logo

номаҳо

ТАВАССУТИ "ҶУМҲУРИЯТ" АЗ МАСЪУЛОН ХОҲИШ МЕКУНАМ

Ба идораи рӯзномаи дӯстдоштании “Ҷумҳурият” муроҷиат намуда, маълум менамоям, ки парварда ва тарбиятёфтаи замони Истиқлоли давлатӣ ҳастам. Солҳои наврасӣ ва донишандӯзиву ҷавониам ба ин навбаҳори таърихи миллат рост омадааст. Бо нияти ба кишвари азизам ҷиҳати шароити мусоид фароҳам овардан ба донишандӯзӣ хизмат намудан, пас аз хатми риштаи забони англисии Донишгоҳи давлатии омӯзгории Тоҷикистон ба номи Садриддин Айнӣ соли 2010 ба шуъбаи ғоибонаи аспирантураи ин донишгоҳ дохил шудам. Кори илмиамро дар мавзуи “Ҳамкориҳои Ҷумҳурии Тоҷикистон бо кишварҳои форсизабон (Ҷумҳурии Исломии Афғонистон ва Ҷумҳурии Исломии Эрон) (солҳои 1991-2016)” таҳти роҳбарии доктори илми таърих З. Сайидзода дар Шурои диссертатсионии 6D.КОА-030-и назди Донишгоҳи миллии Тоҷикистон ҳимоя намудам.
Раёсати Комиссияи олии аттестатсионии (КОА) назди Президенти Ҷумҳурии Тоҷикистон 26-уми марти соли 2021 қарори Шурои диссертатсионии Донишгоҳи миллии Тоҷикистонро оид ба додани дипломи дараҷаи илмии номзади илми таърихро ба ман аз 17-уми моҳи сентябри соли 2020  бекор намуд. 
Барои баррасии масъалаи мазкур ба КОА муроҷиат намудам, аммо КОА талаботи Қонуни Ҷумҳурии Тоҷикистон дар бораи муроҷиати шахсони воқеӣ ва ҳуқуқиро эътироф накарда, оид ба рад намудани кори илмиам ҳуҷҷатҳои тасдиқкунанда пешниҳод карда натавонист.
Фармоиши раёсати КОА-ро аз 30 марти соли 2021 таҳти №84/ди бо асосҳои зерин нодуруст мешуморам:
1. Банди 16-и Тартиби додани дараҷаҳои илмӣ ва унвони илмӣ (дотсент, профессор, аз 26.11.2016, № 505) ба Дастурамал дар бораи санҷиши диссертатсияҳо оид ба мавҷуд будани асардуздӣ (плагиат) (31. 05. 2018, №5/7) то моҳи марти 2021, бо чунин мазмун барои рад кардани диссертатсияҳои илмӣ истифода нашудааст ва иҷрои он низ дар оянда ғайриимкон мебошад.
2. Дастурамал дар бораи санҷиши диссертатсияҳо оид ба мавҷуд будани асардуздӣ (плагиат) (31.05.2018, № 5/7) баъд аз ҷорӣ гардидани Дастурамал дар бораи санҷиши дараҷаи асолати матни диссертатсия ва автореферати диссертатсия аз рӯйи барномаи компютерии “антиплагиат” (аз 31.10.2019, № 9) беэътибор шудааст. 
3. Кори илмии ман аз ҳама марҳилаҳои санҷишӣ гузашта, то раёсати КОА мусбат арзёбӣ шуд, вале дар ҷаласаи раёсат марҳилаҳои тайшударо ба эътибор нагирифтанд, ки амали раёсат инкоркунандаи фаъолияти худи КОА мебошад.
4. Кори диссертатсионӣ дар рӯзи корӣ (аз соати 08:00 то соати 17:00) мавриди таҳлили техникӣ қарор нагирифта, берун аз вақти корӣ, яъне дар соати 23:41 аз санҷиши антиплагиат гузаронда шудааст. Ба гумони ман ин амали КОА барои маълумоти нодуруст пешниҳод кардан оид ба натиҷаи “антиплагиат” мусоидат кардааст.
5. Бандҳои 3, 8, 9 (баёноти Ф. Салимов ва Ф. Ғафорзода аз тарафи Прокуратураи генералии Ҷумҳурии Тоҷикистон гирифта шудааст ва онҳо эътироф намуданд, ки аз кори илмии ман  3,48 % маводро ба нафъи худ истифода бурдаанд), 12, 21, 30 (иқтибос аз 01.04.2021, баъд аз рад шудани кори илмӣ аз ҷониби КОА), 31, 57, 61, 63, 103, 104, 120, 123, 127 (тақрибан 9,7 %) аз натиҷаи маълумотномаи “антиплагиат”-и КОА, ки дигарон аз кори илмии ман истифода кардаанд, лағв нашудааст.
6. Маълумотномаи оид ба натиҷаи санҷиши антиплагиати манзурнамудаи Донишгоҳи славянии Россия ва Тоҷикистон, ки аслияти кори илмии маро 83,72% муайян кардааст ва он татбиқи амалии хешро дар ҷаласаи Шурои экспертии (81,18%) назди КОА ёфтааст ва аз талаботи муқаррарнамудаи КОА 8,72% зиёд мебошад, аз ҷониби КОА ба эътибор гирифта нашудааст.
Тавассути “Ҷумҳурият” аз масуълон хоҳиш мекунам, ки дар ҳалли мушкили мавриди назар ёрии амалии худро расонед. 
 
Муҳаммад ДУЛОЕВ, 
устоди Донишкадаи давлатии забонҳои Тоҷикистон 
ба номи Сотим Улуғзода


Баёни ақида (0)    Санаи нашр: 02.09.2021    №: 175    Мутолиа карданд: 6063
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед