзномаи «Ҷумҳурият» гуфт: «Дарвоқеъ ҳолатҳои ба ҷойи кор ҳозир нашудани нафароне, ки донишгоҳро аз ҳисоби буҷети давлат хатм намудаанд, ба чашм мерасад. Аммо мувофиқи талабот онҳое, ки тибқи роҳхат ба ҷойи кор ҳозир намешаванд, маблағеро, ки Ҳукумати кишвар давоми таҳсил барои онҳо харҷ намудааст, ба буҷет бармегардонанд». 
Гуфта шуд, ки дар ҳамин асос нисбат ба 68 мутахассиси ҷавон, ки соли 2020 тибқи роҳхат ба ҷойи кор ҳозир нашуданд, аризаи даъвогӣ таҳия ва ба мақомоти дахлдор ирсол гардид. Аз ин ҳисоб, яксаду ду ҳазору бисту панҷ сомонӣ ба буҷети давлат баргардонда шуд. Баъзе аризаҳои дигар дар баррасӣ қарор доранд. Онҳое, ки ба ҷойи кор ҳозир намешаванд бештарашон писаронанд, ки ба муҳоҷирати меҳнатӣ мераванд. 
Фарзона ФАЙЗАЛӢ,  «Ҷумҳурият»
 


Баёни ақида (0)    Санаи нашр:    №:    Мутолиа карданд: 424
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед