logo

маориф

КӮЛОБ. АВЛАВИЯТ БА РУШДИ МАОРИФ

 
Бешак, маориф самти афзалиятноки сиёсати иҷтимоии давлат маҳсуб ёфта, ҳамасола барои бунёди муассисаҳои таълимӣ, биноҳои таълимии иловагӣ, инчунин муҳайё намудани шароити мусоид барои донишандӯзии хонандагон, тадбирҳои зарурӣ роҳандозӣ мегарданд. Бояд эътироф намуд, ки дастоварду пешравиҳо дар ин соҳаи ҳаётан муҳиму калидӣ давоми беш аз ду даҳсола бесобиқа арзёбӣ мегарданд. Сиёсати маорифпарваронаи Сарвари давлат дар самти беҳтар намудани сатҳу сифати таълим, тайёр намудани мутахассисони ҷавобгӯ ба талаботи замон мусоидат мекунад.
Тавре сардори раёсати маорифи Мақомоти иҷроияи ҳокимияти давлатии шаҳри Кӯлоб Қадамшоҳ Ҳакимзода ба хабарнигори «Ҷумҳурият» иброз дошт, муҳимтарин омили комёбӣ дар соҳаи маориф таълиму тарбия мебошад, зеро омӯзгори фаъолу кордон, дониши баланддошта, бузургтарин дороӣ ва калиди дари ганҷинаи маънавии ҳар маърифатгоҳ мебошад. Чуноне Роҳбари давлат дар Паёмашон иброз доштанд, агар омӯзгор сатҳи баланди касбият надошта бошад, мо ҳеҷ гоҳ ва бо ягон восита сифати таълиму тарбияро беҳтар карда наметавонем.
Раёсати маорифи Мақомоти иҷроияи ҳокимияти давлатии шаҳри Кӯлоб дар тобеияти худ 75 муассисаи таълимию тарбиявӣ дошта, дар онҳо 52 810 хонанда ба таҳсил фаро гирифта шудааст. Шумораи умумии омӯзгорон 3 652 нафарро ташкил медиҳад. Айни замон дар муассисаҳои шаҳру деҳоти Кӯлоб 2 Корманди шоистаи Тоҷикистон, 156 аълочии маориф, 6 нафар аълочии фарҳанги Тоҷикистон кор карда истодаанд. Дар даври ҷумҳуриявии олимпиадаҳои фаннӣ аз рӯйи 13 фан  намояндагони муассисаҳои таълимии мо соҳиби 57 ҷойи ифтихорӣ ва медалҳо шуданд, аз ҷумла 2 тилло, 13 нуқра ва 42 биринҷӣ. 
Ҳамзамон, хонандагони мо аз олимпиадаҳои байналмилалӣ 3 медали тилло, 3 медали нуқра, 4 медали биринҷӣ ва 35 ифтихорнома ба даст оварданд. Инчунин, 82 хонанда дар солҳои 2021-2022 гирандаи Стипендияи президентӣ шуд. Бо дастгирии Мақомоти иҷроияи ҳокимияти давлатии шаҳр ва бо ҷалби сокинони маҳаллӣ, соҳибкорон ва шахсони саховатпеша дар назди муассисаи № 19 сохтмони муассисаи таълимии нав барои 480 ҷойи нишаст сохта ба истифода дода шуд, ки ин мушкилоти себастиро аз байн бурд. Дар соли сипаришуда, бо дастгирии соҳибкор Бахтиёр Назаров дар маҳаллаи М. Раҳимзода сохтмони 10 синфхонаи иловагӣ барои 240 ҷойи нишаст, хонаи муаллимон сохта шуд. Дар асоси Барномаи давлатии рушди соҳаи маориф, айни замон сохтмони муассисаи таълимии нав дар маҳаллаи Абдушукурова, сохтмони муассисаи таълимӣ барои 320 ҷойи нишаст дар деҳаи Сангпари Ҷамоати деҳоти Зиракӣ идома доранд. Бояд гуфт, ки аз ҳисоби Фонди саудии рушд сохтмони муассисаи таълимӣ барои 240 ҷойи нишаст дар деҳаи Гулистони Ҷамоати деҳоти Зарбдор оғоз гардидааст. Дар доираи амалигардонии лоиҳаи муштараки Бонки исломии рушд, шарики глобалӣ дар соҳаи маориф оид ба дастгирии татбиқи стратегияи рушди маориф дар шаҳри Кӯлоб, сохтмони муассисаи таълимии рақами 36 барои 240 ҷойи нишаст дар деҳаи Чоқтемур, сохтмони бинои иловагӣ барои 240 ҷойи нишаст дар назди муассисаи таълимии рақами 14, деҳаи Панҷосиёб, сохтмони бинои иловагӣ барои 240 ҷойи нишаст дар назди муассисаи таълимии рақами 28, Ҷамоати деҳоти Зиракӣ, сохтмони муассисаи таълимӣ барои 240 ҷойи нишаст дар Ҷамоати деҳоти Зарбдор, сохтмони бинои иловагӣ барои 240 ҷойи нишаст дар назди муассисаи таълимии рақами 42 дар маҳаллаи Ҷумъа Алӣ, сохтмони бинои иловагӣ барои 240 ҷойи нишаст дар назди муассисаи таълимии рақами 21 дар деҳаи Корез ва сохтмони бинои иловагӣ дар назди муассисаи таълимии № 49 дар деҳаи Тӯдакафш ба нақша гирифта шудааст. 
Итминони комил дорем, ки рушди соҳаи маорифи шаҳр дар партави сиёсати созандаву хирадмандонаи Пешвои муаззами миллат муҳтарам Эмомалӣ Раҳмон боз ҳам вусъати бештар ёфта, моро водор месозад, ки сифати таълиму тарбияро беҳтар намоем, - гуфт Қадамшоҳ Ҳакимзода.
 
Холназар КАСИРОВ, «Ҷумҳурият»


Баёни ақида (0)    Санаи нашр: 28.02.2022    №: 40    Мутолиа карданд: 1592
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед