logo

иҷтимоиёт

МИНТАҚАИ КӮЛОБ. ЧАНД МУШКИЛИ ЗИМИСТОНГУЗАРОНӢ

Ҷамъоварии ҳаққи истифодаи неруи барқ дар филиалҳои ҶСК «Шабакаҳои тақсимоти барқ дар минтақаи Кӯлоб» қонеъкунанда набуда, сол ба сол қарзи истифодабарандагон рӯ ба афзоиш аст. 
 
Дар робита ба ин, Ғайратшо Маҳмуродзода, роҳбари корхонаи мазкур, дар суҳбат иброз дошт, ки қарзи муштариён беш аз 330 миллион сомониро ташкил медиҳад. Гуфта шуд, ки Хоҷагии обу корез 12 миллиону 300 ҳазор сомонӣ, ташкилотҳои буҷетӣ ҳудуди 7, 5 миллион сомонӣ, корхонаҳои боқимондаву аҳолӣ 214 миллион сомонӣ қарздоранд. 
Ин дар ҳолест, ки тибқи иттилои масъулон нисбат ба солҳои қаблӣ пардохти маблағ аз ҷониби истифодабарандагон беҳтар гардидааст. Фарзи мисол, Ғайратшо Маҳмуродзода гуфт, ки тибқи барномаи биллинг кор бо муштариён осонтар гардидааст. Масалан, ҳангоми пардохти ҳаққи барқ ба телефони муштарӣ расиди пардохт тавассути паёмак фиристода мешавад. Ба гуфтаи масъулон, аз ин намуди хизматрасонӣ 174 ҳазор муштарӣ истифода мебарад.  
Қариб як сол мешавад, ки филиалҳои ҶСК "Шабакаҳои тақсимоти барқи минтақаи Кӯлоб» зерсохтори муассисаи фавқуззикр гардидаанд. Ба суоли «баъд аз тағйир ва иваз гардидани сохтор чӣ дигаргунӣ шуд?» Ғайратшо Маҳмуродзода чунин посух дод:
Солҳои пешин ҷамъоварии ҳаққи истифодаи неруи барқ 30 - 40 фисад иҷро мешуд, ки айни замон то 80 фоиз расидааст. Туфайли ин дар нуҳ моҳи соли равон 68 трансформатор таъмир гардид. Метавон гуфт, ки  аз пештара дида корҳо беҳтар гардида истодаанд. 
Вале Фарҳод Мирзоев, роҳбари тиҷоратии филиали  ҶСК  «Шабакаҳои   тақсимоти барқ    дар ноҳияи Восеъ» назари дигар дорад. Ӯ, зимни суҳбат зикр кард, ки бо тағйир ёфтани сохтор танҳо ҷамъоварии истифодаи неруи барқ беҳтар гардидаасту халос. Вазъи тайёрӣ ба зимистонгузаронӣ хуб нест. Мавсуф афзуд, ки дар як моҳ ҳамагӣ 300 литр сӯзишворӣ мегиранд, ки ҳатто барои рӯзҳои корӣ басанда нест. Ҳарчанд дар рӯзҳои истироҳат низ дархостҳо барои бартарафсозии баъзе садамаҳо кам нестанд, бо назардошти ин, ба гуфтаи мутасаддиён солҳои пешин ниҳоди мазкур барои зимистонгузаронӣ то як тонна сӯзишворӣ захира мекард. 
Тоҳир Абдураҳимов, роҳбари техникии шабакаҳои тақсимоти барқи ноҳияи Мир Сайид Алии Ҳамадонӣ, гуфт, ки ба онҳо барои як моҳ 500 литр сӯзишворӣ медиҳанд, аз ин рӯ сӯзишвориро сарфа мекунанд, ки то моҳи дигар бирасад. Дар анбор ҳамагӣ 40 литр сӯзишворӣ захира доштанду халос. Тибқи иттилои мутасаддиёни филиали болозикр, техникаҳои муассиса фарсуда буда, таъмирро тақозо доранд. 
Умуман, айни ҳол дар минтақаи Кӯлоб 46 ҳазору 286 симчӯби фарсуда буда, дар нуҳ моҳ 430-тои онҳо ба пояҳои бетонӣ иваз шуданд. Қобили қайд аст, ки беш аз 100 деҳа дар минтақа ҳанӯз ҳам барқ надорад. Суоли матраҳ ин аст, проблемаи норасоии сӯзишворӣ дар филиалҳо бартараф мешавад, ё на? Масъулон кай метавонанд деҳаҳои бебарқро бо барқ таъмин намоянд? «Ҷумҳурият» ин мавзуъро пайгирӣ хоҳад кард.
 
Суннати СОДИҚ,  «Ҷумҳурият»
 


Баёни ақида (0)    Санаи нашр: 11.11.2021    №: 227    Мутолиа карданд: 1257
26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр

ЛИГАИ ОЛӢ

10.11.2021


Вохӯрии Сироҷиддин Муҳриддин бо кормандони Сафорати Тоҷикистон дар Россия

ҶАЛАСАИ САЙЁРИ РУШДИ МАҲАЛ


Дар сомонаҳои дигари Тоҷикистон хонед