logo

иҷтимоиёт

НОҲИЯИ ВОСЕЪ. ОСОИШГОҲИ КӮДАКОНА ЧАРО ВАЛАНГОР ШУД?

Тайи чанд сол аст, ки  Осоишгоҳи кӯдакона дар деҳаи Нунҷемаси деҳоти Худоёр Раҷабови ноҳияи Восеъ рӯ ба харобӣ оварда, валангор гардидааст. Осоишгоҳе, ки шуҳраи хизматрасониаш дар тамоми минтақаи Кӯлоб паҳн гардида буд. Имрӯз бовари кас намеояд, ки он дар гузашта макони ободу зебо буд. Даромадгоҳ дар надорад. Иншоот бо деворҳои фарсуда, бинои бе дару тиреза ва сақфу фарши рехта мебошад. Ҳолдонҳо мегӯянд, ки осоишгоҳ аз соли 1999 рӯ ба таназзул овард. Аз ободии осоишгоҳ, ба ҷуз деворҳои кафидаю рангпарида чизе намондааст. Ҳатто бом надорад. Феълан, чанд ҳуҷраи онро сокинони деҳа ба партовгоҳ табдил додаанд. 
- Зарари бемории сил бештар ба сокинони деҳаи мо таъсир карда буд. Бо ҳамин сабаб, осоишгоҳро дар ин ҷо таъсис доданд, то кӯдакони мо аз хатари беморӣ дар амон бошанд. Агар осоишгоҳ намебуд, солим мондани фарзандони ман зери суол буд. Тақрибан дар ҳама хонаводаҳо маризи сил дида мешуд, - мегӯяд А. Дӯстмурод, сокини деҳа. 
Се оила аз бесоҳибии иморат истифода карда, ҳуҷраҳояшро мубаддал ба иқоматгоҳ намудаанд. Як сокини деҳаи фавқуззикр дар суҳбат гуфт, ки тайи 7 сол аст, ки дар он ҷо умр ба сар мебарад. Се узви оилаи ин хонавода ба бемории сил гирифтор гардидаанд. Вай тазаккур дод, ки масъулони ҷамоат онҳоро дар ин ҷо роҳ додаанд. Иншоотро посбонанд. Маълум шуд, ки ин оилаҳо аз беилоҷӣ дар ин харобазор маскан доранд.
Тибқи маълумоти дастрасгардида, замоне осоишгоҳ барои қабули беш аз 100 кӯдак шароит дошт. Дар як тараф баҳри омӯзиши наврасон мактаб сохта шуда, дар он ба муҳассилин таълиму тадрис медоданд. Ҷойи хоб, се вақт хӯрок ва дорои толори варзишӣ низ буд. Айни замон дар муассисаи мазкур маркази саломатии деҳот фаъолият дорад. Осоишгоҳ дар мувозинаи Маркази ҳифзи аҳолӣ аз бемории сили ноҳия қарор дошта, аз буҷети маҳаллӣ маблағгузорӣ мегардид. Вале аз бетаваҷҷуҳии масъулон валангор гардида, ҳоли ҳузнангез дорад. Як сокини деҳа дар суҳбат гуфт, ки боми осоишгоҳро се сол пеш масъулон ба хотири навсозӣ канда бурданд. Мутаассифона, касе бомро барқарор накард.  
Сафаралӣ Мирзоев, директори Маркази ҳифзи аҳолӣ аз бемории сили ноҳия, дар суҳбати телефонӣ гуфт, ки соли 2008 раиси вақти вилояти Хатлон аз вазъи осоишгоҳ дидан намуда, ба масъулин супориш додааст, ки барои барқарорсозии он лоиҳа таҳия  намоянд. Ӯ афзуд, ки баҳри татбиқи супориш мутахассисон лоиҳа тартиб доданд ва маблағи он наздикӣ 450 ҳазор сомониро дар бар мегирифт. Ба собиқ раиси вилоят пешниҳод намуданд. То кунун бе ҷавоб мондааст. 
- Аз соли 2000 осоишгоҳ аз фаъолият бозмонд ва дигар маблағгузорӣ нагардид. Соли 2007 каме маблағ барои тахтачӯб ва шифер ҷудо шуда буд. Он замон ман ба ҳайси муовини марказ фаъолият мекардам. Дар он ҷо кӯдаконе, ки бо беморони сил алоқаманд буданд, қабул карда, пизишкон зери назорат мегирифтанд. Осоишгоҳ мисли боду ҳаво ба мо лозим аст. Агар осоишгоҳ барқарор шавад, кори мо осон мегардад. Кӯдакони маризро дигар на дар хонаҳо, балки дар он ҷо то 6 моҳ нигоҳубин намуда, ба табобат фаро мегирем, - гуфт С. Мирзоев. 
Аз гуфтаҳои масъулон метавон хулоса кард, ки ҳеҷ азму нақшае дар масъалаи роҳандозии осоишгоҳ нест. Умедворем, ки масъулони ноҳия дар якҷоягӣ бо Вазорати тандурустӣ ва ҳифзи иҷтимоии аҳолии мамлакат ба ин мушкилӣ расидагӣ мекунанд.  
 
Суннати СОДИҚ, «Ҷумҳурият»


Баёни ақида (0)    Санаи нашр: 14.07.2021    №: 140    Мутолиа карданд: 452
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед