logo

Хабарҳо

Маскав ва Пекин инфрасохтори заруриро барои тиҷорат бо асъори миллӣ фароҳам овардаанд

РИА Новости. Маскав ва Пекин тамоми инфрасохтори гузариш ба тиҷорат бо асъори миллиро бунёд кардаанд. Дар солҳои охир афзоиши ҳиссаи муомилот бо рубл ва юан дар ҳисоббаробаркуниҳои мутақобила мушоҳида мешавад,- гуфт муовини вазири корҳои хориҷӣ Игор Моргулов.
"Дар мавриди ҳисоб-баробаркуниҳои мутақобила, рӯй-додҳои ахир рӯшан нишон доданд, ки маҳз асъори миллӣ боэътимодтарин ва бехатартарин шакли пардохт мебошанд. Мо дар ин самт бо Чин инфрасохтори зарурӣ бунёд кардем: дар Россия як бонке мавҷуд аст, ки барои пардохти юан ваколатдор шудааст, ҷуфти рубл-юан дар биржаи Маскав муомила карда мешавад ва байни бонкҳои марказӣ созишнома дар бораи мубодилаи асъор баста шудааст", - таъкид кард дипломат.
Ба гуфтаи Моргулов, солҳои ахир саҳми асъори миллӣ дар муомилоти Россияву Чин ба таври назаррас афзуда, дар нимаи аввали соли гузашта ҳудуди 25 дарсадро ташкил додааст.
 
 
 
Беларус дар ҷаласаи Комиссияи СММ оид ба аҳолӣ ва рушд ширкат кард
Мир24. Беларус омода аст бо тамоми шарикони байналмилалӣ муколамаи созанда, эҳтиромона ва мутақобилан судмандро анҷом диҳад. Дар ин бора муовини намояндаи доимии Беларус дар СММ Павел Евсеенко дар ҷаласаи Комиссияи аҳолӣ ва рушд изҳор дошт.
«Беларус даъват мекунад, сиёсати хашмгинона, ки имрӯз системаҳои иқтисодиро халалдор месозад ва ҷаҳонро ба вартаи фақру гуруснагӣ тела медиҳад, хотима ёбад. Имрӯз рушди устувори ҳар як миллат ба муколама, амал ва тасмимҳои ҳамаи кишварҳо вобаста аст», - гуфт Евсеенко.
Дипломат ёдовар шуд, ки Беларус ду сол боз таҳти фишори фаъоли Ғарб қарор дорад. Вайрон кардани занҷирҳои таъминот ва мушкилоти ғизо, инчунин, ба давлатҳое, ки чораҳои маҳдудкунандаро оғоз кардаанд, таъсири манфӣ мерасонад. Беларус чунин мешуморад, ки ин бояд қатъ карда шавад. Тибқи маълумоти СММ, тақрибан ду миллиард нафар дар ҷаҳон аз норасоии ғизо ранҷ мебаранд.
 
 
 
Мулоқоти Путин бо Гутерриш  
 
Мир24. Президенти Россия Владимир Путин дар Кремл бо Дабири кулли СММ Антониу Гутерриш мулоқот кард. Роҳбари Россия дар бораи чӣ гуна ҷараён доштани музокирот бо Украина сухан гуфт.
«Мо ҳанӯз умедворем, ки бо роҳи дипломатӣ ба созишҳо ноил мешавем. Мо дар ҳоли гуфтушунидем ва онро рад намекунем. Гузашта аз ин, зимни музокирот дар Истанбул мо тавонистем ба як пешравии хеле ҷиддӣ ноил гардем. Гуфтушунид идома дорад ва он дар шакли онлайн баргузор мешавад. Бо вуҷуди ин, умедворам, ки ин моро ба натиҷаи мусбат мерасонад», - таъкид кард Президенти Россия.
«Мо аз муколамаи ду кишвар ва аз иродаи нек барои пешбурди он ҷонибдорӣ мекунем», - гуфт дар навбати худ Дабири кулли СММ. Владимир Путин, ҳамчунин, иброз дошт, ки Россия ҳамеша аз СММ пуштибонӣ мекунад ва онро як созмони универсалӣ ва беназир медонад.
 
 
 
Чин: «Масъулони ҳамлаи террористӣ дар Карочӣ муҷозот хоҳанд шуд»
 
Синхуа. Намояндаи расмии Вазорати корҳои хориҷии Чин дар шарҳи ҳамлаҳои террористӣ дар Карочии Покистон гуфт, ки хуни чиниҳо набояд беҳуда рехта шавад ва ҳар касе дар ин ҷиноят даст дорад, ҳатман ҷавоб хоҳад дод.
Ба гуфтаи дипломати чинӣ, рӯзи сешанбе як микроавтобуси мусофирбари Донишкадаи Конфутсий дар назди Донишгоҳи Карочӣ тарконда шуд, ки дар натиҷа се омӯзгори чинӣ кушта ва як нафари дигар захмӣ шуд. Дар миёни покистониҳо низ қурбониҳо зиёданд. Вай гуфт, ки Чин маҳкумияти шадиди худро аз ин ҳамлаи террористӣ, ҳамчунин, таслияти амиқ барои талафоти ҷонӣ ва ҳамдардии самимӣ ба қурбониён ва наздикони қурбониён баён мекунад. 
Ёрдамчии вазири корҳои хориҷии Чин У Сзянхао аз ҷониби Покистон тақозо кард, ки билофосила таҳқиқи ҳамаҷонибаи ин ҳодиса, боздошт ва муҷозоти масъулони комили қонунро бигирад ва барои таъмини амнияти шаҳрвандони Чин дар Покистон ва ҷилавгирӣ аз такрори чунин ҳодисаҳо тамоми тадобири имконпазирро биандешад.
 


Баёни ақида (0)    Санаи нашр:    №:    Мутолиа карданд: 8865
07.07.2022


Вохӯрии вазири молия бо Ули Маурер

МУЛОҚОТИ ҲОКИМ ХОЛИҚЗОДА БО ДИРЕКТОРИ ХБА

Зарбаи таҳримот ба иқтисоди ҷаҳонӣ

Ҷаҳон дар як сатр

“ШИРКЕНТ”. ҚАБУЛИ 1200 НАФАР ДАР ЯК МАВСИМ ДАСТОВАРДИ КАМ НЕСТ

05.07.2022


Рӯзҳои фарҳанги Тоҷикистон дар Арабистони Саудӣ дар назар аст

Шаббос дар «Ҷоми Элорда – 2022» мақоми сеюмро гирифт

Суҳбати телефонии Токаев бо Мирзиёев

Ҷаҳон дар як сатр

ДОНИШГОҲИ МИЛЛӢ. 299 ХАТМКУНАНДА СОҲИБИ ДИПЛОМИ СУРХ ШУД

Ҷаласаи Шурои вазирони адлияи давлатҳои ИДМ

01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР


Дар сомонаҳои дигари Тоҷикистон хонед