logo

Хабарҳо

АЗ НИШАСТҲОИ МАТБУОТӢ

Мусофирон кай тариқи роҳи оҳан ба Россия мераванд?
Азим Иброҳим, вазири нақлиёти кишвар, зимни нишасти матбуотӣ дар посух ба ин суоли хабарнигори рӯзнома гуфт, ки КВД «Роҳи оҳани Тоҷикистон» ҷиҳати ба роҳ мондани рафтуои мусофирон тавассути роҳи оҳан ҳамаҷониба омода аст. 
- Дар ҳолати аз ҷониби Федератсияи Россия иҷозат додани ҳаракати нақлиёти роҳҳои оҳан дар кӯтоҳтарин муҳлат мо ба интиқоли мусофирон оғоз менамоем. Ҳоло тамоми сохторҳои КВД «Роҳи оҳани Тоҷикистон» барои кашондани одамон омодаанд ва дар ин маврид ҳеҷ мушкил вуҷуд надорад, - тавзеҳ дод номбурда.  
Ба иттилои вазири нақлиёт, давоми шашмоҳаи аввали соли равон бо роҳҳои оҳани ҷумҳурӣ ҳамагӣ 213 ҳазор мусофир кашонда шудааст, ки бештар равуои шаҳрвандон дар дохили кишварро дар бар мегирад. Қариб 2,7 миллион тонна бор интиқол ёфтааст, ки дар муқоиса ба ҳамин давраи соли пешӣ 88,2 дарсадро ташкил медиҳад. 
Ҷиҳати таъмини ҳаракати бемамониати воситаҳои нақлиёт бошад, дар давраи тирамоҳу зимистони солҳои 2021 – 2022 аз тарафи бахшҳои вазорат дар шаҳру ноҳияҳо наздики 48 ҳазор метри мукааб маводи зидди лағжиш, 181200 литр сӯзишворӣ, 232 тонна ангишт ва 431,5 метри мукааб ҳезум ҷудо гардидааст. 
Ташрифулло САЪДУЛЛОЕВ, «Ҷумҳурият»
 
 
 
Гузариш ба стандартҳои байналмилалӣ - ҳалли проблема дар соҳаи геология
Дар соҳаи геология дар баробари омӯзиш ва кашфи канданиҳои фоиданок ҳалли проблемаи гузариш ба стандартҳои байналмилалии ҳисоботҳо ва ҳисоби захираҳо аз масъалаҳои муҳим ба ҳисоб меравад, ки Саридораи геология дар нимсолаи аввали соли ҷорӣ ба он диққати махсус дод. Аз ин рӯ, масъалаи мазкур қисмати муҳими татбиқи Барномаи давлатии рушди соҳаи геология барои солҳои 2021-2030 - ро фаро гирифт. 
Илҳомҷон Оймуҳаммадзода, сардори Саридораи геология, иброз дошт, ки захираи маъдан ҳангоми омӯзиши геологии қаъри замин муайян гардида, мутаассифона, дар бисёр маврид, хусусан ҳангоми коркард тасдиқи худро намеёбад. Ба чунин мушкилиҳо бисёре аз ҷамъиятҳои дар доираи иҷозатнома фаъолиятдошта рӯ ба рӯ мешаванд. Аз ин рӯ, гузариш ба стандартҳои байналмилалӣ имконият медиҳад, ки омӯзиши геологӣ дар доираи барномаҳои муосир анҷом ёфта, захираҳои ҳисобишуда таҳлил гарданд.
Оҳистамоҳ ВАФОБЕК,  “Ҷумҳурият”
 
 
ДОНИШГОҲИ ДАВЛАТИИ ТИҶОРАТ
Омӯзгорон аз пардохти маблағи хобгоҳ озод шуданд
Бо мақсади дастгирии сиёсати маорифпарваронаи Пешвои миллат муҳтарам Эмомалӣ Раҳмон раёсати Донишгоҳи давлатии тиҷорати Тоҷикистон аз 1 январи соли 2021 андозаи музди меҳнати ҳамаи кормандонро дар доираи имкониятҳое, ки дошт, зиёд намуд. Инчунин, омӯзгорону кормандоне, ки дар хобгоҳи донишгоҳ зиндагӣ мекунанд, аз пардохти маблағ барои истиқомат озод карда шуданд.
Дар ин бора ректори донишгоҳ Маҳмадалӣ Қурбонзода зимни нишасти матбуотӣ иттилоъ дод. Ӯ, инчунин гуфт: «Омӯзгороне, ки соли ҷорӣ рисолаҳои номзадӣ ва докторӣ ҳимоя намуданд, аз ҷониби раёсати донишгоҳ ба миқдори 4000 сомонӣ ҳавасманд гардонда шуданд».
- Ҳоло дар донишгоҳ 257 омӯзгор, аз ҷумла 17 доктори илм, 115 номзади илм, 88 муаллими калон ва 37 ассистент барои пешбурди фаъолияти илмӣ - таҳқиқотӣ ҷалб гардидаанд, - илова кард ректори донишгоҳ. 
Нигина РАҲМОН, «Ҷумҳурият»
 
 
ҒИЗОНОКИИ ХОК КАМ МЕШАВАД
Чӣ бояд кард?
Дар ҳоле, ки гирифтани ду – се ҳосил аз як замин тақозо мегардад, сол ба сол ғизонокии таркиби хок кам шуда истодааст. Чӣ бояд кард? Ба ин суоли хабарнигори рӯзнома ректори Донишгоҳи аграрии Тоҷикистон ба номи Шириншоҳ Шоҳтемур Усмон Маҳмадёрзода дар нишасти матбуотӣ чунин посух дод: 
- Барои пешгирии ҳолат, бо назардошти пайдарҳамии кишти зироатҳо, бояд пас аз гирифтани ҳосил заминро ғизонок ва киштгардон кард. Ин яке аз шартҳои муҳими таъмини ҳосилнокист. Модоме ки сухан сари гирифтани ду - се ҳосил меравад, ғизоро пурра додан лозим аст. Агар замин сари вақт ғизонок нашаваду зироатҳо бо маводи зарурӣ таъмин нагарданд, замин хароб мешавад. 
Ҳар як хоҷагиро зарур аст, ки вобаста ба қитъаи замин, нақшаи киштгардон дошта бошад. Ғайр аз ин, ҳангоми рӯёндани ду – се ҳосил, бештар зироатҳои лӯбиёӣ: нахӯд, наск, лӯбиё, мош коштан даркор мебошад. Инҳо ҳосилнокии заминро барқарор мекунанд. Аз алафҳои бисёрсола бошад, юнучқа ва қатраборон дар ин шуморанд. Ҳамчунин, ба ҷуз доруҳои минералӣ, додани нуриҳои органикӣ, ба монанди пору ва кампосро набояд сарфи назар кунем. Дар ин сурат ҳосили дилхоҳ ба даст меояд. 
Ҳоло олимон барои ҷорӣ кардани киштгардони кӯтоҳдавр кор карда истодаанд. Ба ин васила заминҳо дар муддати кӯтоҳ барқарор мегарданд. 
Меҳрангез ҚОДИРОВА,  «Ҷумҳурият»
 


Баёни ақида (0)    Санаи нашр:    №:    Мутолиа карданд: 377
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед